مساعدة فالكاسكو

[ناصر الجعيدي]

السلام عليكم ورحمة الله وبركاته أخواني عندي كأسكو عمر 8-9 شهزر يصفر أصوات أنواع وأشكال واليف لي 3 أسابيع أعلمة كلمة بابا ولا نطقها وش الحل معه

[نايف البرقاوي]

يادوسري
استمر على التلقين وان شاء الله بيتكلم
واحرص ان التلقين يكون بمكان هادي مافي شي يشد انتباه الببغاء
وخله قريب من صدرك عند التلقين .
وفيه طريقة اخرى شفتها بسوق الطيور
كان راعي المحل مشغل المسجل على كلمه وحده مكرره
والببغاوات في اقفاصها وهو جالس على باب المحل .
مادري هل تنفع والا لا بس حبيت اقولها لك
وكل عام وانت بخير

[عزوزالعبدالله]

عليكم السلام

دام الطير يصفر ويطقطق بيتكلم بس الصبر
واحرص انك تلقنه بمكان هادئ.
ومستحسن لو يكون الصباح بدري اذا عندك وقت
واذا م عندك سجل الكلمه بصوتك وشغلها له الصباح

جربتها شخصيا التلقين الصباح يحفظ بسرعه
لانه يكون رايق ويستجيب بسرعه
ولو تلاحظ الصباح اذا اصبح الببغاء يصفر ويشكل ويطقطق من نفسه
ويمكن تسمع منه الكلمه اللي لك ٣ اسابيع تلقنه

[the_gostman]

استمر أخي الكريم في تلقينه كلمة بابا..أحياناً الكلمه الأولى تأخذ وقت لحتى يتعلمها الطائر..

ببغائي الكاسكو نطق أول كلمة بعد تلقين دام لأكثر من شهر..لكن اذا حفظ الكلمه الأولى ونطقها بشكل واضح..رح يسهل تلقين كلمات جديده..


بالتوفيق
اخوك رمزي

[شرارة]

ماقصرو كلام الاخوان صحيح كفو ووفو بس سؤال بسيط لك

اذا كنت تطلع الطير على طول برا القفص ترا غلط حاول تخليه في الففص وتطلعه اخر اانهار ساعه با الكثير ساعتين

تفولي ليش ؟ عشان يطر يناديك تطلعه وتلعب معاه انت خله في القفص وكل مامريت من عنده قوله بااابااا بمد الالف

وحارشه شوي وهو في القفص وكرر الكلمه وروح اللين ببداء يصفرويطقطق ويناديك وراح يقول بابا واذا سمعته قالها روح له على طول وتكلم معاه وروح وكل ما قال بابا روح له وطلعه من القفص

اذا انت لك فتره وانت تعلمه وتلقنه بابا والطير يطقطق انا اظمن لك بأذن الله راح يناديك ويقول بابا خلال سبوع با الكثير

اهم شي لا تطلعه من القفص اللين يقوله واذا حبيت اخر النهار تطلعه شوي مافيه مشكله

بتوفيق خوي


تحياتي للجميع