احـتـــارت نواتي في راحــة وايـتـي

[فارس مجهول]

بسم الله الرحــــمن الرحـــيم

السلام عليكم ورحمــة الله وبركاته

ممكن هذا أول موضوع ينثره قلمي في هذا القسم الرائع ,اليوم موضوعنا او قصتنا طويله

شوي فتحملونا ,وراح أحاول أختصرها ,ربي أكرمني وحصلت على شي نادر وقمة في

الروعه والجمال حصلت قبل شهريــن على فرخ كروان ألبينو من أنتــاج أحد اعضاء المنتدى

واتوقع في هذاك اليوم مافيه احد كان اسعد مني طبعا كان معاي فرخين أحدهم الالبينو

اللي هو تدور حوله قــصـة اليوم(وايتــــي) ,طبعا كلاهم فرخيــن اعمارهم في حدود

40 يوم ,تزود او تقل بأيام ,أنتم عارفين ان الفروخ في هالسن ماتعتمد على نفسها

في الاكل ,قبل مانستكمل هالنقطه تعالوا نشوف وايتــي..


طبعا اصعب شي لما تطعم الطير السيرلاك ويتوصخ اوتتراكم منه طبقات وتهملها

واللي يصعبهــا زود اذا كان لون الطير ابيض او فاتح ,عندي فرخين واكيديبغى لهم

عنايه وتعب ,انا غريت فروخ ببغاوات, قبل كذا لاكن وايتي وتوفي اول فرخين كروان

أمتلكهم , أنا قصـــرت في مسألة التنظيف وترك السيرلاك وعدم الحرص على التنظيف

بعد كل وجبه اول بأول , ونتيجة هالتقصير بدت تظهر طبـــقة ثانيه تحت الفك

راح تشاهدونها في الصوره بلون (بني) , الطير اللي على يميني هو فرخي توفي

والثاني طبعا وايتي ..



لاحظنا كلنا الطبقه الي تكونت ,وحاولت في البدايه اني ازيلها لكن اليئس سيطر

علي وزي مانقول زاد الطين بله ,فازاد حجم الطبقه , واصبحت كفك آخر لوايتي


طبعا الوضع صار أسوء من السئ ,لدرجة ان الناس اللي مايفهمون في الطيــور

أشاروا علي وقالوا لو تركت هالطبقه ومأزلتها راح تسبب تقرحات للطير فهنا

تاه تفكيري ,وظول هالفتره حاولت أزيل هالطبقه سواء باضافة الماء الدافي على الطبقه

لأنا زي مانعرف السيرلاك يتفكك ويذوب في الماء وخصوصا الماء الدافي , اللي مصعب المهمه

أن الطبقه ملتصقه في اللحم بالاضافة إلى ريش الوجه وهنا المنطقه حساسه جدا

قمت بخطوه فيها بعض التهــور وممكن كنت راح اضر الظير بتهوري وهالخطوه كانت عباره عن

عمليه صعب ماء وتحتاج تركيز ودقه واللي يزيدها صعوبه هي لما تكون بوحدك , جهزت الادوات

اللازمه من مقص وقطن وميكراكيون (معقم) .والحمدلله قدرت ازيل هالطبقه لكن ضحينا بريش

الوجه فأصبح وايتي زي مانقول محلق دقنه على الصفر ,نستنج من هالتجربه ان الاهمال

في أي امر من أمور تخص الظائر ممكن تؤدي إلى عواقب لايحمد عقباها واتمنى الكل يستفيد

من هالتجربه ,, أوه تعالوا نسينا وايتي طبعا الحمدلله بعد نجاح العمليه وايتي تغير شكله

180 درجه , وبدى في هالوقت الطيران وهنا صورته فديته ..


طبعا راح تلاحظون ان فيه بعض الدم المتجلط وبقايا المعقم اللي باللون الوردي

ولكن بفضل الله بعد فتره أختفت هذه الآثار وبدى الريش يطلع من جديد على خفيف


طبعا وايتي من زود ولافته وهذا بطبعه لانه فرخ , ماتفرقه عن الحمامه لدرجة ان

الكل لما يناديه بأسمه مايرد عليهم ماعدى انا ,وكنت اطيره زي الحمامه ويرجع لي

وهذا الفديو ووايتي لما اناديه يجيني طيران ..


طبعا بعد ماشفتوا الفديو , مرت الايام ووايتي يكبر يوم بعد يوم وانا سعادتي لاتوصف

وهذي الصوره طالعه فيها روعه ومبينه منابت الريش الجديد


وايتي ممكن كمل شهرين الاشوي, وهو يتدلع مانفطم لكن على ايام عيد الاضحى

بدى شوي شوي يتكرم وياكل من الحب تبعه من زود فرحتي خطيته في علبة الاكل عشان

ياكل براحته ..



في يوم الاربعاء اللي فات وايتي كالعاده يلعب وياكل ومبسوط ومرتاح لكن لاحظة

عليه بعض الاعراض اللي أثارت شكي مثلا كنت لما اطيره يهبط سريعا , واللي

خلاني في حيرة ان الطير ياكل ومبسوط وماعليه غير هالامر فقط , صباح الخميس

صحيت الصباح أشوف الطيور وظبعا وايتي احب اذكر اني كنت اغره مره فقط في اليوم

فوجدت وايتي لسى صاحي من النوم, راح تلاحظون في نهاية هالجزء من موضوعنا

أني راح أوصف كل اللي صار أمامي بدقه ,طلعت فوق أصلي الفجر ولما رجعت للطيور

وجدت وايتي متمدد في ارضية القفص , والطير مشلول اللي جنني انه كان قبل خمس

دقايق في أتم صحه وعافيه ,على ظول خذيته ورحت احاول اني اغره الابره ماتنفع حاليا

لان الطير مره مايتحرك في جسمه كليا الا الرقبه ,فلما جيت اغره ومسحت على رجله

مسك اصبعي وادار رقبته للجهة الآخرى ووايتي لفظ آخر انفاسه بين يدي ,للعلم كنت

راح اكتب موضوع كامل عن تجربتي مع وايتي بنفس هالصياغه لكن كنت انتظر اكتمال ريشه

وأكيد الكل يبغى يعرف ماذا اصاب وايتي توقعاتي ومن خبرتي البسيطه ان وايتي

أصابه مرض السلمونيلا..(مرض خطير يصيب الطيور ومن اهم اعراضه المتقدمه الشلل الذي

يصيب الطائر )

أتمنى الكل أستفاد من تجربتي مع وايتي وان لايقع في هذه الاخطاء اللي ارتكبتـها

دون قصد ..

واخيرا يعجز عقل الانسان الضعيف ان يبصر حكمة الرب العظيم فلربما كانت راحة وايتي في

(ألا يكون )..

[الآسطورهـ]

اخوي عبدالعزيز ,,

انا كنت حاضر لحظه بـ لحظه من يوم شريت وايتي لـ حد ماتوفــىــآ ..!

الصراحه شي محزن فقدان طائر جميل ,, والاصعب انه لفظ آخر انفاسه بين يديك

وكما قلت "يعجز عقل الانسان الضعيف ان يبصر حكمة الرب العظيم فلربما كانت راحة وايتي في آلا يكون"

فكم من طائر جميل فقدناه ,, وحزنّا عليه .. لكن لحكمه لا يعلمها سوا الخالق عز وجل

والله يعوضك بـ طائر افضل من وايتي ..

اخوك عبدالله

[zikas10]

صراحة أحزنني كثيرا هذا الموضوع ..الله يعوضك بأحسن منه..
كنت أود رؤية هذا الموضوع بصياغة أخرى أي أن الطائر كبر بسلام وهكذا ...
لاكن مشيئة الله ...
أشجعك أخي على هذا الموضوع وعلى صراحتك ..
وأكيد راح يتعلم الكل من اخطائك ..
وبالتوفيق..

[beeshoo]

لا اله الا الله ..
وانا من يومين مات لي فرخ كاسكو
وشفته و هو يحتضر لين ماطاح على اسفل القفص ..!! مادريت انه مات من الصدمة الا يوم قالوا لي !!

و يوم اقرى موضوعك شوي وابكي !
خصوصا انه ماسك يدك قبل لا يموت .. الله يصبرك و يعوضك خير ان شاء الله ..
واحزن شعور في العالم لما تكون متعلق في الطير ويجيه الاجل قدااامك ..

لا اله الا الله الموت حق ..


ونصيحة مستقبليه اخي ..
انا اول فرخ كروان شريته حصلتله نفس مشكلة فرخك في طبقة السيرلاك ..
وجربت معه الزيت زيتون .. و جربت معه الموية الدافيه .. و كل شي تقريبا الا اني اقص ريشه ..
وبعد فتره لما تعلم يطير .. صار هو ينظف نفسه بنفسه ..
لما قطع الريش وطلعله غيره تقريبا بعمر 3 شهور ..
وباقيتله كتله صغيرة على جمب قعد لين 4 شهور يمكن و نزلت الريشه بنفسها ولا هو شدها ..
وطلع غيرها و الحمد الله ..
المغزى هو : ان اذا بلشت بالطير ولا عرفت تنظفه خصوصا ان السيرلاك ينشب وييبس بسرعه .. لاتحاول تقص الريش منعا لاحداث الجروح .. و ممكن يدخل فيه بكتيريا ..لاقدر الله ...
وحافظ على نظافته وهو لما يكبر بيتخلص بالتدرج من التكتلات المتيبسه ..

[سامبل تيود]

يعجز عقل الانسان الضعيف ان يبصر حكمة الرب العظيم فلربما كانت راحة وايتي في

(ألا يكون )..

ما أحلى هذه العبارة .. وما أحلى العنوان .. وما أحلاك أنت يا أيها الصديق المخلص ..

[الأسد الملك]

موضوع رائع وبنفس الوقت مؤثر

وهذا البكتيريا تجي من الاكل الملوث اسباب كثيرهـ لكن هذي ابرزها

الله يعوضك بالاحسن

[nani]

الله يصبرك على وفاه وايتي صراحه شي محزن ذكرني بـ الفرخ الغيني حقي مات بنفس الطريقه كان ما يتحرك الا راسه

وما اقول الا الله يوضك بفرخ احسن واحلى

[فارس مجهول]

المشاركة الأصلية كتبت بواسطة الآسطورهـ

اخوي عبدالعزيز ,,

انا كنت حاضر لحظه بـ لحظه من يوم شريت وايتي لـ حد ماتوفــىــآ ..!

الصراحه شي محزن فقدان طائر جميل ,, والاصعب انه لفظ آخر انفاسه بين يديك

وكما قلت "يعجز عقل الانسان الضعيف ان يبصر حكمة الرب العظيم فلربما كانت راحة وايتي في آلا يكون"

فكم من طائر جميل فقدناه ,, وحزنّا عليه .. لكن لحكمه لا يعلمها سوا الخالق عز وجل

والله يعوضك بـ طائر افضل من وايتي ..

اخوك عبدالله

أخوي عبدالله نورت الموضوع بمرورك العطر , لاعدمناك

[فارس مجهول]

المشاركة الأصلية كتبت بواسطة zikas10

صراحة أحزنني كثيرا هذا الموضوع ..الله يعوضك بأحسن منه..
كنت أود رؤية هذا الموضوع بصياغة أخرى أي أن الطائر كبر بسلام وهكذا ...
لاكن مشيئة الله ...
أشجعك أخي على هذا الموضوع وعلى صراحتك ..
وأكيد راح يتعلم الكل من اخطائك ..
وبالتوفيق..

كل شئ مقدر ومكتـــوب وانا كنت احسب الايام حتى اشوف وايتي

يكتمل ريشه وانزل الموضوع لكن بنهاية وسيناريو مختلف لكن

الحمدلله على كل حال , واشكرك على مرورك نورت الموضوع

[فارس مجهول]

المشاركة الأصلية كتبت بواسطة beeshoo

لا اله الا الله ..
وانا من يومين مات لي فرخ كاسكو
وشفته و هو يحتضر لين ماطاح على اسفل القفص ..!! مادريت انه مات من الصدمة الا يوم قالوا لي !!

و يوم اقرى موضوعك شوي وابكي !
خصوصا انه ماسك يدك قبل لا يموت .. الله يصبرك و يعوضك خير ان شاء الله ..
واحزن شعور في العالم لما تكون متعلق في الطير ويجيه الاجل قدااامك ..

لا اله الا الله الموت حق ..


ونصيحة مستقبليه اخي ..
انا اول فرخ كروان شريته حصلتله نفس مشكلة فرخك في طبقة السيرلاك ..
وجربت معه الزيت زيتون .. و جربت معه الموية الدافيه .. و كل شي تقريبا الا اني اقص ريشه ..
وبعد فتره لما تعلم يطير .. صار هو ينظف نفسه بنفسه ..
لما قطع الريش وطلعله غيره تقريبا بعمر 3 شهور ..
وباقيتله كتله صغيرة على جمب قعد لين 4 شهور يمكن و نزلت الريشه بنفسها ولا هو شدها ..
وطلع غيرها و الحمد الله ..
المغزى هو : ان اذا بلشت بالطير ولا عرفت تنظفه خصوصا ان السيرلاك ينشب وييبس بسرعه .. لاتحاول تقص الريش منعا لاحداث الجروح .. و ممكن يدخل فيه بكتيريا ..لاقدر الله ...
وحافظ على نظافته وهو لما يكبر بيتخلص بالتدرج من التكتلات المتيبسه ..

الله يعوضك باللي أحســـــن منه بالنسبه لنتف الريش انا كنت مجبر ومافيه أي حل آخر

لان الوضع حساس والطبقه كان تحت الفك , لو على الريش سهله لكن الفك اللي تكون

زاد الوضع سوء لكن قدرنا نتجاوز هالتجربه ,ونتعلم منها واتمنى الكل أستـــفاد