من هو الافضل الكاسكو ولا كوكاتو غالا؟

[RaneemMd]

السلام عليكم ورحمه الله و بركاته

انا ناويه اشتري ببغاء بس مني عارفه ايش الاحسن كاسكو ولا كوكاتو غالا
ومين هو الاذكى و الاسهل في التربيه "يعني يتحمل البرد و الحر و الامراض" اكثر ؟
من ناحيه الشكل الكوكاتو غالا مره حلو و اعرف انه لعوب ،، بس هل لو اخذت فرخ عمره مثلا من ثلاثه الى اربع شهور ممكن يتكلم ولا نادراً ما يتكلم؟
يعني هل الكوكاتو غالا في الاصل يتدرب على الكلام بسرعه زي الكاسكو ولا لا؟
ابا ابغا اخذ كوكاتو غالا بس خايفه انه يطلع ما يتكلم ،،، و فنفس الوقت عاجبني شكله اكثر من الكاسكو 😭
ممكن تساعدوني في الاختيار😊❤

[mooosa]

لو تبغين الاكثر كلام خدي كاسكو
ولو همك الشكل اكثر خدي كوكاتو قالا وترا القالا يتكلم برضو بس مو زي الكاسكو
كلامه اقل

[عزوزالعبدالله]

الكلام كاسكو فرق كبيرررررر بينه وبينه الكوكاتو

اما الشكل واللعب الكوكاتو متميز اكثر
وهذا ما يعني ان الكاسكو ما يلعب وكذا بالعكس لا صار يحب صاحبه يصير مجنون يلعب ويرقص و..

[Cockatoo]

اختي بسبب انك مبتدئة و ما عندك خبره ,, الافضل لك هو الكاسكو يكون فرخ او يكون اليف جاهز و متكلم لا تاخذي شي وسط او يكون متوحش

[RaneemMd]

السلام عليكم ،،

الحمدلله اشتريت فرخ كاسكو له كم يوم عندي ��❤️

شكراً لمساعدتكم ،،

[tozo]

ما شاء الله تبارك الله
مبروك عليك الطير

مثل ما تفضلوا الاخوان جزاهم الله خير
الكاسكو افضل بكثييير من ناحية الكلام
وأيضاً طير جميل وحبوب ولعوب
انا لا يمكن استغني عن هذا النوع ابداً ومع انه عندي اكثر من طير كاسكو وامازوني
لكن الكاسكو اعشقه كثير من فتره طويله لازم وجوده عندي اعشق هذا النوع
الكوكاتو غالا جيد لكنه ليس بمستوى الكاسكو من ناحية الكلام
طير منظره جميل ولعوب لكن قليل كلامه حسب تجربه
اسأل الله لكم التوفيق جميع ..