سؤال عن السناجب (ضروري) ارجو دخول

[M7mD]

السلام عليكم ..

يا شباب حبيت اسألكم جم سؤال عن السنجاب والصراحه محيريني هالاسأله

1- السنجاب اذا شريته أقدر اربيه واطلعه من القفص واللعب وياه ويلحقني ويركب علي مثل القطط وجذي يعني .

2- السنجاب يعض ؟ ولا عضته عاديه ؟

3- يوصخ المكان ولا عادي بس بمكانه ؟؟

4- كم اسعارهم بالكويت والخليج ؟ (انا اتكلم عن النوع العادي مو الطائر النوع الي نشوفه بلندن بالهايد بارك )


5- ووين اماكن البيع بالكويت واذا في احد من البحرين يقولنا اماكن البيع

6- الي عنده نصيحه وحاب يقولها لا يبخل علي


وانا بأنتظاركم

[ابو عابد]

ج1- اذا كان أليف

ج2- ما يعض اذا كان أليف واذا عض عضته قويه وتطلع دم واجد

ج3- يوصخ بأي مكان

ج4- عندنا بالرياض سعرها من 200 ----- 500 ريال سعودي

ج5- مادري

ج6- انتبه اذا شريته لا ينحاش لأنه ذكي من أو ما تفتح باب القفص ينحاش

والله الموفق

[M7mD]

المشاركة الأصلية كتبت بواسطة ابو عابد

ج1- اذا كان أليف

ج2- ما يعض اذا كان أليف واذا عض عضته قويه وتطلع دم واجد

ج3- يوصخ بأي مكان

ج4- عندنا بالرياض سعرها من 200 ----- 500 ريال سعودي

ج5- مادري

ج6- انتبه اذا شريته لا ينحاش لأنه ذكي من أو ما تفتح باب القفص ينحاش

والله الموفق

يعطيك العافيه يا ابو عابد

والصراحه استغربت ان سعره رخيص لهالدرجه

والي معقدني ان يوصخ بأي مكان

وخلاصة الموضوع تنصحني بواحد:>

[ابو عابد]

الصراحة لا

انصحك بالشوجر جلايدر

[Withered Rose]

1- السنجاب اذا شريته أقدر اربيه واطلعه من القفص واللعب وياه ويلحقني ويركب علي مثل القطط وجذي يعني .

اي و السناجب يحبون الاماكن المغلقه عشان ينام فيهم مثل المخابي و الصناديق .. تقدر تربطه بطريقة معينه و تاخذه معاك بنزهه بس بعد ما يكون مروض . و ممكن تهده بغرفة مسكره يلعب و ينط لحد ما ينام .. انا كانت عندي سنجابه بعد ماتنطط و تلعب تروح تتدور و تنام نفس القطط و اخذها اوديها القفص (السناجب عموما نومهم ثقيل ما يحسون)

2- السنجاب يعض ؟ ولا عضته عاديه ؟

اي يعض (كل الانواع) و لكن دايماً تكون عضته خفيفه كـ إنذار و لكن اذا عصب ممكن تكون عضته قويه حيل .

3- يوصخ المكان ولا عادي بس بمكانه ؟؟

بالنسبه للقفص راح تلاحظ انه ممكن يوصخه باستثناء المكان اللي ينام فيه و يرتاح باقي يومه (العش) اتوقع ممكن تعلمه على حمام الرمل مثل الأرنب و الهامستر بس صراحة ما جربت اعلم سناجبني ما عندي فكرة عن الموضوع, الحل هو نشارة خشب و تغيرها كل يومين ..

4- كم اسعارهم بالكويت والخليج ؟ (انا اتكلم عن النوع العادي مو الطائر النوع الي نشوفه بلندن بالهايد بارك )

يعتمد على النوع و العمر و الصحة و المحل اللي يبيعه بس اهو يبتدي من 15 دينار و طالع .. دايما الموجود بالسوق هو الامريكي المخطط (chipmunk) اللي ذيله ضعيف .. حجمة اصغر من سناجب لندن (Gray squirrels).

5- ووين اماكن البيع بالكويت

سوق الحيوانات .. احيانا يستوردون انواع نادره و حلوة ..

6- الي عنده نصيحه وحاب يقولها لا يبخل علي

حاول تشتري مستلزمات السنجاب قبل لا تشتري السنجاب نفسه لأنه ممكن بسرعه يتأثر اذا مالقى المأوى المناسب ..
القفص لازم يكون بالطول و حط فيه الصندوق المخصص للعش و اغصان اشجار ميته بعد عرضها بالشمس راح يستانس السنجاب عليهم .. و الأرضيه اسلاك و تحتها نشارة خشب أو جرائد ..

تربية موفقة مقدماً و لا تنسى تشاركنا بصور السنجاب

[M7mD]

يعطيج العافيه روز

والصراحه كفيتي ووفيتي ولكن سوق الحيوانات صارلي شهرين اروح وماكو سناجب :s

وبما انج خبيره ماشاء الله

سوري عالفضول عندج سنجاب الحين ؟

وتعرفين مكان يبيع غير سوق الحيوانات ؟

وشنو عيوب السنجاب

مزعج ولا لا هادي ويتربى

للعلم عندي ولد اختي صغير اخاف يعضه لوووووووول

والبيت كبير :s

بأنتظارج واذا عندج اشياء ثانيه انا ماسألت عنها انشالله تفيديني فيها وتكون اشياء مفيده

[طروقو]

والله كفو ووفو بس حاب اقولك شي فيه سنجاب شايفه بالملز على شارع الاحساء في محل واحه الحيوان حلو مره مره نفس الي في لندن لونه بني بــ 370

[M7mD]

يعطيك العافيه طروقو لكن انا من الكويت

وشكرا على مرورك الحلو

[M7mD]

يا جماعه وانا اسوي سيرج بالمواقع .

لقيت ان الكل سنجاب طائر

يعني غريبه ماكو احد ماجرب السنجاب العادي

فيدوني يالي عندكم سناجب

[صرقوع المصرقع]

أخوي .. السنجاب العادي اذا شريته في عمر صغير ما راح يعضك و لا راح يسوي لك شي

ويكون صديقك ويلعب ويمزح ويركض ويستهبل ويستعبط وياكل ويشرب وينام

يعني شيء حلو و جميل وانا احبّه ..

و ماقدر اقول لك اشتريه او لاتشتريه .. لأن هذي حسب قوة ارادتك و تربيتك وحبك له ..

واسلوبك معه ..

و الله يعينك ويوفقك ويسهل عليك

وو تحياتي ..

× صرقوع ×