أستفسارات عن استحمام القطط

[h_fares el nour]

السلام عليكم ورحمة الله وبركاته

انا عاوز اعرف اسهل طريقة لاستحمام القطط لان فيه طرق معقدة جدا باقراها وبتتعبني قوي وطبعا صعب استعمالها لان قططي يعتبروا بلدي (( بالرغم من ان امهم شيرازي )) ومش بيحبوا الاستحمام وبيعملوا شوية مشاكل

وياريت تردوا على استفساراتي ..

1- كيف اهيئ القطط للاستحمام ؟؟ وكيف احببهم في الاستحمام ؟؟

2- كم مرة انظف القطط في الاسبوع ؟؟

3- كم مدة الاستحمام في المرة الواحدة ؟؟

4- ماهي طريقة تسريح (( تمشيط )) شعر القطط ؟؟ هم شعرهم قصير .. وكم مرة اسرح شعرهم ؟؟

ولو فيه اي نصائح عن استحمام القطط ياريت تقولوها لي


منتظر ردودكم ..

[ULTRAS DEVILS07]

1 - كيف تهئ القطط لللاستحمـامـ !!! وكيف تحببهم فى الاستحمـامـ
جـ1 : أولآ : خذ القطة ع المكـان الى بتحميهـا فيـة
: ثانيأ: بعد ما تأخذها رش عليها بالمياة والصابون بس لا تقرب عند وشهـا حتى لا تتعصب
: ثالثأ: بعد ما ترش عليها المياة والصابون أعطيها قطعة من الأكل أو الشء الذى تحبة
-------------------------------------------------------------
2- كم مدة الاستحمام في المرة الواحدة ؟؟
لا يوجد مدة الأستحمـام فقط عندما تقوم من الانتهاء من الاستحماء قم بتنشيفهـا بقطعـة من القمـاش
-------------------------------------------------------------
4- ماهي طريقة تسريح (( تمشيط )) شعر القطط ؟؟ هم شعرهم قصير .. وكم مرة اسرح شعرهم ؟؟
جـ1 : بعد ما شعـر القطة ينشـف . قم بالتمشيط
جـ2 : سرح شعرهم مرتين بعد الاستحمام
-------------------------------------------------------------
2- كم مرة انظف القطط في الاسبوع ؟؟
جـ4 : 4 مرات فى الاسبوع
-------------------------------------------------------------

[شاهستا]

السلام عليكم ورحمة الله وبركاته

وعليكم السلام ورحمه الله

انا عاوز اعرف اسهل طريقة لاستحمام القطط لان فيه طرق معقدة جدا باقراها وبتتعبني قوي وطبعا صعب استعمالها لان قططي يعتبروا بلدي (( بالرغم من ان امهم شيرازي )) ومش بيحبوا الاستحمام وبيعملوا شوية مشاكل
وياريت تردوا على استفساراتي ..

فى طريقه سهله جدا ودى الى انا بستخدمها مع قطططى
وهى هتقعد القطه فى الحوض او على كرسى حتى
وتفتح الدش وتبلهم كويس وبعدين تجيب شامبو جونسون لاطفال وتدعكهم بايدك والشامبو وبعد كدة هتنزل الشامبو من عليهم وتنشفهم كويس وبس كدة


1- كيف اهيئ القطط للاستحمام ؟؟ وكيف احببهم في الاستحمام ؟؟

مفيش قطط بتحب المايه كلهم بيكرهوا المايه

2- كم مرة انظف القطط في الاسبوع ؟؟

نظف ليهم ودانهم وعنيهم لكن الاستحمام مره او مرتين كل شهر

3- كم مدة الاستحمام في المرة الواحدة ؟؟

مش عارفه

4- ماهي طريقة تسريح (( تمشيط )) شعر القطط ؟؟ هم شعرهم قصير .. وكم مرة اسرح شعرهم ؟؟

مشط سنانه صغيره او مشط خاص بالقطط وسرح ليهم شعرهم
ومادام شععرهم قصير مره كل يومين كويس

ولو فيه اي نصائح عن استحمام القطط ياريت تقولوها لي


منتظر ردودكم ..

[ULTRAS DEVILS07]

((شاهستا)) مرتين فى الشهـر ؟!!!
دول كدة يبقـوا جربانين

[شاهستا]

لا مش جربانين ولا حاجه
اصلا مفروض مره واحده بس لان كثره الاستحمام بيضعف الشعر
وبيزيل من عليه الطبقه الدهنينه الى بتحميه

[MAMAMy]

المشاركة الأصلية كتبت بواسطة h_fares el nour

السلام عليكم ورحمة الله وبركاته

انا عاوز اعرف اسهل طريقة لاستحمام القطط لان فيه طرق معقدة جدا باقراها وبتتعبني قوي وطبعا صعب استعمالها لان قططي يعتبروا بلدي (( بالرغم من ان امهم شيرازي )) ومش بيحبوا الاستحمام وبيعملوا شوية مشاكل

وياريت تردوا على استفساراتي ..

1- كيف اهيئ القطط للاستحمام ؟؟ وكيف احببهم في الاستحمام ؟؟

هتحتاجي احد يساعدك فس الاستحمام
اولا : تشيلي القط تضعيه في الحوض و امسكيه من رقبته علشان يهدئ
ثانيا: افتحي خط ماء صغير دافئ و بلي جسمه جيدا و حطي شامبو جونسون للأطفال
ثالثا : اشطفيه و هاتي فوطه دفيه بيها و وديه على غرفه دافئه و نشفيه بالسشوار كويس

2- كم مرة انظف القطط في الاسبوع ؟؟

زي ما قالت شاهستا مرتين في الشهر
لو حاسه انه مش نضيف ممكن تنضفيه بالدراي كلين

3- كم مدة الاستحمام في المرة الواحدة ؟؟

سؤال غريب لما تخلصي هيخلص الوقت

4- ماهي طريقة تسريح (( تمشيط )) شعر القطط ؟؟ هم شعرهم قصير .. وكم مرة اسرح شعرهم ؟؟

لما تبقي فاضيه لأن شعرهم قصير يعني بيعقد نادرااااا

ولو فيه اي نصائح عن استحمام القطط ياريت تقولوها لي

لما تحميه اعطيه اكل بيحبه (دراي فوود ) علشان يحب الاستحمام

منتظر ردودكم ..

..........

[شاهستا]

ونسيت اقولك لما تيجى تغسل راسها لازم تقفل ودانها بايديك

يعنى ميل ودانها لقدام بايديك عشان المايه متدخلش جواها

[h_fares el nour]

الف شكر لردودكم

انا حميتهم من يومين قبل مااحط الموضوع والنهاردة اشتريت شامبو جونسون للاطفال بكرة هاستخدمه في استحمامهم لاني حسيت ان المية والخل وحدهم مش كفاية في نظافتهم

وكمان عندي استفسار ..

بالنسبة لليتر بوكس

ينفع استخدم فيه الرمل العادي (( رمل البناء ))او نشارة الخشب ؟؟ لان مافيش في بلدنا الرمل المخصص

وكيف اتخلص من الرائحة ؟؟ وكم مدة استخدام الرمل ؟؟ يعني اغير الرمل كل كام ؟؟


منتظر ردودكم ..

[MAMAMy]

ماشي لو مفيش رمل مخصص
بس تأكدي انه مفهوش نمل او اي حشرات ونضيف
يعني امسكيه افرديه على طاوله فترة لحد ما يهرب كل النمل
و بعدها ضعيه بداخل جردل ماء بالبيتادين علشان يطهر بعدها افردبه على طاوله ينشف
و ضعيه ليهم
اما عن التخلص من الرائحه ضعي كميه رمل كتير
و نضفي الرمل من كل التكتلات مرتين يوميا بالجروف
و غيري الرمل تماما كل خمس ايام او كل اسبوع

[h_fares el nour]

الف شكر لردك وبالنسبة للرمل هو اصلا موجود في الشمس يعني مافيهوش حشرات ونظيف

شكرا