تساقط الرريش للطير الجديد

[صالح الفضلي]

السلام عليكم ورحمة الله وبركاته
عارف اني ازعجتكم بس ما ادري ابي اتطمن بحكم اني مبتدئ

راس الكوكاتيل اللي شريته من يومين قلتو لي ان الصلع اللي فيه وراثه بس لاحظت اليوم ان القفص كله ريش
و حتى الراس زاد الصلع فيه و الكوكاتيل اغلب الوقت نايم او ما يتحرك

رحت للبيطري و شافه و عطاني فيتامينات احط قطرتين بالماي كل يوم ... و يقول انه عادي بس انا ربيت كناري قبل ولا صار معي كذا ؟؟

اخاف ان فيه فاش ولا مرض معين ؟

و لما طلعته من القفص و طار طاح منه ريش كثير وهو يطير ملى المكان ؟

تتوقعون انه بمرحلة القلش ؟ مع اني اشوفه احيان يحك جسمه و يعلق ريش بمنقاره

و آسف على ازعاجكم او الاطاله

وشكرآ لكم على جهودكم

[The male nurse]

نعم الصلع الذي خلف التاج عادةً يكون وراثي

نعم قد يكون الكروان يمر بمرحلة القلش استمر على القطرة خمس ايام او اسبوع

ملاحظة/ يومياً قم بتغيير الماء

لاتقلق الفاش يتواجد بالعش تبع الكروان وليس بجسم الكروان هو مش قمل هههه

بالنسبة للنوم الزائد نعم هذا دليل على المرض وخصوصاً اذا كان مصاحب معها اسهال او نفش الريش

الافضل تقديم وصفة الثوم بالليمون بالماء

وهذا الموضوع راح يفيدك بالخصوص

وصفة الثوم والليمون!!

--
تحياتي

[صالح الفضلي]

طيب احط وصفة الثوم والليمون و الدوا كلهم سوا ؟؟
و قريت برضو ان الخمول ممكن يكون سببه القلش ما مدى صحة المعلومه

مع العلم ان البيطري قال ان ما فيه اسهال

و اشكرك على تجاوبك السريع

[The male nurse]

العفو

استمر على تعليمات الطبيب (القطرات).

اعتقد القطرة عبارة عن فيتامينات متعددة لزيادة نشاط الطائر وتقوية مناعتة

اذا ماكان في مشاكل اسهال مافي داعي الثوم باليمون فقط استمر على القطرة ونوع بالاغذية وانشاء الله راح تلاقي نشاطة زاد
--
تقبل مروري

[صالح الفضلي]

اشكرك الشكر الجزيل

و اتمنى ان استفيد من خبراتكم

[كل الدلع]

وعليكم السلام ورحمة الله وبركاته ..
أخوي هل تحس انه شرهه في الحكه ولا عادي ؟!
على كلٍ اهتم بتغذيته جيدا وحاول تريحه ولا تتعبه
واهتم فيه

ويوجد طريقة لمعرفة وجود الفاش تقدر تبحث عنها بالمنتدى

موفق^^

[صالح الفضلي]

اختي كل الدلع

الحكه مو بشراهه

والاكل ما اقصر معه احط له الحبوب و قطعة فواكه بس للأسف ما يقرب الفواكه

بس اللي قاهرني الخمول اللي فيه

يمكن بسبب تساقط الريش يتعبه