شي غريب بلييييييز ساعدوني

[مشاعل الرياض]

السلام عليكم
ارنوبي له فتره بس دايم يبي يحك رقبت وهو في رجله اعاقه فما توصل لرقبته علشان يحكها فمسكين طول الوقت بس يهز جسمه ومتوتر وامس قعدت امسح على رقبته من تحت اذنه الا القى شي منتفخ بعد الشعر الا المفاجأه حشره عاضه جلده ومدوره وكبيره قد حبه العدس ولونها بني حاولت اسحبها مارضت الا بالقوه وضغطت عليها الا دم العينه قاعده لها فتره تمص دمه ومكانها احمممر ومتورم وادور بجسمه الا القى بظهره وحده كبيره ونفس الشي فيها دم مسكييييييين من طلعتها وهو مرتاح
الحين تكفون وش اسوي وشش علاجه من جد يرحم
انا مربيته بغرفتي ونظيييييف والغرفه سيراميك وحاطه له شرشف ينام عليه

[rafatm2007]

يا اختي لازم تمسحي محل حشره بماده مطهره

و فحصي ارنبك دايما عشان تتاكدي انو ما عليه طفيليات

[tooty-toot]

هاذي أختي قراده تكون صغيره وتكبر عادة تكون في أي حيوان عادي لو سحبيتيها مع اسنانها بملقط تتطلع ..
وامسحي مكانها بمسحه طبيه او معقم ووتروح عادي .. بس تأكدي من باقي جسمه لايكون فيها .. تكون لونها احمر قبل تمص الدم تشبه العنكبوت .. وتبدأ تكبر ولونها يتغير ..

[مشاعل الرياض]

مشكووووورين بس انا خابفه تموته لانها تشرب دمه كلمت البيطري وقال ان افضل شي يحلق شعره علشان يتأكد من شي لانها تتوالد بسرعه وبعدين مانقدر نسيطر عليها

[رعوود]

اختي مشاعل الرياض

قراد يجي اوقاع حتى للبشر

اول حاجه انتبهي عروحك لمن تتعامل معاه والبسي قفازات

شيلي القراد بملقط وامسحي مكانه بمعقم

ايضا تقدري تستخدي بخاخ الفطريات من الصيدلية البشرية اسمه ( لاميزيل )

او تشتري واحد خاص بالحيوانات من اي محل او صيدلية بيطرية

وترشي القليل عالمكان وتمسحي باصبعم او قطنه

وشيكي كل فترة

ان شفتي حالته ما تحسنت

وديه لبيطري

موفقه

[مشاعل الرياض]

مشكوور اخوي طيب وش رايك براي الدكتور يقول بحلق شعره علشان يتأكد

[رعوود]

حلاقة الشعر البعض يستخدمها كحل

لكن نادرا ما يكون للقراد

الالغلبية للفطريات والجرب

عموما تقدري تطلبي منه الفحص الكامل او انتي تشيكي بالبيت عالجلد

ان حصلتي الوضع كبير ومليان الارنب

ممكن تتخذي خيار الحلاقة

موفقه