الحل حتى يروح الخوف منه

[خالد 9001]

السلام عليكم

اخواني انا من فتره اشتريت كاسكو فرخ تقريبا عمره من 4 الى 6 شهور والحمد لله يتكلم كلمات

خفيفه مثل بابا وماما

لكن عندي مشكله معاه لما المسه براسه وهو داخل القفص مايخاف

لكن لما ادخل يدي عشان اشيله على يدي او امسح عليه يخاف ويهرب مع انه وهو داخل القفص

ويدي خارج القفص اطعمه بيدي والمسه عادي لكن مشكلته لما ادخل يدي لداخل القفص

احس بيحاول يعضني ويهرب هل فيه حل اخواني حتى اقدر اشيله على يدي او المسه وهو داخل

القفص او لو اطلعه لخارج القفص

[شرارة]

وعليكم السلام

وكل عام وانت بخير

اغلب الطيور تحس ان داخل القفص مملكتها الخاصه ولو جبت طير ثاني ودخلته ع الاول يمكن يذبحه

عشان كذا لازم تفهم ان الطير ماراح يسمحلك تتعدا ع ممكلته الخاصة الا في حاله وحده

اذا حبك ووثق فيك راح يسمح اكيد عشان كذا اذا جيت تطعمه افتح الباب ودخل ايدك عليه واطعمه ومع الوقت راح يسمح لك ب المسح إليه داخل القفص

وفيه حل ثاني انك تشيل القفص نهائيا وتخليه ع استاند طول الوقت بس مشكله البرد جاي ولازم تغطيه عن البرد تنفع في الصيف هل طريقه

فيه طيور مصلحجيه اذا كا يبي يطلع من القفص تدخل يدك عليه عادي ويركب ع يدك عشان تطلعه وممكن تمسح عليه يسمح لك لانه داري انك بتطلعه هههههه مصلحه ياحبيبي

بس لو تجيه وهو مايبي يطلع يعضك او مثلا وقت النوم وهو يبي ينام مايرضى ويعضك


على كل حال انت امتحنه في حياته ودخل عليه يدك واطعمه ومسح عليه اللين يرضخ ويبطل هل عاده



بتوفيق اخوي




تحياتي للجميع

[the_gostman]

اخي الفاضل..

الطيور تعتبر ان القفص هو بيتها وبإدخال يدك للقفص تعتبر انك تعديت على مملكتها..أنصح بهذه الحاله وضع الببغاء طول اليوم على الستاند.. وإدخاله على القفص وقت النوم فقط.


بالتوفيق
اخوك رمزي

[خالد 9001]

كل عام وانتم بخير ويعطيكم العاافيه ان شاء الله

[the_gostman]

المشاركة الأصلية كتبت بواسطة خالد 9001

كل عام وانتم بخير ويعطيكم العاافيه ان شاء الله

الله يعافيك أخوي خالد.. وكل عام وأنت بخير .


أخوك رمزي

[خالد 9001]

اخ رمزي خرجته من القفص مثل ماقلت لكن الطير صار يطير بالغرفه ويخبط بالحيطان وخايف يأثر فيه شي
فرجعته لقفصه مره ثانيه

[the_gostman]

اخي الكريم طبعا رح يطير لان الببغاء خائف.

افضل شي تاخذ الببغاء لشخص محترف وتخليه يقص الجناح قصه احترافيه عشان ما يبين ان الببغاء مقصوص.

لا تقص الريش بنفسك عشان الببغاء لا ياخد موقف منك.

حاول التقرب والتودد من الببغاء ومحاوله اطعامه من يدك.

بالتوفيق
اخوك رمزي

[خالد 9001]

هلا اخوي الطائر اطعمه بيدي ولايخاف مني

حتى بالعكس اناديه وهو بالقفص وانا قريب من القفص ويجيني ويعطيني راسه والمسه له ولايخاف

لكن ان شاااااء الله يروح منه اللى ذكرته ببدايه الموضوع

وشكرا لك على تعبك معاي واشكر كل من رد علي

[عزوزالعبدالله]

انصحك م تقص الجناح

حطه على استاند ولو طار رجعه للاستاند مرتين ثلاث وراح يستسلم
ويجلس لكن كل شي تسويه معاه بلطف

[خالد 9001]

والله يا اخي ما احب اقص اخاف اوصله لطبيب ومايعرف يقصه ويأثر على الطير

المشكله انه يخاف يطلع برا القفص واذا طلع خبط بالحيطان

وان شاء الله بحاول معاه مره ثانيه حتى يتعود