تربية جرو صغير

[The Vix]

السلام عليكم

عندي جرو عمره 50 يوم بعد التطعيم بقى بيرجع و مش بياكل و بعد ما ابتدى ياكل و بقى كويس لاقيت في الحمام بتاعه شريطة طويلة بتاع 10 سم تقريبا أخويا قالي انها ديدان اسطوانية و شفناها عالنت

بديله بندكس شراب أطفال بالسرنجة النهارده تالت يوم . و أنا بيدهوله من نفسي عشان مش عارفة أوصل للدكتور بتاعه .. فالمفروض أكمل الزجاجة و لا أوقفه بعد اليوم التالت ؟؟ أنا عايزة حل كويس عشان أقضي عالديدان دي خاالص من بطنه .. انا بأكله أكل نضيف لدرجة ان ممكن أذوقه قبل ما أحطه له و كمان بغسل حاجاته بالصابون
بس من ساعة ما عرفت ان عنده ديدان بقيت بنيمه لوحده لانه كان بينام معايا في السرير و بالأخص عالمخدة فخفت انه يكون بيعدي ولا حاجة و دلوقتي فرشاله الحمام و مظبطاه و هو زعلان انه بينام لوحده و مازال شايف ان أوضتي هي بيته و ان مكان نومه السرير لان من و هو عمره 20 يوم و هو عندي

هو خاسس و بطنه منتفخة شوية و فيها غازات و شعره مطفي خالص مش زي ما كان صغير .. فعايزة حل

و كمان عايزة نظام غذائي له يكون مغذي و يساعده عالنمو و تكون تكلفته صغيرة لان عندي كلب جيرمن كبير فالاتنين تكلفتهم عالية شوية

و عايزة أعرف أعوده على الكلب الكبير لانه بيخاف منه و بيجري و في نفس الوقت التاني اوقات بيزمجر عليه و عايزاه يبطل عضعضة لانه خرشملي ايدي

و عايزة طريقة سهلة و سريعة أعلمه بيها مكان الحمام عشان ميبهدلش البيت

و كمان امته المفروض أبدأ تدريبات الطاعة معاه ؟

أنا في فترة امتحانات فعايزة حلول منجزة و سهلة

و شكرا مقدما

[naders208]

لو تعرفي صيدلية بيطرية اشتري منها حبوب الديدان, هي حباية لكل 10 كجم من وزن الجرو, بالنسبة للنظام الغذائي كتري الحاجات الي فيها كالسيوم عشان الاسنان و العظم بس بلاش لبن كتير عشان الاسهال, لو تقدري تتجيبي دراي فود يكون افضل, المفروض الجرو في عمر 50 يوم ياكل 4 او خمس وجبات, ممكن يكون رز و خضار و بيض و جبنة نستو و لحمة مفرومة. تدريبات الطاعة لو الكلب استيعابه كويس زي الجيرمن شيبيرد بتكون من سن 3 شهور في انواع تانية تدريبات الطاعة بتتأخر شوية, بالنسبة لموضوع الحمام خليكي صبورة معاه شوية, بعد ما ياكل خديه علي المكان الي عايزاه يعمل فيه حمام و خليكي معاه لحد ما يعمل و لو عمل شجعيه, ممكن تحطي ورق جرايد او رمل و منديل فيه الفضلات بتاعته في المكان الي عايزاه يعمل فيه