المساعده في اختيار كاسيكو

[gwan]

السلام عليكم

ياخواني واخواتي انا ان شاء الله مقبله على شراء كاسيكو وودي تشيرون علي بما انكم اكثر خبره مني ودي بكاسيكو اليف مايجعر بتاتا ويرقا على اليد والى آخره ومايهمني يكون يتكلم او لا من وين اشتريه وكم العمر المناسب وكانكم تعرفون احد ثقه اشتري منه وهل هذا الوقت مناسب لأقتناء الكاسيكو ؟

وشكرا

[بلاك بيري]

خذي طير بنفس المواصفات بعمر سبعه اشهر وبسعر لا يتجاوز 1500 ريال

موفقه

[gwan]

^^^
جزاك الله خير

بس ماقلتلي وش احسن مكان اشتري منه

[محمـد]

دامك من حالاتي تبغى طير جاهز وونيس عليك بالكاسكو الهولندي المجل ولا بعد يجيك معاه شهادة ميلاد وتطعيمات وحركات وكذا . ايش حلاته عند واحد من اصحابي تعال يجي تقلو راسك يقلك سم تقلو اطلع يجيك مدحدر مو مثل الكاسكو الصيد اللي عندي ياهو اقشر قدامو مسميه كوكو باشا ومن خلفه مسمي دعشوش الدعونجي ^ ^
يخرب بيته ماخلا ولا بقى في يدي من العض الين ما روق شويتين بس باقي عليه خثلات يجيب اصبعك يخليك تنقز هههههه
وزي ما قالها لكـ بلاك بيري خذ واحد بحول السبعه شهور ولا يهون السامع ماعليكـ من اللي يقول مناعه اقل ترى تروح وتجي عليكـ يالمربي وشلون تحافظ على الطير في ضل جو مناسب ومبروكـ عليكـ مقدما ^ ^

[عزوزالعبدالله]

مبروووك مقدماً

أهم شي يكون صغير مثل ما قالوا الاخوان
وكاسكوو هولندي اللبق شوي من الصيد و70% اسهل بالترويض اذا موب مروض اللي بتشتري

ومن ناحية وقت الاقتناء ما يفرق بأي وقت اذا بتتوفر له الاجواء المناسبة بالبيت

وبالتوفيق

[gwan]

^^^
جزاكم الله خير جميعا وماقصرتو

بس مارشحتولي مكان اشتري منه

[رمز التميز]

المشاركة الأصلية كتبت بواسطة gwan

^^^
جزاكم الله خير جميعا وماقصرتو

بس مارشحتولي مكان اشتري منه

اختي gwan

في البداية انصحك تاخذين فرخ أليف سواء (هولندي أو صيد).
ثانيا/ انصحك تدوري لك على جامبو (شكل ونقاوة صوت)
ثالثا / سوق الطيور هذا لا تقربي منه ، مالك الا متابعة عروض البيع في المنتدى هذا أو اذا تبغين منتديات اخرى راسليني ع الخاص. << عشان ما يزعلون علينا الإدارة

[gwan]

اخواني لقيت واحد يبيع فروخ حجل راس الطير عيون سود وشرايكم

[تشآرلي]

اخواني لقيت واحد يبيع فروخ حجل راس الطير عيون سود وشرايكم

شي طيب بتكون الليفه جدا

وبيسهل عليك تربيتها

الاهم تهتمي فيه وخاصه من الاجواء البارده

مبروك مقدما