اريد جواب صادق فقط

[hammoudi]

انا ربيت وما زال عندي كاسكو وعندي الآن
1. الباذجي.
2. الكناري.
3. الزيبرا بأنواعه .
4. طيور الحب بأنواعه والوانه.
5. حمام الماس.
6.الدرة المطوقة فقط ذكر.
7. طيور السمان.

وشكراً على الموضوع الحلو

[ابو محمــد]

الله يعطيكم العافية جميعا.

[wal___eed]

انا عن نفسي كان عندي 2 تمنه بالبدايه وبعتها ماصلحت لي بصراحه

بعدها فرخ افريقي ومات بعدها فرخ برضو ماصلح لي بصراحه يجاعر مره وبعته بعدها كاسكو مافيه مثله بصراحه وجلس عندي تقريبا سنتين بعدها مات

جلست تقريبا 4 سنوات بدون طيور بعد موت يعقوب اخر طير

بعدها شريت اثنين كاسكو وبعتها

بعدها الان عندي ديدي طير عجبه بصراحه وجاب راس ماله وزياده حبيتين بس مالي نية بيع

لانه مالي علي البيت وفي نفس الوقت بنتي متعلقه فيه

وسلامتكم يعني خبرتي مع الطيور مايقارب 10 سنوات
بعدها

[the one]

كاسكو ولامرة .

كوكاتو مرة
زوج درة
زوج كوكتيل
طائر المينا اليف ويتكلم

[faisalqatar]

ياهلا بأخوي ابومحمد

اول شي اشكرك على الموضوع الحلو .. وغصب حلو لانك انت اللي مسويه

وثاني شي ندخل في المهم خخ :

انت سألت كم ببغاء افريقي شريت من قبل .. لكن اغلب الاعضاء حطوا كل اللي عندهم افريقي ولا مب افريقي

فـ انا بعد بحط كل اللي ربيتهم من قبل وان شاءالله اتذكرهم هههه

اول شي بديت اربيه الكروان (انسميه كوكتيل في الدوحه)

خذت وايد منهم الصراحة لاني كنت مدمن عليهم وما اتذكر شكثر بس اكيد فوق ال20

كلهم كانوا مدربين ويطلعون على اليد و حاولت انتج منهم لكن للاسف يبيضون ويهملون البيض والسبب الاكيد اني كنت حاطهم كلهم مع بعض .. وللعلم انا كنت اخذهم وحشيين وانا اللي ادربهم .. هالكلام تقريبا قبل 10 سنين

وثاني شي خذته الدرة .. خذت 3 او اربعه في اوقات متفرقه يعني ابيع واحد واخذ الثاني .. واحد مهم كان يتكلم
والباقي مالهم داعي ههههه

وخذت 3 فروخ درر .. وكلهم ماتوا للاسف

عقب تطورت شوي وخذت لي تمنه .. لكن كانت اتجعر وتجيب المرض فـ بعتها

بعدها خذت لي افريقي كبير تقريبا عمره سنتين او اكثر بعد وكان يجعر ويجيب المرض قمت وبعته

عقب تطورت وخذت لي كوكاتو بو عرف اصفر .. كان اليف وعجيب لكن خارها على اخر ايامه و قام ياكل بيبان البيت ووايرات الكهرباء فـ بعته ههههههه

عقب الله يسلمكم ( ادري ملغت بس شسوي) خذت لي فرخ كاسكو جامبو وهاي الصراحة احلى شي خذته

كان عمره تقريبا 5 شهور وكان أليف وعجيب .. ربيته ولما كمل سنة عندي بعته هههههه هالكلام قبل سنة تقريبا

و عقب خذت الحب الاول والاخير ( نابليون) مكاو الازرق الذهبي خذته وعمره 8 شهور او 9 شهور وليحين عندي
أليف وعجيب واحبه ومافي امل ابيعه ..

واخيرا خذت لي كاسكو يتكلم عمره تقريبا سنة ونص لكن كان يتهاوش مع المكاو والمكاو كان يغار منه فـ بعته لجل عيون المكاو ههههههه

طبعا ابومحمد يعرف عن اخر 2 خذتهم لاني كنت اشكي له الحال هههههههههه

ومثل ما اتلاحظون انا دوم اشتري وابيع وكل مرة اخذ شي اكبر من اللي قبله هههههههه يعني في تطور

بس ان شاءالله المكاو ما ببيعه وناوي اخذ لي مكاو جرين وينجد قريبا جدا

وخاطري اجرب اربي امزوني لاني ولا مرة خذت لكن الشباب اللي في المنتدى حمسوني عليه لاني لاحظت الاغلب عندهم

هاي كل الببغاوات اللي خذتهم ...


واسمحوا لي ع الاطالة

[سمساار]

السلام عليكم اخي وعزيزي
العميد ابومحمد
لقد احترت بالإجابه على إستفسارك
وهو كم بغبغاء إغتنيت في حياتك؟
بومحمد والله انا حاولت احصيهم ولكن عجزت
بإمكاني إحصاء عدد هذي السنه فقط
وهم 60 طائر من انواع مختلف منها لا تنسوا ذكر الله
الأمزون - والبغبغاء الغيني - والرمادي - والدره النيباليه - والدره الهنديه - الكيكاتو - الكوكتيل الشهير عندنا بالكروان - اللورينا - واخيرا المينا الصومطريه - وهي غير مدرجه تحت تصنيف البغبغاوات ولكنها من الطيور الناطقه
اشكرك على اثارة مثل تلك المواضيع

[الكاكي]

ثلاث ببغوات كلها افريقية

[اتعبني غلاه]

اهلين خيو


موووضوووع رااااااااااائع



انا عن نفسي


قبل 3 سنين ربيت كروان ((كوكتيل)) بس ماكنت اعرف انو بغبغان

كنت احسبو عصفور هههههههههههههههه لانو جاني هديه ولا اعرف عنو شي

وبابا بعلي هو عشين انفلونزا الطيوور وقتها بس كان احلللللى طير فحياتي.. اتمناه يرجع


ودحين مالي اسبوع من يوم ماشتريت جوز دره ...


ومبسوطه معاهم بس نفسيييي يكونو اليفين


وعمال ادور على بغبغان كبير ويناسبني هههههههههه <<تبغا واحد حلو زي الكوكاتو ويتكلم وذكي زي الكاسكو <<


وشكرن مرا تانيه

[عاشق الاهلي+الدره]

والله انا ربيت طيور كثير وانا صغير لما كان عمري 5سنوات


ومااذكر انواعها




هاذي السنتين ربيت



1ـ ثلاثه درر


2ـكاسكو (حبيبي سيكو)

[بووسلطان]

انا عن نفسي

بالبداية اقتنيت عدد كثير من الكروانات تقريبا من خمس سنوات والآن عندي منهم جوز +ذكر اليف + وايت فيس غير اليف

بالنسبة للكاسكو :كانت بدايتي معه من سنة اشتريت اربعة اثنين غير اليفين بعدين بعتهم , والثالث اليف ظل معي 3شهور تقريبا بدأ يتغير الريش والحمدلله بعته وبعد اسبوعين سبحان الله اتصل بي اللي شراه مني وقالي مات استغربت سبحان الله كان نشيط وياكل وبصحة ممتازة لكن بعته عشان ريشه تغير خفت يكون مرض وياكل بالريش وعنيد موراضي يتكلم وهذا اللي خلاني ابيعه المهم بعته واول مرة اجرب اشتري كاسكو محجل من اسبوعين عمره سنة تقريبا وعنده كلام كثير الحمدلله توفقت فيه امر عليه واحط قدام وجهي يتكلم على طول يهرج الحمدلله توفقت فيه وجالس ادربه حاليا على بعض الكلمات الجديدة وعن قريب بأبدأ باقتناء فروخ كاسكو نترزق الله فيهم

بالنسبة لبدايتي وسبب اقتنائي للكاسكو سبحان الله كان بالصدفة عندما سمعت طير كاسكو عند احد اقرابي وهو يتكلم بنبرة صوت الانسان ياسبحان الله ذهلت ماتوقعت ان الكاسكو يتكلم بمثل نبرة صوت المربي تعجبت كثير من قوة الصوت ووضوح الصوت صوت عجيب جدا حتى ان يسمعه يظن بدون مبالغة بانه صوت رجل ليس صوت كاسكو للمعلومية من شدة وضوح صوته رفض صاحب الطير بيعه حتا باكثر من عشرين الف ريال لميزة هذا الطير سبحان الله احببت فقط ان اذكر السبب الذي حببني في ببغاء الكاسكو وياليت اعرف انزل مقاطع صوت كان نزلت مقاطع لهذا الطير العجيب

اما للطيور التي جرتها و لم تدم معي لمدة طويلة من الكاسكو الرمادي فعددها تقريبا اكثر من خمسة

والسلام عليكم ورحمه الله وبركاته

اشكرك على الموضوع يابومحمد المميز فكرة جميلة