قصة شراء بغبغائي الجميل البلو فرونتد والعناية بصحته وتغذيته

[مزون قطر]

مرحبا فيكم جميعا..
حبيت اكتب لكم طريقتي الجديدة في تغذية بغبغائي بشكل صحيح والموضوع مفتوح للنقاش وليس حكرا على طريقتي..
بداية القصة اول شي اخترت الطير وحجزته (كان الطير ملفت في صحته وحركته وما لاحظت اي اسهال في القفص) وبعد كم يوم رجعت للمحل وقبل لا اشتريه فحصته عند البيطري اللي في السوق (سوق الطيور في سوق واقف) تبين ان الطائر فيه دود طبعا رجعت لصاحب المحل وقلت له الحكايه وتركت الطير وعالجه بعد يومين رجعت فحصت الطير وكان سليم 100% طبعا انا فرحت ودفعت الباقي واخذت الطير الجميل كان في مربي بغبغاوات جاي يشتري واعجبه طيري ودار حوار بيني وبينه وارشدني على مركز بيطري متخصص جزاه الله خير فيه بيطريين من سكوتلندا ومن استراليا بصراحة هالشي ريحني لان الاجانب شاطرين..
وديت الطير مثل مانصحني.. لاحظت انهم خبيرين بالفعل.. طبعا الدكتور عمل فحص كامل للطير وتبين ان الطير معاه فطريات في بطنه بسبب دوار الشمس.. وقال لي لاتعطين الطير دوار الشمس طبعا انا اعترضت وقلت له مافي بغبغاء ماياكل دوار الشمس.. شرح لي الموضوع قال لي ان دوار الشمس يحبه البغبغاء بس مشكلته ان بعضة يكون من داخل خربان وهالشي يأثر على معدة الطير المسكين.. طبعا اعطاني له مضاد حيوي ودوا للفطريات وفيتامين في الماي وعطاني له اكل نفس الكورن فليكس على خضروات وفواكه كنت خايفة ماياكلة لكن الحمدلله عجبة وقال لي اعطيه فواكه وخضروات.. طبعا انا فترة العلاج كنت اعطية الكورن فليكس فقط وماكنت خايفة لان الاكل هذا يحتوي على الفيتامينات والمعادن اللي يحتاجها عشان ماسبب له مشاكل ثانيه.. بعد اسبوع كان لنا موعد ورحنا انا وعسول وقال الطبيب استمري على العلاج اسبوع وتعالوا.. رحنا الموعد الثاني وفحصة الطبيب وقال لي عسول سليم 100% وقفي الدوا.. طلبت من موظفة الاستقبال توريني انواع الاكل لطيري كنت ابي نفس اللي اشتريته قبل بس كان مخلص ورتني حبوب وفيها دوار شمس قلت لها لا مابي لاني صج خايفه على عسول فاشتريت له اكل من نفس الماركه كورن فليكس على مكسرات و اشتريت له العاب جديدهوماشاء الله الاحظ صحة طيري حلوه.. وريشه ماشاء الله نظيف وحلو لأن عسول يحب يتحمم كل يومين او ثلاثه..

وهذي تجربتي في العناية بصحة وتغذية عسول طائري الجميل

[سمسم746]

الله يبارك لك في عسووووووووولك
و الأهم العناية بنظافة القفص و التشميس بصفة مستمره
و بالنسبة للأكل ترا لازم من التنويع في الأكل و كثرة الخضار و الفواكه مضرة و تسبب الامساك أو الاسهال
و المهم عدم تعريض الطير للتيارات الهوائية خاصة التكييف و توفير الجو المناسب حيث يكون الجو معتدل
تقبل مروري و بالتوفيق

[روّيشد]

السلام عليكم
بارك الله لج في طيرج
بس لو كنتي داعمة الموضوع بالصور كان بيكون احسن

[كابتن بحر]

ممكن نشوف شنو الكورن فليكس الي تقصده

[مزون قطر]

اخي سمسم ..
الله يبارك في حياتك..
يعطيك العافية على هالنصايح ..
شاكره لك مرورك..

[مزون قطر]

اخي رويشد..
ان شاء الله راح انزل الصور..
شاكره لك مرورك..

[مزون قطر]

كابتن بحر..
ان شاء الله راح انزل الصور ..
شاكرة لك مرورك..

[مزون قطر]

هذي الصور بناءا على طلبكم..
اول مرة اعطاني الطبيب البيطري اكل خاص بالكوكاتو بس عادي ياكلة البلو فرونتد حسيت ان الحبات كبيرة شوي في كل مره اكسره شوي عشان يقدر ياكل بسهوله.. هذا بالخضروات والفواكه..


والكورن فليكس اللي اخذته مره ثانيه فيه قطع شوي اكبر الموضوع عادي اكسره شوي ويصير سهل ياكله.. هذا بالمكسرات..


ان شاء الله اكون افدتكم..

[رائد ملكاوي]

موضوعك حلو وممتع يا غالي

بارك الله فيك

والف مبرووووووووووووك

[marshmallow]

مآ ششآء آلله تبآرك آلله . .

عنآيتك فيه وآضح آنهآ زينة ، وآكيد مدلعته . . ^^

آلله يخليه لك يَ رب . .

وعجبتني نوعيآت آلآكل آلي آشتريتيهآ ، آن ششآء آلله بدور على مثله للبلوفرونتد حقي . .