المهمة المستحيلة ... رأيــــك يهمنا ..... تصويت

["مجرد علامة"]

السلام عليكم ورحمة الله وبركاته


إخوتي الأعزاء

حبيت اطرح عليكم هالموضوع



بغيت رأيكم و مشورتكم في هذه المهمة المستحيلة \ شبه المستحيلة


طبعاً كلكم تذكروا موضوع "شامبيه"

http://www.2zoo.com/vb/showthread.php?t=117636

ورحلته علاجه العسيرة اللي تكللت بالنجاح

بعد صبر ومثابرة من مربيته الله يجزاها خير

أعطتنا درس في الإعتناء بالحيوانات وعدم التخلي عنها

وكلنا اعتبرنا "شامبيه" بطل

تذكرتوه؟؟؟

زين ندخل في الموضوع مباشرة


الحكاية ومافيها


قبل فترة تقريبا 5 أشهر أو 6 أشهر

مررت بأحد محلات الحيوانات الأليفة

اللي تربطني بصاحبه صداقة

وفي معرض نقاشنا ( دائما انا واياه نتناقش )

بما إنه هو له خبرة كبيرة في مجال الحيوانات ماعدا الببغاوات

استفدت منه كثير واستفاد مني هو بعد

سألني عن ببغاء عنده ، كان يتوقع انه من انواع المكاو

والطير كان حالته شوي مهمله

جناحاته مقصوصة غلط وذيله منتوف

فقلت له : أول مرة أشوف هالطير ،

يشبه السنغالي لكنه كبير وألوانه فاتحة

ويشبه البلوناب ولكن لونه يختلف تماما..


واقرب شكل له كان الGreat billed بس اللون يختلف

وشكله بصراحة ماكان جميل

فقلت له : يمكن فرخ خله يكبر ويبين وش هو

بس بصراحة ماكان عندي فكرة عنه ولا عمري شفته بالنت

او اي كتاب من الكتب اللي عندي

المهم نسيت الطير ومرت الأيام

وكنت أتصفح احد المواقع قبل كم يوم

ولقيت نفس الطير لكن ألوانه روعه بصراحة

وهو طير أفريقي من جنوب شرق أفريقيا يسمى Un-cape parrot

ولما قرات عنه كلما إزددت قراءة استغربت كيف ماعمره مر علي

واعجبتني ألوانه جداً وشكله

فقلت خلني ابحث عنه بما إني صرت اعرف إسمه بالمواقع العربية

واولها توزو


مافي عنه اي موضوع

قلت اشوف المواقع الاخرى

نفس الحكاية

لقيته فقط في موقع للبيع وفرخين بالكويت وصاحبها يقول انه "متوة"

ولمست من ردود الاعضاء ان الطير ماهو مشهور وغير مشجع بما إنه ماله قيمة بالسوق

فرجعت للمحل

وحاولت أذكر صديقي بالطير ماتذكره ، فقلت خلني أشوفه بنفسي

وتفاجأت

الطير حالته تدهورت لأبعد الحدود

نتف ريشه نتف شديد

صار كانه كرة قطن

وصار خواف جداً ويجعر ويصرخ


ومتوحش


يعني تدهور بصراحة


لكنه كسر خاطري وحبيته بصراحة


وخطرت في بالي فكرة

إستلهمتها من قصة "شامبيه"

وقلت لنفسي ليش ما آخذ الطير منه وأعيد تاهيله لأنه كان يعاني من الإهمال

فما رأيكم يا إخوان

هل تشجعوني على هالفكرة


وهل بإمكاني بعد توفيق الله سبحانه أنتشال الطير من هالحالة؟؟؟



ونقله من


هذا الشكل ؟؟؟؟



إلى هذا الشكل؟؟؟؟






ومن هذا الطائر المروع



إلى هذا الطائر الظريف





أنا بكل صراحة متحمس جداً للفكرة

وأظنها بتضيف لخبراتي الشيء الكثير

غير إن الإنسان يؤجر بإذن الله في هذي الكائنات الضعيفة

خصوصاً المهملة وانا أحس إنه اذا طول بالمحل حيموت

ومحتاج نصيحتكم ومشورتكم

لاني ماسبق وإقتنيت طيور مهملة او متبهذلة

هل تأيدوا الفكرة أم لا؟؟

ولماذا؟؟؟



أتمنى ماتبخلوا علي بآرائكم وإقتراحاتكم


أخوكم

"مجرد علامة"














يارب عفوك

[كاجو]

أخوي أنا أؤيدك وبشده وبالعكس انا احس انه واجب على كل شخص يشوف طير

بالشكل هذا انه ياخذه ويهتم فيه صدقني انا متأكد أنك راح تنجح،،

وراح أكون متابع معاك وياليت تحط موضوع له وكل فتره تجرب معاه شي تنزله تحط صور

وتبين مدى التقدم الي يمر فيه الطير ،،

[مجنون الامازون]

عزيزي ابو مالك ..

معلومات عن هذا الطائر الجميل ..

الاسم العلمي
Brown-necked Parrot

يصنف من انه احد انواع (ببغاوات الجارديان)
Jardine Parrot

يصل طول البالغ فيهم الى 32 سم
والوزن يصل الى 400 جم.


مصدر المعلومات:

من الموقع الالكتروني

http://www.parrots.org/index.php/enc...necked_parrot/




بالنسبة لرأي المتواضع ..

انا معك واييدك انك تشتريه اولا رحمة به وثانيا لزيادة الخبرة .. لكن الله يعينك على المناحلة .. ههههـ

[كاجو]

ملاحظه أخوي أول ماتاخذ الطير لاتجرب معاه أي علاج فقط روشه وأهتم بالتغذيه السليمه

الين يتعود على البيت وأصحابه ويرتاح نفسياً بعد كذا ممكن تبدأ معاه العلاج ،،

حبيت أعطيك رايي من باب تجربه مريت فيها مع ببغاء كان يعاني من نتف بالريش ،،

["مجرد علامة"]

--------------------------------------------------------------------------------

أخوي أنا أؤيدك وبشده وبالعكس انا احس انه واجب على كل شخص يشوف طير

بالشكل هذا انه ياخذه ويهتم فيه صدقني انا متأكد أنك راح تنجح،،

وراح أكون متابع معاك وياليت تحط موضوع له وكل فتره تجرب معاه شي تنزله تحط صور

وتبين مدى التقدم الي يمر فيه الطير ،،

يعطيك العافية ياكاجو

والله كلماتك مشجعة بصراحة

وانا حاب اشوف كم شخص يؤيد وكم شخص يعتبرها مضيعة فلوس


الف شكر لك


يارب عفوك

["مجرد علامة"]

عزيزي ابو مالك ..

معلومات عن هذا الطائر الجميل ..

الاسم العلمي
Brown-necked Parrot

يصنف من انه احد انواع (ببغاوات الجارديان)
Jardine Parrot

يصل طول البالغ فيهم الى 32 سم
والوزن يصل الى 400 جم.


مصدر المعلومات:

من الموقع الالكتروني

http://www.parrots.org/index.php/enc...necked_parrot/




بالنسبة لرأي المتواضع ..

انا معك واييدك انك تشتريه اولا رحمة به وثانيا لزيادة الخبرة .. لكن الله يعينك على المناحلة .. ههههـ

يعطيك العافية يا الذيب

بس ماقلت لي رأيك في الطير من ناحية شكله ومواصفاته

وكيف يعني مناحلة؟؟؟


الف شكر لك ع الدعم



يارب عفوك

["مجرد علامة"]

ملاحظه أخوي أول ماتاخذ الطير لاتجرب معاه أي علاج فقط روشه وأهتم بالتغذيه السليمه

الين يتعود على البيت وأصحابه ويرتاح نفسياً بعد كذا ممكن تبدأ معاه العلاج ،،

حبيت أعطيك رايي من باب تجربه مريت فيها مع ببغاء كان يعاني من نتف بالريش ،،

صدقت ياكاجو كلامك 100%

خصوصاص والطير في بيئة الله لا يوريك

في القفص الأرضي قدامه قطط وجنبه سناجب

ولا ألعاب ولا مجثم يطلع عليه

ومافي غير حب شمسي




يارب عفوك

[مجنون الامازون]

والله يا غالي انا اييد انك تشتريه ..

بالنسبة للمناحلة .. هههـ .. شكل الطير عصبي و مخه ناشف وعبيط .. واخاف انه يطفشك ..

كل هذه المعاني تدل على (المناحلة) ..

[alwahaj]

توكل على الله واشتريه

بكل الاحوال انت مب خسران شي والجهد والتعب اللي بتعطيهم اياه مب خساره صدقني

واذا نجحت تجربتك معاه بتكون كسبت الكثير والكثير والببغاوات ممتعه بشكل عام والارتباط فيها شيق

انا مثلا لو مكانك باخذه واعطيه كل الاهتمام والصبر والحنان لان شكله محتاج حنان ^_^

تقبل مروري

["مجرد علامة"]

توكل على الله واشتريه

بكل الاحوال انت مب خسران شي والجهد والتعب اللي بتعطيهم اياه مب خساره صدقني

واذا نجحت تجربتك معاه بتكون كسبت الكثير والكثير والببغاوات ممتعه بشكل عام والارتباط فيها شيق

انا مثلا لو مكانك باخذه واعطيه كل الاهتمام والصبر والحنان لان شكله محتاج حنان ^_^

تقبل مروري

تسلم ياغالي ع التشجيع والرد اللي نورت فيه الموضوع بل المنتدى كله

يعطيك العافية


يارب عفوك