زيادة حجم الجرو

[Ahmed1987]

السلام عليكم ورحمة الله وبركاته
شباب ابي ازيد حجم و وزن كلبي
اتمنه تساعدوني ولكم جزيل الشكر

[Octopus]

اهم شي هو زايدة من التدريب و زيادة في الاكل

[Ahmed1987]

بنسبه للتدريب انا ماعرف بس قاعد اتعلم كليوم اقره مواضيع عن التدريب واحاول اطبقه
بس المشكله ان الجرو صار له يومين اكله تغير صار خفيف او صار الجرو نحيف

[Abo_fahed]

وعليكم السلام ورحمه الله وبركاته ،،

شنو نوع كلبك ؟ وجم عمره ؟

هل مكانه مكيف ؟

تعطيه اكل بشكل منتظم وكميات كافيه؟

تلاحظ خروج الديدان في برازه ؟
اعزكم الله يالغاليين

[Ahmed1987]

جيرمن شيبرد ، اربع شهور .
مكيف بس صار لي سبوع مسكر التكيف بس مروحه .
والله بصراحه انه اعطيه الاكل مرتين فليوم الضهر بشكل منتظم بس بليل لا .
بنسبه للدود لا لاني توني مطعمه او قالي الدكتور ماتحتاج .

[Musab Pro]

اوكي كذا نقدر نجيبك بكل اريحيه .

اولا ،، بالنسبه لحجم الكلب يدخل فيه العامل الوراثي بشكل كبير .

يعني حتى الجيرمن شيبرد نفسه له الكثير من بلود لاين .

وكل بلود لاين يتميز بشي ،، مثل الدي دي ار يتميز بقوة عضامه وحجمها الكبير و حجم راسه الكبير .

البلود لاين اللي بالمانيا الغربيه تختلف شوي .

بعض البلود لاين التشيكي يكون اضخم من الدي دي ار ولكن راسه اصغر قليلا ،

وهكذا ..

النقطه الثانيه ،، حتى بالبلود لاين نفسه تجد كلاب اكبر من كلاب وايضا العامل الوراثي هو الاساس هنا .

النقطه الثالثه ،، التغذيه السليمه و ( التوقييييت ) .. اعتقد ان الجرو يحتاج وجبات اكثر من الكلاب البالغه .

لذلك انا انصحك بوضع كمية اقل من الاكل ولكن زيد عدد الوجبات الى ٣ وجبات يوميا منتضمة التوقيت .

النقطه الرابعه ،، الجو المناسب مهم جدا ،، في مثل هذي الايام عندنا في الخبر ما نحتاج التكييف الا

بعض الاحيان في النهار ،، واعتقد جو البحرين ما يفرق كثير . ولكن احرص بالصيف يكون في تكييف .

النقطه الخامسة ،، الرياضه الغييير شااقة مهمه ،، يعني مو صحيح تحبس الجرو يوم كامل بعدين تتوقع

له بناء جسم قوي .. لازم يكون يوميا رياضه خفيفه عشان تحافظ على عضلات الجرو .

اما نمو العضام ماله علاقه مباشرة مع الرياضه .. اكيد الرياضه كويسه للعضام لكن بطريقه غير مباشره .

النقطة السادسه ،، التطعيمات و حبوب الديدان يجب الاستمرار عليها بشكل دوري ولا تهملها ابدا .

لان اذا اهملتها نصف كمية الاكل راح ياكلها الدود ،

النقطه السابعه ،، نضافة المكان و حسن معاملة الكلب تجعل من الكلب سعيد و مرتاح نفسيا .

وهذا بطبيعة الحال يجعل صحته افضل .

اتمنى اني افدتك ولو بالقليل ،،

والشكر موصول للشباب اللي شاركو قبلي وسهلو علي المهمه .

تحياتي للجميع .

[Ahmed1987]

تسلم يا اخوي او ماقصرت

[Ahmed1987]

بو فهد الله ليهينك عندي سؤال بعد
رئة الغنم تصلح للاكل او لا
او اذا عطيت الجرو نوع من الاكل او ماحبته اجوعه واخليه تاكله غصب او اغير له النوع واعطيه النوع الي تحبه وشكراً *

[Abo_fahed]

السلام عليكم ورحمة الله وبركاته ،،

ماقصر مصعب يعطيه العافية

بالنسبة لرئة الغنم بصراحة لم اجربها

ولم اقرء عنها ابداً

يالغالي ليش التعقيد

دام الأكل المعتاد متواجد

وبالنسبة لتغيير الأكل

تفضل شوف ردي بهذا الرابط



http://www.2zoo.com/vb/showpost.php?...97&postcount=2

[Musab Pro]

اخوي بالنسبه للمعلاق كامل ( الرئه والقلب و مكملاتها )

هذا جيد للاكل ،، ويستخدمونه بكثره المزارعين لاطعام كلابهم

ولكن يجب ان يكون مطبوخ ،، لكن مثل ما قال ابو فهد ليش تعقد نفسك

اتبع الرابط حق ابو فهد و امورك طيبة باذن الله .

تحياتي لك .