إستفسار عن قطط بعمر3 أسابيع

[lorelored]

السلام عليكم ورحمة الله وبركاته
أنا حصلت قي الشارع ثلاث قطط صغيرة عمرها ثلاث أسابيع لكن واجهت صعوبة في إرضاعهم موراضيين يرضعوا غير بالقوة وعنيدين مره وعلى طول يناموا مايصحوا غير يمكن ربع ساعه بعد نوم طويل وعيونهم لسا مافتحت ويخرج منها سائل أبيض اللون وملصقة وواحد منهم عيونه شوي كبيره عن خوانه وكلهم مقفلة عيونهم وكمان لاحظت فيهم فطريات لكن شعرهم ماشاء الله تبارك الله مرره كثير وطويل (فرو) ولاحظت عند تمسيح مؤخرتهم خروج دم مع البول و البراز سائل و طول الوقت يصرخوا إلا قليل إلين مايغطوا في النوم و قريت عنهم إنه في هذا السن يبدئون يكلون وقريت إنه أكلهم جبن مثلث وتونة وكذا ولمني جيت بأكلهم موراضيين!! يشموها ويتحمسون وعلى طول يمشوا يحسبون إن ريحة الجبن إنها حليب من أمهم ويمصون يدي ولمني أرضعهم مايبغوا يرضعوا إلا بصعوبة ولكن أول ماأحطها في فمهم غصب عنهم يرضعوا صح لكن قليل ووقت الرضاعه أحيانا يحركوا راسهم ويخلوا الرضاعة ماتثبت في فمهم
و حطيتلهم تونه ونفسهم ياكلوها بس مايعرفون ياكلون عدموا نفسهم ووجههم إمتلى جبن مثلث غير أرجع أمسحهم ثاني طول الوقت!
الأسئلة:
1-هل صح يبدأون ياكلون بهالوقت؟ وإذا كان صح فإيش أعطيهم؟
2- إيش السبب إنهم ماياكلون؟
3- ماسبب خروج الدم مع البول والبراز ولماذا البراز أحيانا سائل؟
4-أهم سؤال:هل أشربهم ماء أم الحليب يكفي؟مع العلم إني ماشربتهم قبل كذا ماء بس حليب.
5-عيونهم ليش كذا ومتى تفتح وهل هذا طبيعي أم مرض وكيف أتصرف معاهم في هذي الحاله؟
أعرف إني زودت الأسئلة شوي لكن سامحوني فمالي بعد الله غيركم سامحوني فهذا شهر الغفران رمضان

[فاتـــو]

1-هل صح يبدأون ياكلون بهالوقت؟ وإذا كان صح فإيش أعطيهم؟
لا انتظري اسبوع كمان
2- إيش السبب إنهم ماياكلون؟
لانهم لسه صغار وعندي طريقه بسيطه لعمل رضاعه
المطلوب اسفنجه وجه وعلبه قطره مغسوله

3- ماسبب خروج الدم مع البول والبراز ولماذا البراز أحيانا سائل؟
هم اكيد عندهم ديدان بس العلاج مايصلح الا لما يتموا الشهرين
4-أهم سؤال:هل أشربهم ماء أم الحليب يكفي؟مع العلم إني ماشربتهم قبل كذا ماء بس حليب.
لا الحليب يكفي اكيد بس خففيه لانه يسبب الاسهال
5-عيونهم ليش كذا ومتى تفتح وهل هذا طبيعي أم مرض وكيف أتصرف معاهم في هذي الحاله؟
اكيد هذا مو طبيعي مسحي عيونهم بقطنه مبلله وكرري العمليه بهدوء لين تفتح ينهم وبعدين جيبي قطره بروزلين ومرهم تراميسين بتحطين نقطه في كل عين وبعد ٥ دقايق تحطين المرهم
أعرف إني زودت الأسئلة شوي لكن سامحوني فمالي بعد الله غيركم سامحوني فهذا شهر الغفران رمضان
ولا يهمك حبيبتي

[lorelored]

الله يجزاك ألف خير يافاتو على ردك ماقصرتي ياقلبي يعطيك العافية.