كوكو يعرفكم إلى نفسه

[the-gray]

السلام عليكم ورحمه الله وبركاته
هذا كوكو طيري الكاسكو له عندي تقريبا شهر
عيونه اصفر فاتح ولو بعدت شوي تشوفها بيضاء
حسب كلام البائع بداية صفار وعمره تقريبا سنة وشهر شهرين
بس انا اللي اعرفه انه بداية الصفار يكون عمره سنة ونص او اكثر <<<<لا يهمك العمر
بس صحته ماشاء الله ممتازه وحجمه جامبو
اول ما اشتريته كان يجعر وخايف وحالته حاله
تركته ثلاث ايام يرتاح ويشوف الوضع الجديد<<<<<حق الضيافه ههههههه
وما كمل الأسبوع الأول إلا هو على يدي والأسبوع الثاني وانا امسح عليه والآن ترك الجعير
الآن انا القنه اسمه كوكو وكأني سمعتها منه بس مو واضحه
واللي في البيت يقول ما سمعنا منه شىء<<<<<وسوس

المشكله انه مايصفر ويشكل إلا الصبح اول ما يصحى يتشقلب في القفص <<<<<تمارين الصباح
وبعدين يصفر لمدة ربع إلى نصف ساعة وباقي اليوم واقف على المجثم تقول صنم
رحت لراعي المحل وكلمته (شكله عنده خبره) قال شىء طبيعي لا انه مصيود ومر بمراحل قاسية من الصيد والشحن .......إلخ
المهم ماراح اطول عليكم بس اللي يعرف حل لمشكلتي لا يبخل علينا وهذه الصور
هذا كوكو ومعاه ريمو (الكروان) ملقوف






ومعليش الصور غير واضحة في الطبيعة عينه افتح من كذا