بديل ضوء الشمس

[nawrooz]

سلام
عنذي قفص ما يدخله ضو الشمس لان مغطي السقف
واحد من الخبراء قال لي فكرة بس مو مقتنع فيها
قال لي خذ لك منظرة واعكس الضو. داخل القفص بمنطقة محذذة
والفوائد بتكون مثل ضو الشمس المباشر

فهل الطريقة صحيحة؟

[طير المملكة]

عليكم السلام ورحمة الله وبركاته

يا هلا بالغالي

هي فكرة ذكية انك تعكس ضوء الشمس وبالفعل الفوائد مثل فوائد الشمس
بأعتبار علميا انك بتعكس كامل الاشعاش الى ترسله الشمس

ولاكن المنظرة يالغلا بتقوم بتركيز الاشعاع في نقطة محددة ويعني ذالك
ان الشعاع بيكون اقوى فممكن تعرض الطيور للعمى لاسمح الله زائد تركز الاشعة
ممكن يضر جلد الطائر اما جفاف او امراض الله يبعدها عن الجميع يارب

انا صراحتا ما جربت وما اقولك ان شفت احد مجربها ولاكن علميا هذا الي بيصير

ولاحظ لو تاخذ منظرة وتعكسها في وجهك كيف نور الشمس ما تقدر تفتح عينك امامه

[nawrooz]

شكرا ع الرد
فتنصحني بحل اخر او طريقة اخرى لعكس الضو؟

[طير المملكة]

المشاركة الأصلية كتبت بواسطة nawrooz

شكرا ع الرد
فتنصحني بحل اخر او طريقة اخرى لعكس الضو؟

ولو لا شكر على واجب يالغلا

امممم يعتمد على ايش حجم القفص عندك ؟ وفي وين محطوط مثلا خارج البيت في السطح او وين بالضبط ؟

[nawrooz]

القفص كبير قالو لي مقسم لقسمين
كل قسم تصلح ل3- 4 ازواج (حسب كلام الخبراء بالمنتدى) بس المشكلة نسيت المقاسات (يمكن طول شاب بالغ قصير عرضا واطول من 172 سم ارتفاع)

--
هو بالبيت عندنا مكان مثل غرفة كبيرة بدون سقف !
فمحطوط اهناك وعليهم جينكو بس المشكلة الشمس ما تجي على الطيور بسبب الجينكو

[طير المملكة]

المشاركة الأصلية كتبت بواسطة nawrooz

القفص كبير قالو لي مقسم لقسمين
كل قسم تصلح ل3- 4 ازواج (حسب كلام الخبراء بالمنتدى) بس المشكلة نسيت المقاسات (يمكن طول شاب بالغ قصير عرضا واطول من 172 سم ارتفاع)

--
هو بالبيت عندنا مكان مثل غرفة كبيرة بدون سقف !
فمحطوط اهناك وعليهم جينكو بس المشكلة الشمس ما تجي على الطيور بسبب الجينكو

الصراحة يا اخوي انا مو فاهم المكان بالضبط لان مثل ما انت عارف الي يشوف غير

المهم شوف يالغلا
لوقصدك الشمس ما توصلهم مباشرتا بسبب الجينكو ولاكن يوصلهم نور الشمس
يعني هم في ظلال بس في نور للشمس عندهم ما اظن انها مشكلة ابد

اما لو ما يوصلهم اي نور اطلاقا في طريقتين
يا اما انك تركب اليتات الي الوانهم صفرا اقصد الي لما تشغلهم نورهم مثل الشمس
اكيد ما بيعطيك نفس فوائد الشمس ولاكن ما باليد حيلة

او جرب طريقة المنظرة لاكن جرب تحط طربال الي يكون شفافي حط على المنظرة وشوف لو
العكس يكون اخف
لان المشكلة الطير لما يشوف المنظرة راح يتهيأ له ان في طيور موجودة وراح يغرد ويدور
ويبقى عيونه على المنظرة فتعكس بقوة عليه هذا الي نخاف منه

هذا الي في بالي حاليا لو جتني اي فكرة راح افيدك بأذن الله

[MARSHAL]

اخوي اشوف لو تستخدم اضائه صناعيه للطيور وبأذن الله ما في منها ضرر على الطيور

و انا شخصياً استخدم للطيور لاضائه الصناعيه وماشاء الله صحتها توب وحالياً كلها داخل الأعشاش تجهز للأنتاج



تحياتي