أيهما أفضل الدرة أم الهولندي

[طارق الهولندي]

السلام عليكم ورحمة الله وبركاته :
ياشباب أنا جديد في عالم الطيور وعندي ببغاء محجل هولندي لاكن على مالقالوا المحبه من الله ونا بصراحه أعشق الدرة النيبالية ... ببغائي اليف ومايتكلم وجاني عرض من واحد عنده دره نيباليه تطلع على اليد وتتكلم راس براس بالهولندي الي عندي بس جاتني نصايح كثير يقولون الدره مايتقارن بالهولندي فأتمنى نصيحتي وكيف الدرة تتكلم زي الكاسكو ولا لا وهل سعره رخيص يعني ارخص من الهوندي
شكرا لكم ...

[عبدالعزيز1]

اكيد مافي مقارنه بين الاثنين

الكاسكو لو تكلم عندك تبيعه وتجيب اكثر من دره

اصبر عليه وحاول تلقنه الكلام الصبح بدري مع طلوع النور وقبل المغرب

ابدا بكلمات سهله

كررها الين يجيبها واصبر عليه واهتم فيه

[طير جديد]

اخوي الغالي

الهولندي يفوق الدره بمراحل - الذكاء - الكلام - السعر




الدره طائر يمتاز بالالوان الي فيه لكن يعتبر ضعيف في الكلام وسعره يختلف على حسب نوعه








انا انصحك لا تبادل وانشاء الله تشوف من طيرك كل خير

وبخصوص التلقين في كذا شي لازم تسويه :-

1- التلقين بالصوت الواضح
2- التكرار المستمر الكثير
3- اختيار الكلامات السهلة ( بابا كوكو ......
4- الصبر

وتقدر تسجل صوتك بالجوال وتحط على تكرار ( يعني سجل كلمة = بابا = بالجوال وحطه جنب الطير وسوي لها تكرار ) انا مجربها وانجحت معااي


بالتوفيق

[طارق الهولندي]

شكرا وماقصرتم

[كاسكـــو]

انت تقصد بالهولندي الببغاء الرمادي المعروف بالكاسكو او الافريقي

اذا تمتلكـ ببغاء افريقي

لاتفرط فيه فهو افضل من الدره

والافضل تقول ببغاء افريقي او تقول كاسكو عشان يفهم عليك اكثر الاعضاء لأنه فيه كذا نوع يطلق عليه هولندي زي الدره مثلاً

لأن هولندي هذي نسبه لمزرعه هولنديه قامت بتفريحه وليس نوع واي طير انتج في هذي المزارع يطلق عليه هولندي