اشترك في نشرتنا البريدية ليصلك كل جديد

david2 · 03-07-2009, 05:28 PM

السلام عليكم و رحمة الله تعالى و بركاته

هذا الموضوع ياخذ بعين الاعتبار الامور الضرورية للعناية بالكلب من استحمام و تنظيف ووووو

سيكون على الشكل التالي;

1- استحمام الكلب:

استحمام الكلب من الحاجات اللي فيها سوء فهم عند اغلبيه الناس المبتدئه في تربية الكلاب، وسوء الفهم نابع من تخيلهم ان الكلب لازم يستحمى كل يوم علشان يكون نضيف، وطبعا ده خطأ كبير. الكلب يا شباب بيختلف عنا في حاجات كتير اوي، اولها ان فراء الكلب مغطى بماده زيتيه مهمتها انها تقوم بعمل عزل حراري للكلب، علشان تحافظ على درجة حرارة جسمه الداخليه بدون ارتفاع او انخفاض وعلشان مش يتأثر بدرجات الحرارة الخارجيه، طبعا العزل ده مش كامل تماما بس هي ليها عامل كبير جدا في المحافظة على استقرار درجة حرارة الكلب.

الطبيعي اننا هنقسم الكلاب ل 3 فئات حسب طول شعرهم، وتسهيلا للناس هحط مثال على كل نوع علشان التقسيم يكون واضح

ده كان جدول مختصر بيوضح الفئات و عدد مرات الاستحمام و التمشيط
وطبعا مش دايما بنكون محتاجين نحمي الكلب، يعني في اوقات كتير الكلب مش بيكون محتاج استحمام، وده راجع لاتساخ الكلب نتيجة الخروح بره البيت، ولو الكلب مش متسخ بصوره كبيره ممكن نمسح على جسمه بقماشه مبلوله بس وبعد كده نمشطه وده كافي اوي لو الكلب مش متسخ بس في الصيف مش نزود الفتره دي عن شهر، يعني بين كل عمليه استحمام والتانيه فتره لا تزيد عن شهر.
والاستحمام بيكون بشامبو مخصص للكلاب، واغلبها بيكون معطر، بس طبعا اسعاره بتكون عاليه شويه، يعني بيبدأ من 30 جنيه وهو متوافر في محلات الحيوانات او في قسم الحيوانات في سبينز وكارفور مثلا، لكن في بدائل عنه اسعارها اقل ونفس التأثير وهو شامبو بيتادين بشري، وده بنجيبه من اي صيدليه

والبديل التاني هو شامبو جونسون للأطفال وآدي بردو صوره ليه،

وطبعا لازم ننتبه لحاجة هي اننا منحميش الكلب ابدا بالصابون او بشامبو بشري لان مكوناته بتكون فيها مواد كاويه عنيفه على فراء الكلب و شعره وبتعمل جفاف في الجلد و تساقط للشعر وكمان بتقضي على الماده الزيتيه اللي بتحمي جسم الكلب.
وطريقة استحمام الكلب بتكون اننا نوقف الكلب في مغطس (بانيو) ونبدأ نبلل جسمه كله بالماء تماما مع مراعاة ان الآذان و العينين ميجيش عليهم ماء خالص، وكمان درجة حرارة الماء تكون معتدله، يعني لا بارده ولا ساخنه. وبعدين نبدأ نحط الشامبو على شعر الكلب من اول العنق لغاية الذيل، وبعدين نفرك جسم الكلب كله بالشامبو من فوق لتحت لغاية الاقدام ونحاول اننا نخلي الشامبو يتخلل داخل الشعر، ومش نسيب الشامبو فتره على جسم الكلب، وعلى طول نبتدي نرش الماء عليه علشان نزيل الشامبو تماما من على جسمه، ويفضل اننا وقت الاستحمام نحط قطعتين من القطن الطبي في اذن الكلب علشان نحميها من دخول الماء.
وبعد ما نتأكد تماما ان مفيش شامبو باقي على جسم الكلب ننشفه بفوطه كبيره ونضيفه تماما ونسيبه ينفض جسمه علشان يزيل اي ماء باقي على جسمه، وبعدين بقطعة قماش مبلوله ننضف وش الكلب وحوالين عيونه.
وبالنسبه للاذن ممكن نجيب محلول تنظيف اذن خاص بالكلاب ونبلل سلاكات تنظيف الاذن بيه وننظف الاذن من الجزء الظاهر فقط، والجزء الداخلي ده خطر ننظفه بنفسنا، ويفضل تركه للطبيب البيطري.
وطبعا واحنا بنحمي الكلب نحاول نلاطفه و نشجه بكلام جميل، واول ما الكلب يخلص الحمام بتاعه نأكله وناخده على مكان دافي ومفيهوش اي تيارات هواء ونسيبه لغاية ما ينشف، ويفضل اننا ندخله البلكونه علشان ينشف في الشمس وكمان بتبقى فرصه كويسه اننا نسمح للشمس بتطهير جسمه
حاجة بردو عايز أأكد عليها، اياكم والديزانون، يا جماعه الديزانون ماده سامه جدا وبتستخدم اساسا للبهائم زي الابقار و الجاموس، وخطر جدا استخدامها مع الكلاب، وممكن نستخدمها في تنظيف مكان نوم الكلب او الحمام بعد عمليه الاستحمام لكن مش نحمي بيها الكلب.
وبخصوص التمشيط يا شباب، التمشيط بيكون بأمشاط خاصه بالكلاب و يكون في اتجاه الشعر مش عكس الاتجاه، وفي فترات تغيير الشعر لازم نزود عدد مرات التمشيط علشان نزيل الشعر الميت وننشط فروة الكلب، ويفضل يكون الكلب في حالة استرخاء اثناء عملية التمشيط وبردو لازم نشجعه و نلاطفه اثناء عمليه التمشيط علشان يحب العمليه ومش يكرهها وتكون عقاب بالنسبه ليه.

ودي صور لمجموعه من ادوات التمشيط

2- تنظيف مكان نوم الكلب:
تنظيف مكان نوم الكلب عمليه مهمة جدا، ولازم تتم بصوره يوميه، وهي اننا كل فتره نغير الفراش اللي بينام فيه الكلب ونغسله كويس و نعرضه فتره طويله لاشعه الشمس ويفضل الغسيل يكون في مغسله متخصصه وبمواد قاتله لاي بكتيريا او طفيليات.

3- تنظيف مكان قضاء حاجة الكلب:

تنظيف مكان قضاء حاجة الكلب لازم يكون بعد قضاء الكلب لحاجته مباشره، ونراعي التطهير التام باي مواد مطهرة زي الديتول او الفينيك وبين كل فتره والتانيه نستخدم الديزانون في تنظيف مكان قضاء الحاجة.

اتمنى ان الموضوع ينال اعجابكم

KoSoVe · 03-07-2009, 05:37 PM

شامبو جونسون للاطفال ؟!؟!

اخوي هل انت متاكد لان في ناس تقول ان الشامبو البشري ممكن يصيب امراض للكلب؟؟

على العموم مشكوور على المجهود و الموضوع و شكرا

david2 · 03-07-2009, 05:42 PM

اقتباس:

المشاركة الأصلية كتبت بواسطة KoSoVe

شامبو جونسون للاطفال ؟!؟!

اخوي هل انت متاكد لان في ناس تقول ان الشامبو البشري ممكن يصيب امراض للكلب؟؟

على العموم مشكوور على المجهود و الموضوع و شكرا

نعم اخي انا متاكد لانني استشرت طبيب بيطري . هذا الشامبو جيد لانه المواد الموجودة به تكون

مخففة نظرا للاطفال و غير مضر لجلد الكلاب. مشكوووووووووووووووووووووووور

~~pitbull terrier~~ · 03-07-2009, 06:13 PM

صراحه .. انه موضوع رووووعه في قمة الروعه والابداع ... موضوع مميز من عضو مميز ...
هذا الموضوع مهم للجميع وانشاء الله كل واحد ايكون فهم ..
على كل حال , شكرااااا لك يا اخوي الغالي على الموضوع الجميل والمفيد ..
بارك الله فيك .. جزاك الله خير ما فعلت ..

david2 · 03-07-2009, 06:23 PM

اقتباس:

المشاركة الأصلية كتبت بواسطة pitbull terrier

صراحه .. انه موضوع رووووعه في قمة الروعه والابداع ... موضوع مميز من عضو مميز ...
هذا الموضوع مهم للجميع وانشاء الله كل واحد ايكون فهم ..
على كل حال , شكرااااا لك يا اخوي الغالي على الموضوع الجميل والمفيد ..
بارك الله فيك .. جزاك الله خير ما فعلت ..

والله اخي لم اجد الكلمات التي اشكرك بها .
ردك مميز و انت مميز . الله يبارك فيك و يسخر لك الخير اينما كنت
مشكور على الرد الطيب