تزاوج اليلوناب

[fhm_79]

السلام عليكم أخواني

قبل امس شريت زوج يلوناب حق التفريخ اعمارهم من خمسه لسته سنوات

وحطيت لهم صندوق التفريخ وكله تمام باذن الله

بس لي ملاحظه انه النثيه توقف بعيده حيل عن الذكر هي باول القفص وهو باخر القفص كل واحد فيهم ماخذ زاويه بروحه

افيدوني بخبرتكم ..

وماهو الغذاء المميز لهذه الحاله

[أسيــــر]

وعليكم السلام ورحمة الله وبركاته
الف مبروك
وعقبال ماتشوف انتاجهم
الجوز الي انت ماخذه منتج ومتوالف معه بعض
او
حديث التركيب معه بعض
اذا كان جوز سابقا ومتوالف معه بعض
ممكن بسبب تغير المكان ويحتاج يتهئ اكثر
ردة خوف تكون من الاناث
واذا كان الجوز حديث التركيب
تحتاج تركهم فتره بجانب بعض كل طير في قفص
حتى تتم عمليت المغازله بينهم والتعرف على بعض
وبامكانك تطليعهم على استاند هذي برضو
من طرق الي تجعل الطيور تتوالف سريع
وبعد فترة ستلاحظ استلطافهم عند ادخالهم لقفص
الانتاج يتم ادخال الانثى وبعدها بدقائق الذكر
وطبيعي راح ياخذون وقت حتى يتوالفون معه بعض
واهم شي انك متاكد انهم ذكر وانثى وفي سن البلوغ التام
الغذاء
طيور الانتاج لاتقصر معها في شي
من فواكه وخضار والبغوليات وبذور الاستنبات
وايضا غذا الشركات المعروفه مثل
فرسل لاقا والزبريم

[fhm_79]

مشكور ماقصرت

انا شاريهم على اساس انهم سبق لهم ان انتجوووو

[أسيــــر]

العفو اخي
اذآ مجرد خوف ورتباك من الانثى
بسبب المكان جديد عليهم
باذن الله سوف يستقرون
طالما اخذتهم من مصدر ثقه
واهم شي الاستقرار وعدم ازعاج الطيور
وتوصه فيهم بالغذاء المناسب والمحفزات
ضع لك كمرت مراقبه وتابع سلوكهم
موفق باذن الله

[fhm_79]

بارك الله فيك اخوي

ادعولنا بالتوفيق يارب

[fhm_79]

السلام عليكم

أخوي اسير
أذا الذكر يدخل الصندوق شنو يعني الموضوع

[the_gostman]

اتوقع ان الزوج بعده جديد والمكان تغير عليهم.. اصبر عليهم وانشالله تشوف انتاجهم عن قريب.


بالتوفيق