.. كلبي ضيق صدري .. :(

[MijdaFF]

السلام عليكم

جاني هديه من خمسة أيام كلب فرنسي زينه عمره تقريباً ثلاث شهور ..

المهم الكلب جاء و كل شي جاهز .. بيته و المكان اللي يوسخ فيه ..
طبعاً بيته منعز ل شوي عن المكان اللي يوسخ فيه .. البيت حاطه برا .. بس المكان اللي يوسخ فيه قريب مني .. علشان لما ياكل اوديه له ..

المكان اللي يوسخ فيه عبارة عن لوح خشبي مربع متر × متر مغطى بالتراب الكثيف ..

الكلب احط له نقانق أو زبادي للأكل .. و تقريباً ياكل ثلاث أو أربع مرات باليوم .. مع العلم انه ياكل من يدي ..

مشكلتي كالتالي:


1/ يحب يجلس في المكان حق التوسيخ .. و لما يبي يوسخ يطلع منه و يوسخ على الفرش .. على الرغم من انه اذا وسخ على الفرش اشيل الوسخ و احطه في التراب حقه .. بس يكررها !!!

2/ ما يحبني أو يحب انه يتقرب مني .. و يخاف مني كثير .. و حتى احاول ادربه على الاستدعاء ما يعطيني وجه ابداً .. و لا احس انه يفرح مثلاً اذا دخلت عليه !!

3/ اذا كان مربوط بالسلسلة و حبيت أسحبه يمشي معاي يحاول يتمسك بالارض و ما يبي يمشي معاي ابداً .. و اضطر اجره !!

4/ دائماً جالس في مكانه و خامل .. حتى لما اروح و ارجع ألقاه بس في مكانه على التراب .. ما يلعب و لا كأنه جرو على الرغم انه دائما يكون حوالينه اشياء ممكن انه يلعب فيها !!

5/ لما اخذه معي في مجلس او اي مكان ما يتحرك و لا يحاول يسوي شي .. يجلس و بس .. و ما يدور او يمشي و لا شي .. مع العلم انه كذا حتى لو كنا لحالنا !!

6/ ما احس انه يرغبني .. كل ما ادخل عليه و هو رافع راسه يروح ينزل راسه و يتكور على نفسه !!

7/ الشي الوحيد اللي يحبه فيني اني احطه بحضني و العب في الفرو حقه !!


لو سمحتوا ساعدوني ..
يا ليت احد يجاوبني نقطه نقطه علشان استفيد ..
تكفون بدون روابط او اذهب الى كذا .. ابي شخص مطنوخ يعلمني

و ما تقصرون ..

[Musab Pro]

شوف يالغالي ..

كل اللي تبيه تقدر تسويه بس المساله محتاجه صبر ويبيلك تفكر بطريقة تفكير الكلب .

الجرو عمره صغير و توه جديد عندك .. لا تدلله حيل بالوجبات .

لان الاكل يخلي الكلب يحبك اكثر واكثر ..

حاول ما تحط عنده العاب .. خله يمووت من الطفش وبعدين جيب معك لعبه

و خله يلعب معك فيها .

الكلب اذا تغيير مكانه يمر بازمه نفسيه قويه جدا .. لازم تصبر عليه لين يعدي هالازمه

اجلس معه كثير وشوف ايش الاشياء اللي يحبها سوها له .

الكلاب تختلف عن بعض ولكن بالنسبه لي كلبي يموت على شي اسمه مساج .

التوسيخ لازم تكون ملازم له .. ولازم تحط عليه ليش وتاخذه للمكان اللي انت تبيه .

اذا بدا الكلب يحبك راح يجيك اذا ناديته باسمه .. وعشان يتحمس اكثر حاول ترجع

ورى وانت تناديه ولما يستجيب لك كافئه .

بالنسبه للمشي مع السلسله لا تحاول تخلي الليش مسحوب او شاد ،

دائما يكون راخي وحاول تغريه بالاكل واطلع امش معه بين فتره وفتره عشان يتعلم

على المشي بالليش .

السؤال الرابع والخامس والسادس سببه الازمه النفسيه .

النقطه سبعه حاجه كويسه .. حاول تدخل له من اي مدخل عشان تزيد علاقتك فيه .

تقبل مروري .

[MijdaFF]

تسلم يا الغالي .. ألف شكر على ردك الروعه .. ريحتني ..

بس فيه نقطتين ابيك تشرحها لي ..

ليش يطلع من بيته و يتجاوز مكان التوسيخ و يوسخ في الفرش و يرجع لبيته ؟ .. مع العلم ان مكان التوسيخ تراب يعني ممكن يرغبه اكثر + ابي الاشارات و الاوقات اللي اقدر اعرف ان الكلب خلاص يبي يوسخ .. لاني الحين بس خايف انه يوسخ على الفرش و يحوسني ..

النقطه الثانيه .. افضل طريقة للاستدعاء .. لان الكلب ما يبيني و يخاف مني .. كيف اعلمه اسمه و يجيني بدون فلسفه ؟ .. حتى لما ابي اسحبه الليش يشد نفسه على ورا و ما يبي يمشي معاي ..!! على الرغم من انه يحب حضني و لعبي بالفرو ..

بالنسبه لي .. اذا ضبط التوسيخ و الاستدعاء .. الباقي عادي لو يجلس سنه ما تعلم ..

[Musab Pro]

شوف يالغالي .. واضح جدااا ان كلبك مرتاح بمكان التوسيخ اكثر من بيته

والسبب انك تحط له تراب وهو اريح له من بيته ...

نصيحتي لك شيل التراب وحط حجر ناعم او كنكري صغير ..

وبنفس الوقت اجعل بيته اريح .. ممكن تحط له وسادات او الاسرة الخاصه بالكلاب .

مثل هالصور .

اولا مكان قضاء الحاجه او الليتر بوكس .





مكان راحة الكلب .





بالنسبة للوقات اللي يقضي الكلب حاجته فيها ..

بعد ما يقوم من النوم ... بعد الاكل بخمس او عشر دقائق .. بعد اللعب ..

حاول تاخذه مره في الصباح لقضاء الحاجه و مره في الليل قبل لا ينام .

اضافة الى الاوقات اللي قلتها لك .

العلامات اللي تبين لك ان الكلب يفكر في قضاء حاجته ... توقفه عن اللعب

شم الارض والبحث عن مكان يختلي فيه .

ركب له الليش على طول واسحبه الى مكان التوسيخ .. وكل ما كان اكبر افضل

ومع الوقت تقدر تصغر مكان التوسيخ اذا بدا يتقن الموضوع .

النسبة لتمرين الاستدعاء ..

اول شي حاول تغرية بالاكل .. وكل مره يجيك حمسه بصوتك وامسح عليه

واعطه مكافئة بالاكل .

كرر الموضوع معه بشكل يومي 3 او 4 مرات للحصه الوحده .

خمس او ست حصص باليوم .

هذا اهم تمرين ولازم تصبر عليه تماااااام ... و انتبه تنادي الكلب ثم تعاقبه

دائما لما تقول للكلب come لازم يعرف ان الموضوع فيه مكافئة لذيده

لو كان كلبك غير مهتم بالاكل خله يجوع يوم او نص يوم بس لا تحرمه من الماء

وحاول تكرر موضوع التمرين هذا بالجدول اللي قلت لك عليه .

5 مرات استدعاء وكل مره يجي قطعة واحدة مكافئة .. كرر الحصه 5 مرات باليوم

و اذا اتقنت التدريب بالكثير اسبوع واحد وبعدها راح تلقاه فناااان .

اذا تعثر عليك الموضوع استخدم الاسلوب الثاني ..

اربط الكلب ب الليش وخل اي احد من اصدقائك او اقربائك يمسكه

و قرب لعبه او اكل او اي شي يحمس الكلب

العب فيها قريب منه بعدين ابتعد 3 او 4 متر .. وناده باسمه

وبنفس الوقت اللي تنادي الكلب يفتح صديقك الليش عن الكلب .

الفيديو يوضح لك اكثر .. ( واضح انك ما تحب تقرا كثير !! بدون فلسفه !! )

اذا اتقن التمرين هذا راح يكون اسهل بالمشي مع الليش ان شاء الله .

لك الفيديو و تقبل مروري .

[MijdaFF]

شاكر لك اخي الكريم ..
و الله انك ما قصرت ..

بالنسبة لي احب اقرأ بس ما حسيت ان المواضيع لها ارتباط مباشر لان كل كلب يختلف عن الثاني ..

الحين الكلب حبني .. صار يلحقني و ين ما امشي (( لكن مجرد انه يلحقني مو عن طريق استدعاء )) ..
و لكن فيه مشاكل بدائية:

1) الكلب بس يدخل تحت الطاولة او السرير كثير جداً او اي مكان .. و لما اجي اطلعه يخاف يسحب نفسه مني ( مع العلم اني احاول بلطف و العب في الفرو دايم )

2) الكلب الان بدأ يطمئن لي كثير و هذا احسه .. و يحب يجلس في حضني .. لكن مشكلته احسه يخاف مني لاجيت اطلعه من بيت على سبيل المثال ..

3) نقطة مزعجتني كثير .. لما اربطه بالليش و أبي اسحب يمشي معاي .. يرفض و يسحب نفسه على ورا .. ما يتجاوب معي .. مع اني اسحبه بهدوء و نبره زينه و اكون لعبت في الفرو حقه ..

4) من ناحية التوسيخ .. انا صرت اعطيه اكل و اربطه في مكان التوسيخ لمدة نص ساعه بعد الاكل .. لكن ما اعرف اذا تعود او انه بس لانه مربوط !!!


5) انا اعطيه يمكن اربع وجبات ( هوت دوق نيء) أو ( زبادي ) أو ( حليب ) أو (حبوب الكلاب) أو (دجاج أو لحم من أكل البيت) .. و احاول ما اكرر الوجبه مرتين متتاليتين .. اما بالنسبة للبسكوت .. اشتري بسكوت عادي بس ما يحبه مدري ليه .. و اذا فيه شي من اكل البيت عادي اعطيه علمني بليز ..

أبي منك نصايح .. لانك و الله و الله افدتني كثيررررررررر .. و فعلاً مو عارف كيف اشكرك .. أبي اتعلم و أمشي معاك خطوه خطوه و استشيرك اذا ما يضايقك ..

و ألف ألف ألف شكر

[Abo_fahed]

السلام عليكم ورحمة الله وبركاته ..
اخوي الكلب لاتعوده تمسح على راسه كثير لان مسحة الراس تعتبر مكافئه بحد ذاتها عشان تفيدك بعدين عشان يشتاق ويستانس لما تمسح على رأسه بس مو معناته انه ماراح يحبك بالعكس راح يحبك لان ماراح يحصل اكل واهتمام الا منك والجرو الي عندك صغير فتحمله شوي لان المكان جديد عليه ويشوفكم اشياء كبيره وضخمه عليه ومع الوقت بتشوفه مايفارقك وبالعكس الtoy dogs اذا تعلقو فيك اي احد يقرب صوبك راح يقعد ينبح عليه
اخوي انا بجاوبك بحكم تجربة شخصيه والله اعلم والجواب بيكون على نقطه :
1- كان عندي كلب ريشي ودايما يحب يجلس تحت الطاوله او الكرسي يمكن تكون عاده في بعض كلاب toy dogs ولما اسحبه مايحب يطلع مرات بس انت حاول لما تجي تطلعه حطله اكل بمسافة بعيده عن الطاوله وراح يجيك ان شالله وكافئه لما تمسح على راسه
2-لا تطلعه من البيت الحين اول خل العلاقه قويه بينك وبينه لان الشارع في ازعاج وسيارات وناس وراح يرتبك
3-مشكلة الليش عاديه بكل كلب لان الكلب ((لم ينولد مع الليش )) ومثل ماوضحو لك الاخوان طريقة حلوه حق التأقلم مع الليش انك تغريه باكل وشوي شوي راح يتعلم ويمشي معاك مثل العسل
4-مشكله التوسيخ الكلب بعد مايوسخ عزك الله يشم مكانه ولما تخليه مره ومرتين راح يعرف وسو اختبار عليه ولما يروح يوسخ بمكانه كافئه والجرو الصغير قدرة تحمله في كتم الاكل قبل التوسيخ ليست بمدة طويله يعني عقب كل وجبه وده مكان توسيخه واقعد راقبه وان شالله بيكون حافظ مكانه مع التنظيف اليومي لمكانه لتجنب الجراثيم والذباب
5-وقف عنه الحليب حاليا واذا بتعطيه حليب عطه كل اسبوع مره افضل واذا كان دجاج من البيت يكون مفيوح مع ماي فقط لمدة مابين 20 الى 25 دقيقه وحط مع الاكل عيش ابيض والهوت دوغ يفضل تخليه تريت حق التدريبات لان طعمه حلو للكلاب واذا بتوكله هوت دوغ بيكلفك كثير وحبوب الكلاب اختار من شركة Royal Canin

وان شالله اكون فدتك بالي اقدر عليه وان شالله في شي ناقص وماراح يقصرون معاك الاخوان ولك مني كامل الاحترام والتوفيق ...

[MijdaFF]

شكراً اخوي ابو فهد على ردك الجميل ..

تسلم و الله افدتني الله يعافيك .. ما قصرت


و في انتظار تعليق اخوي مصعب برو ..

لك تحياتي

[Abo_fahed]

العفو يااخوي وان شالله يفيدك مصعب اكثر وبالتوفيق ان شالله

[كـش مـلك]

المشاركة الأصلية كتبت بواسطة MijdaFF

شاكر لك اخي الكريم ..
و الله انك ما قصرت ..

بالنسبة لي احب اقرأ بس ما حسيت ان المواضيع لها ارتباط مباشر لان كل كلب يختلف عن الثاني ..

الحين الكلب حبني .. صار يلحقني و ين ما امشي (( لكن مجرد انه يلحقني مو عن طريق استدعاء )) ..
و لكن فيه مشاكل بدائية:

1) الكلب بس يدخل تحت الطاولة او السرير كثير جداً او اي مكان .. و لما اجي اطلعه يخاف يسحب نفسه مني ( مع العلم اني احاول بلطف و العب في الفرو دايم )

اخوي في هذي الحاله لا تحاول تطلع من تحت الطاولةة او السرير

خلةة اهو يطلع لحالةة

لانو لو سحبتو راح يطلع غصب اكيد وكذا بيخاف منك

لاكن خليه على راحتةة واهو يطلع




2) الكلب الان بدأ يطمئن لي كثير و هذا احسه .. و يحب يجلس في حضني .. لكن مشكلته احسه يخاف مني لاجيت اطلعه من بيت على سبيل المثال ..

اخوي الكلب ما سارله فترة معاك اهو وربي راح يحبك بسس

عطه اكل واقعد جمبةة كثير والعب معاه

وحمسسه واهو راح يحبك

3) نقطة مزعجتني كثير .. لما اربطه بالليش و أبي اسحب يمشي معاي .. يرفض و يسحب نفسه على ورا .. ما يتجاوب معي .. مع اني اسحبه بهدوء و نبره زينه و اكون لعبت في الفرو حقه ..

طيب خليةة يتعود عليك اوول

وبعدين اربطه بــ الليشش ولعبةة



4) من ناحية التوسيخ .. انا صرت اعطيه اكل و اربطه في مكان التوسيخ لمدة نص ساعه بعد الاكل .. لكن ما اعرف اذا تعود او انه بس لانه مربوط !!!


اخوي لا لا تربطه

انت خلك عنده

لا تربطه وترووح وتخليه

وبعدين اهو جرو صغير كيف تربطه

5) انا اعطيه يمكن اربع وجبات ( هوت دوق نيء) أو ( زبادي ) أو ( حليب ) أو (حبوب الكلاب) أو (دجاج أو لحم من أكل البيت) .. و احاول ما اكرر الوجبه مرتين متتاليتين .. اما بالنسبة

اخوي جروك لو عمرة بين الــشهرين و الــ 4 شهور حاول تسويله

نضام ثلاث او اربع وجبات

في اليووم متزنات

والعضم والسمك والبصل والثووم كلها ممنوعه

البهارات الملح

ممنوع

وربي يخليك

للبسكوت .. اشتري بسكوت عادي بس ما يحبه مدري ليه .. و اذا فيه شي من اكل البيت عادي اعطيه علمني بليز ..



أبي منك نصايح .. لانك و الله و الله افدتني كثيررررررررر .. و فعلاً مو عارف كيف اشكرك .. أبي اتعلم و أمشي معاك خطوه خطوه و استشيرك اذا ما يضايقك ..

و ألف ألف ألف شكر

تقبل مروري

الاجابات بــ اللوان الازرق

[MijdaFF]

تسلم الله يعافيك ..
اجاباتك وافيه .. و ما قصرت

بس شي واحد معقدني .. التوسيخ

اليوم الله يكرمكم تبول على السيراميك فجأة .. و كان يلعب ما كان منه اي اشارات ..
طبعاً انا جيت لقيته .. ما سويت له شي .. بس غسلته و خليته ..

بالنسبه للحب .. هو يحبني الحين و يبي يلعب معاي طول الوقت و بس يلحقني .. و لما اخليه يطلع اصوات ..
الاستدعاء ببدأ اشتغل عليه بتركيز اكثر ..
و من ناحية البيت و الطاولة .. ما اعطيه فرصه يدخل ..
الحين كل خوفي يكون معاي او على سريري و يوسخ ..

بالنسبة للمرحلة الجاي معاه .. وش تنصحوني فيه ؟ اخفف الاكل علشان اعلمه الطاعة مثلاً ؟ .. و الا استمر عادي و اخليها لعب بالفرو ؟ .. نصايحكم الله يعافيكم .. لانكم افدتوني اكثر من المواضيع

جزاكم الله خير