البيطري..وعدم الخبرره (الموت)

[عادل عبدالله]

بسم الله الرحمن الرحيم
السلام عليكم ورحمة الله وبركااته

الحين عندناا مشكله كبيره في طب البيطره
تروح للطبيب تقوله طيري فيه جرح قال بنعطيه (ابره) تقوله طيري جناحه مكسور قال بنعطيه (ابره)
وياالله يعطيه (ابره) وهو مايدري وش مفعولها وهي مفيده ولا لا ؟!!

وانا ماعرضت الموضوع هذا اللا انه صار معي مواقف من البيطره

مره رحت اودي الكاسكو حقي تعبان شوي قال (ابره) قلت يالله واول ماعطاه (ابره) على طول الكاسكو ماات

ومره وديت البادجي ونفس الشي

وبعدين وديت الكروان اللي عندي وكانت رجله فيها جرح قال (ابره) قلت والله ثم الله ثم والله ماتعطيه (ابره) يوم حط ايدين على رجله ولفها ورحت للبيت والحمدلله ماكان صار شي

وانا انبهكم مرره ثانيه ماتروحوون الا لبيطري عنده سمعه جيده وخبره ممتازه


تحياتي......

[..{ Ė๓ǻ]

الله يوفقكــم لآ تودوا ببغآواتــكم لآي بيطــري
لان والله والله بيآطره السعوديه زفـت ومدري كيف مآخذين الشهآده
اذا مرض اي ببغاء عندكـم اسآلوا هنآ والله هنآ فيه نآس احسن من الخبرآء بميه مره
وآنآ كم مره مرض طيــر عندي وسألت هنا والحمدلله مشيت على كلامهـم وشفوا الحمدلله
ومــره ببغآتي واحلى وانظـف ببغاء شريته في حيآتي مرضت ( المايكوبلازمآ ) و وديتهآ اول بيطري عطآهآ دوآء حق الاسهآل !!!!
وآنآ صدقت واعطيتهآ اياهـ كل يوم ,, وحقتي بالقوه تتنفس والله صوت نفسهآ عآلي وتشآهق عشان تتنفس
وماترتآح الا لما تنآم وحتى لمآ تنآم تشآهق بقــوه ,, وبعدين وديتهآ بيطري ثاني مسكهآ وطالع فيهآ قال معآهآ اسهـآآل وهو شايفهآ قدامه تحتظر يقول مآفيهآ شي ,, اخذهآ عندهآ ماحط لهآ لا دواء ولا شي ,, وهي اصلا صار لهآ كم يوم ماتآكل ولا تشرب ابد !! ,, نقوله كيف بتعطيها الدواء وهي ماتاكل يقول مآفي حيوان بالدنيا ماياكل ,, لآ تآكل بس انتوا ماتشوفوهآ !! ,, الصبح مآتت عنده

[عادل عبدالله]

مشكووره على المرور الطيب
والنصيحه الطيبه

[كتاب مقفل]

>>> لا حول ولا قوة إلا بالله الحي العظيم .. .

نقص الخبرة عند الطبيب مشكله .. يعني لو يقول مااعرف نقول عذره معه موعيب ... لكن يعمل برفيسوووور ويخربها ويقتل الكائن الحي هذه مصيبه (العناد مصيبه) ... واعتقد ان اللي يعالجون اليومين هذه كلهم مشي حالك هدفهم الضحك على الذقون والمكسب المادي ولا يوجد هناك من يحاسبهم على الأخطاء الطبية ... يعني بالخبره تعرف تعالج طيرك او حيوانك المفضل .

[عادل عبدالله]

المشاركة الأصلية كتبت بواسطة كتاب مقفل

>>> لا حول ولا قوة إلا بالله الحي العظيم .. .

نقص الخبرة عند الطبيب مشكله .. يعني لو يقول مااعرف نقول عذره معه موعيب ... لكن يعمل برفيسوووور ويخربها ويقتل الكائن الحي هذه مصيبه (العناد مصيبه) ... واعتقد ان اللي يعالجون اليومين هذه كلهم مشي حالك هدفهم الضحك على الذقون والمكسب المادي ولا يوجد هناك من يحاسبهم على الأخطاء الطبية ... يعني بالخبره تعرف تعالج طيرك او حيوانك المفضل .

مشكور اخوي على المشااركه
وصحيح قهرر اذا مايعرف ويتفلسف

[mr.meshooo]

مشكووور على النصيحه

[عادل عبدالله]

العفوو هذا واجب

[مـحـمـاس الـمـنـحـاس]

تدري وش المشكله الاساااسيه في البياطره الموجودين عندنا
انهم في الاساس مو بياطره
هم يجون على اساس انه بائع في صيدليه بيطريه
لا اكثر ولا اقل
مجرررد بائع لا خبره ولا شي
يعني المفروووض ان شغلته انك تجي له وتقول له اعطيني العلاج الفلاني
وهو يعطيك
بس مشكلتنا عطيناهم اكثر من حجمهم وقمنا نستشيرهم وش نسوي وكيف نعالج
وهو مستحيييييل يقول لك ما يعرف لأنه يبغى يبيع وبس

والله ثم والله ثم والله
ان خبره الاعضااااااء هنا احسن منهم الف مره ونفعتناااا اكثر من هالبياعين

[ابو محمــد]

انا ما راح ادخل في ذمتهم من اجل ما اخذ اثامهم

موضوعك هذا شدني بسبب قبل البارح اعجبني صاحب محل بيطره

سألتة عن دواء الماني اذا موجود عنده والا لا قال بتاع اية

قلت له بتاع ببغاء قال بصراحة انا ما بفهم في الطيور

طبعا الدواء اللي سألتة ماله علاقة بالطيور نهائيا ولا الحيوانات

لكن هذا يأكد ان البعض وليس الكل متخصص فقط للمواشي .

[ســـمـــا]

لاحول ولا قوة الا بالله
الدكاترة على بالهم ان الببغاوات مجرد طيور زينة
مايدرون مقدار تعلقنا وحبنا لهم واننا نعتبرهم فرد من افراد الاسرة
يعني لو يصير للبغاواتنا شيء عادي مو مشكلة بنحصل غيرهم
ما اقول غير حسبنا الله ونعم الوكيل

صدقت اخوي عادل
بيطري + عدم خبرة = موت الطير

الله يعطيك العافية
تحياتي