كوكو يعود من جديد

[piper]

اخواني واخواتي في الله حياكم .. كوكو يعود من جديد بعدما صار عمره ماشاء الله تبارك الرحمن سنة .. وعقبال 100 سنة يارب ما يحرمني منه ..








هذا موضوعي القديم وكنت دايما انزل صوره من كان عمره اسبوع وبعض المعلومات عن الاعتناء بفرخ الدرة


http://www.liali.net/vb/showthread.php?t=305991


وهذه بعض الصور له من الموضوع صلوا على الحبيب المصطفى


اول يوم لما استلمته






بعد كم يوم





بعد اسبوع تقريبا بدا يطلع له ريش مثل الدبابيس هههه





لما كبر شوي





كوكو الحلو الصغير





مع بداية ظهور الريش الاخضر














هنا خذت له قفص ارنب لانه كبر وبدء يطلع من السلة واول مرجوحة في حياته





طبعا وانا انزل الصور اتذكر الايام الجميلة


هنا حممته في البداية كان زعلان بعدين راح الزعل








صورة وهو فوق كومة الغسيل هههه





شوي كبر ماشاء الله عليه واشتريت له قفص كبير







هذه صور له قبل كم شهر









واحدث صورة بداية الموضوع



اتمنى عجبكم الموضوع ومشكورين على مروركم الكريم .. اختكم \ piper





وقولوا معي

[piper]

طبعا انا اول مرة بحياتي اربي فرخ وماكنت اعرف ابدا كيف اتصرف معه خاصة انه كان صغير جدا


ف بديت ابحث في المنتديات وما شاء الله الخبراء والهوة حاطين تفاصيل كثيرة


ف البداية كنت اعطيه السيريلاك ومرة اشتريت له الخاص بالطيور وبعدين ما لقيته في السوق واشتريت له الخاص بالاطفال وكنت اضيف عليه الماي واعمله مثل عجينة وسط لا سائلة ولا جامدة حتى يقدر يبلعه .. اول الايام كنت اعطيه بالسيرنجة بعدين مليت منه هههه وصرت اعطيه بملعقة صغيرة جدا وكنت افتح فمه وادخله الاكل ..


فترة وهو صغير كان ينام 24 ساعة ف البداية فكرت انه مريض ولكن لما بحثت ع النت طلع امر عادي كل المواليد ينامون طول النهار .. وكنت اعطيه السيريلاك كل ساعتين مرة وحتى بالليل اول اسبوعين بعدها صرت اعطيه كل ثلاث ساعات مرة وشفت هالطريقة على موقع اجنبي ونزلت جداول ومعلومات استفدت منها


لما كبر شوي بديت مع السيريلاك اهرس له فاكهة بشكل ناعم جدا واعطيه .. كبر شوي اكثر بديت اسلق له الخضار واهرسها واعطيه .. واهم شي في جميع مراحل نمو الفرخ النظافة ودايما تحته لازم يكون في قش كنت اشتري النوع الخاص بالهامستر ههههه من محل مستلزمات الحيونات


وايضا من كان صغير كنت دايما اعطيه ماي مع كل وجبه بالملعقة في احيان كان يشرب واحيانا كان يرفض وبعد بحثت ف النت وشفت عادي لانه السيريلاك فيه ماي وكذلك الخضار والفواكه فيها ماي بس كنت اعطيه ماي اضافي


وطبعا مكتوب بالمنتديات لازم التدفئة للفرخ بس نحن معنا الجو حار نار ايامها ف ماكنت ادفيه لاني كنت اشوف جسمه حار اصلا .. ولما كان صغير كان ينام ورقبته طايحة ع ورا هههه وكنت اظن انه مريض او فيه شي وبعد بحثت ع النت ولقيت ان الامر عادي مع هالنوع من فروخ الدرة الجميلة .. وايضا بتلاحظون لما تعطون الفرخ السيريلاك ان برازه تكرمون سائل وكنت اظن معه اسهال لا سمح الله وسالت طبيب بيطري قالي عادي لانه السيريلاك سائل امر طبيعي .. هذه اغلب النقاط اللي واجهتني وخوفتني


والحمدلله رب العالمين كبر ولكن بعده يعتبر صغير لان حسب علمي الدرة يبلغ لما يوصل عمر سنة ونصف ويطلع للذكور خط احمر حوالين رقبته والان الخط موجود لكن اخضر .. والان اعطيه ياكل كل شي من فواكه وخضار وورقيات ماعدا الافوكادوا انتبهوا يعتبر سام للطيور وايضا البعض يقول الطماطم ما زينة لهم والله اعلم غير كذا فواكه مثل برتقال وتفاح وخوخ واي حاجة وخضار مثل الخس والجرجير والجزر والفاصوليا المسلوقة عادي بياكلها


ايضا النشويات ممكن في يوم شوية رز مسلوق او مكرونة او في يوم بطاطا مسلوقة وطبعا باردة تماما وممكن بسكوت اعطيه الصباح بدون ملح ولا سكر وممكن كم حبة كورن فليكس بيحبه .. واكيد القفص لازم كل يوم بنظفه مرة الصباح ومرة المسا بليفة مبلولة واغير الارضية انا بحط نايلون وممكن جريدة واكيد الماي لازم يكون نظيف معه ويتبدل يوميا مرتين واكيد الحبوب تكون 24 ساعة وباقي الحاجات من الفواكه والخضار واللي فيها الفيتامينات والبروتينات النباتية وايضا النشويات بعطيه وانوع له في اليوم مرتين او ثلاث يعني افطار وعشا وممكن غدا بعد بعطيه شي بسيط ..


وانا بحممه كل اسبوع واغسل قفصه بالديتول ومرة بالشهر بعمله رش او سبري الحشرات خاص بالطيور موجود في محلات بيع مستلزمات الطيور لان الطيور بيصير عليها حشرات وبتحك وريشها يطيح وتسبب لها امراض ف ضروري بخ الطير ضد الحشرات والقشور والفاش مع نظافة القفص والارضية


وفي شي دايما لما تروحون تطلبون اكل لبغبغاء الدرة او حبوب بيعطونكم الحب الشمسي فقط لكن انا اشتري لكوكو حبوب او غذاء الكوكتيل فيه البسكوت الملون والفول السوداني وحبوب صغيرة وان شاء الله بصورلكم الاغراض اللي ذكرتها


طبعا البغبغاء يحب يطلع من القفص يوميا ويتمشى ويطير في الغرفة وايضا يحب يلعب بالاجراس والمرجوحة وغيرها وانتبهوا دايما تسكروا المروحة حتى ما يتاذى وايضا تغلقون النوافذ لان الدرة معروف عنه ممكن يطير في لمح البصر .. ويحب اكيد تعامله بلطف وتدلعه


والان يتكلم ويبي له فك شفرة لان كلامه مثل الاطفل مرة معكوس ومرة مكسر بس مشي حالك انا بفهم عليه وكنت اناديه وهو صغير بابا ف الان يحب اناديه بابا لما اقوله كوكو يقولي بابا يعني ناديني بابا

[بوسلمان]

بسم الله ماشاء الله عليه

اذكر موضوعك اختي العام اللي طاف وبنفس الوقت انا كان عندي فروخ بنفس عمر فرخك وهم الحين ماشاء الله كبرو وتعدو لسنه والسنه هذه جبت بعد فرخين غيرهم

[piper]

المشاركة الأصلية كتبت بواسطة بوسلمان

بسم الله ماشاء الله عليه

اذكر موضوعك اختي العام اللي طاف وبنفس الوقت انا كان عندي فروخ بنفس عمر فرخك وهم الحين ماشاء الله كبرو وتعدو لسنه والسنه هذه جبت بعد فرخين غيرهم

حياك الله اخوي بوسلمان وانا اتذكر بعد موضوعك عن الفروخ ما شاء الله جبت غيرهم يتربوا كلهم بعزك

[كناري وكاسكو]

ماشاء الله تبارك الرحمن

طير قميل قمال لكن وش صار ع الكناري

انا السفير ^_^

[monybat]

ما شاء الله
الله يحفظه لك

[osamah11]

ماشاء الله تبارك الله

[كووكتيل]

اي صح اتذكر كان معه كناري وش صار عليه

[أسيــــر]

ماشاء الله
تبارك الرحمن
باين عليه العنايه والنظافة
الله يعطيك العافيه اهتام اكثر من رائع
تقبلي مروري

[piper]

المشاركة الأصلية كتبت بواسطة كناري وكاسكو

ماشاء الله تبارك الرحمن

طير قميل قمال لكن وش صار ع الكناري

انا السفير ^_^