هل الببغاء يغار على صاحبه ؟

[falcon1]

السلام عليكم ورحمة الله

يسعدلي صباح / مسااااء الجميع
احبابي عندي كاسكو (تويتي) توه متدرب على يدي وماشاء الله متجاوب والامور طيبة وياه
الي صار انه امس احد الاخوان عنده كاسكو افريقي ويبغاني ادربة على الطلوع على اليد(احلى صرت خبير بحارتنا )هههههه
طيب انا وافقت لأنه مو مصدق اني انا الي دربت تويتي وهو الاخ عزيز على..
وقلت له في طرق شفتها من الاخوان بالمنتدى ان شاء الله تكون طريقة مناسبة حق طيرك..
وبديت امس المس طيرة وامسد عليه وتويتي على الاستاند يناظر المهم جيت بعدها بوقت رجعت طير خوي وابغى اطلع تويتي هو الي يعض ويتمرد علي وكأني ما اعرفه ابد طبعاااا بعد محاولات وكم عضه استجاب وطلع ومسده وتطمن انه هو الغلا استكن وارتاح ورجع زي اول ... الحقيقة انا تعجبت من فعله
وطرأ علي سؤال ودي تجاوبوني
الحين هالطيور تغار ولا لا ؟
الي عنده اجابة لا يبخل من باب المعرفة وانتم اول من طرأ ببالي اسألهم من واقع خبرتكم النيرة في هالمجال
مني لكم اجمل وارق واحلى واعذب تحية

[عبدالعزيز1]

والله ياغالي بجاوبك من واقع قرايتي بالمنتدى

قريت لاكثر من مربي ....... لاتدرب او تحاول تولف طير وبالغرفه طير آخر

[رآآآيق]

اممممم

بالنسبة للطير تفقد كل تعبك عليه اذا شافك مع طير تاني


من واقع تجربتي


كان عندي كوكاتو جوفين و درة هندية >> الدرة كانت اول طير لي


طبعا بعد ماشرف الكوكاتو تغير وضع الدرة تسمعك من ذاك العض الين تنزف دم


والله ماابالغ لو قلت لك انها كانت هيا اللي تتحرش و تهجم على الكوكاتو وتعضوا ولو مافكهم كانت

ماتت من زمان ,, ماترضى تسيب الكوكاتو بحاله الا اذا جيت شلتها من قدامه ,,


بعد مابعت الكوكاتو وعشان الدرة تتطمن اعطيتها القفص حق الكوكاتو ,,


وفترة بسيطة رجعت لطبيعتها وآحسن بعد


اتمنى اكوون افدتك


وعسـآآك ع القووة