ماني عارفه اشلون اتعامل معاها ؟؟؟ :(

[nawarie]

السلام عليكم
شريت الحمدلله قطوه شيرازيه عمرها شهرين ونص
واليوم استلمتها وعلى طول دخلتها عالبيطري
فحصها و لقى فيها اشياء سوده وااااااااايد بأذونها
قال يفضل انسبحها وننظف اذونها ونطعمها ...
واااي اشكثر اشياء سوودده طلع من أذونها
وعطاني قطره للاذن مرتين باليوم وقالي لازم ينظفها مره ثانيه الجمعه الصبح
وبالبيت مواضيه تاكل ولا تشرب ولا تنام
ما ادري يمكن لانها متوتره من المكان الييديد عليها ؟؟
ما ادري اشلون اتعامل معاها ! ما كلت ولا اشربت شي ولا شي حتى المواء
ولمن اشيلها امسح عليها تطلع صوت ما ادري اهيا امعصبه ولا خايفه والا يوعانه صوت مثل الشخير
ياريت اتقولولي شسوي ؟؟

[nawarie]

ناطره حلولكم
بليز لاتخلوني

[oOKittyOo]

أتوقع ما فيها شي بس لأن البيت غريب عليها بعد يوم او يومين راح تكون طبيعيه مثل قطوتي ما اكلت الا اليوم الثاني..

والصوت اللي مثل الشخير عادي كل القطط تطلع هذا الصوت..

وان شاء الله الاعضاء يساعدونك...

[*(الدلوعه)*]

مبرووووووكـ البسهـ الجديدهـ ^_^

والي في أذنها اتوقع يا فطريات أو وسخ بس انتي استمري عالقطرهـ وان شا الله تتعافى

وعادي انها ما تآكل ولاتشرب لان امكان جديد عليها

يبغالها اربع ايام كذاا عشان تتعود

على العموم انتي خلي المويهـ والاكل عندها لو جاعت وانتي مو فيهـ تآكل على كيفها ^_^

والصوت الي تطلعهـ معناهـ انها مو معصبهـ بالعكس مرررررررررررهـ مستانسهـ ومسترخيهـ

واتمنى اني افدتكـ ^_^ .

[nawarie]

حبيبتي مشكوره عالرد السريع
والله قاعده احاتيها تنام 10 دقايق وتقعد وبس تحوس
وابي اطمنها بس اشيلها وافرك بالخفيف على راسها تطل هالصوت
واحاول اوكلها تبعد ... واقربها يم الماي وتوخر عنه ... واحرك الالعاب تطالعها امتنحه بس ماتلعب فيها
يعني ما تلمس وتجرب اي شي

[*(الدلوعه)*]

ايهـ انتي اصبري عليها كم يوم

وبتملين من كثر ما تلعب ^_^

والصوت قلتلكـ عادي معناهـ انها مستااااااااانسهـ ومرتاحهـ

والنوم عادي انا بستي كذاا تنوم وتصحى ما تطول في النوم ابداً

والاكل لاتغصبينها خليها على كيفها وحتى المويهـ بس خلي كل شي جنبها ^_^ .

[nawarie]

kitty و الدلوعه مشكورين وااييد
على ردودكم
بس اشلون اعرف اذا في شي يعورها اويضايقها ؟
واشلون اعرف اذا اهيا يوعانه بس ماتحب هالاكل الي حاطته لها ؟
واشلون عالحمام !! اذا ما كلت ما تروح الحمام ؟؟

[*(الدلوعه)*]

اذا هي جوعانهـ راح تلاحقكـ وين ما تروحين

وبتروح لصحن الاكل << يعني ادري اني جوعانهـ ^_*

ولا المكان الي معودتها تأكلينها فيهـ

والحمام عادي اي وقت تروح لهـ بس انتي خليهـ بمكان تقدر توصل لهـ ^_^ .

[nawarie]

اي والله حاطه كل شي حولها
الالعاب والسرير والاكل والماي
وبنطر ماني نايمه ... اخاف تتوتر ازياده اذا مالقت احد لان المكان ييديد عليها

[*(الدلوعه)*]

زين ما سويتي ^_^ .