【★】ஐ..‘ خـطـوهـ بـخـطـوهـ مـعـكم لـلإنـتـــاج بأذن الله ‘.. ஐ【★】

[abadi22]

أول شي أحب اشكرك من قلبي على الموضوع اللي تصفحت جزء منه وراح اكمل التصفح ويعتبر موسوعة مختصرة من خلال النقاش والتفاعل
الله يسعدك ويوفقك اهل المدينة دايم طيبين


عندي زوج كاسكو اخذته من واحد من الشباب له ثلاث سنوات عنده ما انتج فقلت اجرب حظي معاه واغير الطريقة اللي هو متبعها يمكن تنجح مع العلم ان الزوج محلل دي ان اي ومتأكدين انه ذكر وانثى لكن عندي بعض الاسئلة :

1- هل الافضل وضع قفص الكاسكو داخل غرفة مساحتها 3×4 وبنفس الغرفة في طيور ثانية من الكروان والروز والبادجي من باب التفاعل وراحة الزوج لما يكون حوله مجموعة طيور ,, أو الافضل فصله في غرفة اخرى مساحتها تقربيا 1,20× 3 أمتار تقربيا عبارة عن مخزن سابق

2- بالنسبة للغرفة الصغيرة متوفر فيها مكيف اسبلت صغير وفيها فتحة لدخول اضاءة الشمس صغيرة فهل الافضل اذا حطيتهم في الغرفة الصغيرة اني اترك الزوج داخل الغرفة مباشرة (مع توفير البياضة وفاصل بينهم وبين الباب والمكيف) ولا الافضل اني اصمم لهم قفص واحطه داخل الغرفة الصغيرة؟

3- اهم شي هل استخدم الفيتامينات مثل فيرتي فيت ولا الافضل الاعتماد على الاكل الطبيعي .. وانا من أشد المعارضين لاستخدام الفيتامينات


آسف على الاطالة لكن حبيت استفيد من خبرتك وربي يوفقك دنيا وآخرة