هامستري مات ومو عارفه السبب ساعدوني

[عاشقة قطوتها]

سلااام ..

انا عندي هامسترين اخوي لما اشتراهم لي قالي انهم ذكر وانثى المهم وانا من خلال بحثي بالنت اكتشفت انهم نوع سوري ..

كانوا ف البدايه هاديين ويلعبون مع بعض وكذا وجت فتره لما يقابلون وجه بعض يتضاربون مضاربه خفيفه مع صوت صراخ شوي ويهدون بس ف نهاااااية الايام صارت مضاربتهم كثيره وصوتهم اعلى وانا كل ماشوفهم احاول افرق بينهم اني اضرب القفص وكذا ويفترقون بس المشكله اكون قلقانه لما انااام انهم يتضاربون ..

جا يوم من الايام طبعا تعرفون الجوو مرره بارد هالفتره فجبت لهم علبة حق شوربة كويكر وحطيت جوتها قطن وهم كملوو وسوو عش ..

وجا اليوم المشؤم رحت اتطمن عليهم واعطيهم اكل واشوف خلصوا المويه ولا لا لاحظت ان واحد منهم بس الي يطلع والثاني لا قلت يمكن بردااان دخلت ايدي جوة القفص وحركت العلبه بس ماطلع المهم اليوم الثاني شميت ريحه ابدا مو كويسه جهة القفص ولما حاولت ابحث عن المصدر اكتشفت ان الهامستر ميت وشكله له يومين عشان كذا طلعت ريحته الله لايوريكم جلست ابكي عليه لاني جد مقهووووره ليه مات مع العلم انه ماكان يعاني من شيء ولا بانت عليه اعراض كان جدا طبيعي وكان ياكل ويشرب زين وفيه شيء استغربت منه اني لما جيت انظف القفص لقيت الهامستر الميت بره العش الي هم دايم فيه واحسه كان مغطي بالقش ؟؟؟

تتوقعون وش السبب وهل ممكن القتال الي بينهم يسوي كذا ؟؟؟

ملاحظه / انا مربيه قطه زي ماتعرفون وانا حاميه القفص منها مغطيته بقماش ومخليه لهم فتحه للنفس قريت هالحركه ف منتدى يقولون عشان يحمي الهامستر من البرد تتوقعون قطوتي مممكن تكون اذته ؟؟؟


ادري طولت عليكم بس جددد مررره حزينه عليه وابي اراء الخبراااء

[صائب]

صارت معي من 4 سنوات
99% قتلها الذكر , خصوصا اذا كان اكبر منها حجما

[هكذا اذن]

بسبب القتال
شوفي يوم تصير ضرابه المفروض ينفصلو عن بعد فتره ويردون ، او ينحط بينهم حاجز لانهم مو متعودين على بعض .
والعمر مهم ، اذا الانثى وايد صغيره او الذكر لازم واحد منهم يروح في القتال .

وهذا هو عالم الحيوان ، البقاء للاقوى .

[رعوود]

اختي عاشقة قطوتها

غالبا السبب المضاربة

الهامستر السوري عدواني مع غيره

وما يجمع الا الذكر والنثية وقت التزاوج

وبعد الحمل يفصلون

وماتوقع ابدا القطة لها دخل بالموضوع

لان لو اهي اللي فتحت عليه بتحصلي المكان انحاس وقابلته فوق تحت

ربي يعوضك

[عاشقة قطوتها]

مشكوووووووووووووورين والللله ي احلى اعضااء جد ريحتوووووني الله يريح قلوبكم قولوا اامين ..الله يعوضني بغيره انشاء الله بس حاليا الي باقي احسه فرحان انه وحيد يلعب ويتشقلب ..الظاهر ان وجوده لحاله افضل .كل الي ردو علي الله يسعدكم ومايحرمكم من الاجر