قطتي كده بقت كفيفة ؟؟؟

[هميس]

السلام عليكم ورحمة الله وبركاته
لو سمحتم قطتي من 4 ايام مش بتاكل ودائما كسلانة مش بتتحرك كتير انا قلت يمكن واخدة برد زي كل مرة بس اتفاجأت ان عين من عيونها راحت علي جنب شوية زي الحول كده اخدتها للدكتور قالي برد واداها حقن وقالي اكليها بالعافية بس للاسف مش عرفت اكلها غير حاجة بسيطة جداااا النهردة بقت احسن بس حسيت ان حركتها مش منتظمة وانها بتتحرك حركة عشوائية انا ظنين ان عنيها اللي احولت مش بقت تشوف بيها رجعت تاني للدكتور قالي هي مش بتشوف بالاتنين تقريبا انا مش عارفة السبب سألته قالي ممكن يكون التهاب في العصب واداها حقن تاني مضاد حيوي وفيتامين مش عارفة ايه ده وياتري ممكن تشوف تاني ياريت تطمنوني

[بسبس مياو]

عطيتيها اي دواء من اول ماتعبت يعني لما كانت ماتاكل ولا تتحرك؟

[هميس]

المشاركة الأصلية كتبت بواسطة بسبس مياو

عطيتيها اي دواء من اول ماتعبت يعني لما كانت ماتاكل ولا تتحرك؟

ايوة في الاول انا اديتها انتينال مطهر معوي بس

[شاهستا]

اهلا بيكى
ياريت عمر قطتك و صوره للعيون
وكمان جربى تجيبى خيط او اى حاجه و حركيه قدام عنيها شوفى رد فعلها

[هميس]

المشاركة الأصلية كتبت بواسطة شاهستا

اهلا بيكى
ياريت عمر قطتك و صوره للعيون
وكمان جربى تجيبى خيط او اى حاجه و حركيه قدام عنيها شوفى رد فعلها

عمرها 8 شهور رد فعله بطيئة جدااا يعني ممكن يلاحظ مرة ومرة لا

[بسبس مياو]

المشاركة الأصلية كتبت بواسطة هميس

ايوة في الاول انا اديتها انتينال مطهر معوي بس

مطهر معوي ليه هي كان معاها اسهال؟ شوفي انا اتوقع ان الموضوع اهمال منك وعدم اهتمام وان القطة كانت حرارتها مرتفعة فوق الاربعين لمدة اربع ايام دون ان تلاحظي مع ان عدم الحرة وعدم الاكل من ابرز علامات السخونة،ولو فعلا ماتشوف فهي من اثر الحرارة اللي حرقت العصب البصري ويمكن السمعي كمان،كيف اربع ايام ماتاكل وسايبتها لحد مالاحظتي عينها وبعدين وديتيها البيطري!!!مع انك كنتي شاكة ان عندها برد من الأول والبرد لازمله مضاد حيوي ،القطط ماتعرف تتكلم ولا تشتكي وتقول انا تعبانة بس بتعطي علامات تقول من وراها انا مش طبيعية انا تعبانة بليز ساعدوني،عموما الله يعينك ويشفيها

[شاهستا]

القطه واضح عليها التعب
حاليا لازم تنبتهى لحرارتها و لاكلها
ﻹزم تاكل اكليها زبأدى بالعسل بالسرنجه
او كوسه مسلوقه مع فراخ او كبده واضربيهم ف الخلاط واكليها بالسرنجه
وواظبى على المضأد الحيوى
ولو لاقيتى حرارتها مرتفعه قولى عشأن تاخد مخفض

[هميس]

انا حساها بترتعش فعلاااا انا عارفة اني قصرت بس والله عصبن عني كان عندي حالة وفاة ممكن تقولولي المضاد الحيوي ايه وكمان خافض للحرارة وينفع احميها لانها مش نضيفة خالص

[عاشق الكلاب و القطط]

خافض الحرارة نوفالجين

[هانم4]

ده موضوعي لو قطتك عينها بنفس الشكل الكانت قطتي عليه بالصوره لا تخافي ده التهاب الجفن الثالث كانت عندي وبلاش اي ادويه وبترفض الاكل لانها بتكون زعلانه وقيسي درجة حرارتها بالترمومتر قبل اي دوا سخنيه وشوفي موضوعي ده

http://www.2zoo.com/vb/showthread.php?t=320740

حاسه انها نفس الحاله بس قطتي كانت كل عينها مقفوله وبلاش اي ادويه الا ما تحددي الحاله كثر الادويه خطر على الكبد والكلى واكليها جبنه نستو وزبادي بالسرنجه وخضار مسلوق بفراخ بالسرنجه