منتديات تو زوو متخصصون في عالم الحيوان وتربية المخلوقات الجميلة ويضم منتدانا أكبر وأروع تجمع لهواة تربية الحيوانات والطيور والأسماك والأحياء المائية والزواحف والبرمائيات ولمتابعي تحركات الحشرات والمفصليات ولمحبي الزراعة والعناية بالنباتات كما نوفر لكم من خلال سوق تو زوو الالكتروني الكبير عرض سلعكم بالمجان وبعد ذلك كله تستريحون في استراحة الهواة متمنين لكم طيب الاقامة لدينا


تابعنا على تويتر تابعونا على فيسبوك العضو المميز
تحميل تطبيق توزوو على Ios تحميل تطبيق توزوو على Android

اشترك في نشرتنا البريدية ليصلك كل جديد


العودة   منتديات تو زوو > :::: منتدى هواة الطيور :::: > قسم هواة الببغاوات > سؤال وجواب لقسم هواة الببغاوات

موضوع مغلق
 
أدوات الموضوع إبحث في الموضوع طرق مشاهدة الموضوع
قديم 20-06-2012, 06:48 PM   #1
عباس عبدالحي
هاوي جديد







69 مناقشه حول الكاسكو تبعي

السلام عليكم و رحمة الله وبركاته

كيف الحال أخواني.. أنا اشتريت كاسكو افريقي تقريباً من 3 أشهر علماً إنه أول ببغاء من هالنوع أشتريه لأني كنت أربي الكروان وطيور الحب فقط .. بما أني مبتدئ فيها تابعت هذا المنتدى ومشاركات الأخوه اللي أكن لهم كل الشكر على اللي يقدموه وبفضل الله وبمتابعة مواضيعكم والأسئله تقدمت في تربيته وقدرت :

1- قدرت أخلي الطير ياكل من إيدي.
2- قدرت أخليه يسمح لي بالمسح على منقاره.
3- قدرت إني أمسح عليه لكن مع بعض المناوشات منه بإستثناء الرأس ما يرضى أقرب له بتاتاً.
4-قدرت أخلي الطير يركب على إيدي .

ولكن في صعوبات تواجهني وحاب أتناقش وياكم فيها ونستفيد من خبراتكم .

الطير إلى الآن ما تكلم ولا لقط ولا كلمه صغيره مع إني ظليت لمدة أسبوع تقريباً قبل ما ينام أخليه بروحه و أسجل له صوتي وأردد عليه كلمه بسيطه مثل "ألو" وأخلي اللابتوب يكررها عليه لفتره معينه . بس ما شفت أي نتيجه

طبعاً الطير أول ما شريته كان يخاف مني لأن قص جناحه وأنا جنبه غير هذا كنت مستعجل عليه شوي فصارت بيني وبينه علاقه مضطربه للأسف

وما كان يصفر ولا ينطق بأي صوت إلا نادراً,بعدها بشهر صار يتحفنا بتغريداته ابتداءاً من الصباح فقط وتطور الوضع وصرنا نسمعه يغرد ويسوي حركات في أوقات مختلفه حتى لو أحد موجود معاه و حتى لما يكون على إيدي يغرد وسوي حركات وأصوات .

أنا طبعاً مو مستعجل على النطق ..أنا ودي يركب على إيدي مباشره ويقبل أمسح عليه بدون أي مشاكل

لأني مجرد أقرب له ينفخ نفسه ويجعر خفيف وأحياناً لا ما يسوي شي أحسه مزاجي

وإذا ركب على إيدي كأنه راكب على إيد شخص ثاني ما يجعر ولا يخاف ويغرد

طبعاً أنا أجيب له عصا يركب عليها وبس يركب عليها تلقائياً هو يمشي من عليها ويجي على إيدي

بس يوم عن يوم من أجيب له العصا يركب عليها يتعبني بشكل كبير يهرب وما يرضى يركب عليها وأقعد أتحايل عليه ولا ينفع أجي له يمين يجي لي يسار ويراوغ ويناور وبعد جهد جهيد يركب مرغم عنه ويجي على إيدي على طول..

قلت يمكن ما يحب العصا وبما أني متعود على العض تبعه لأن ما قصر في إيدي شوهها من كل جهة

والآن ما يعضني بقوه إلا لما يحسني مصر إنه يسوي الشي اللي أبغاه وإلا العاده بس يمسكني بمنقاره ويتذوق صبعي ويلعب

المهم قلت خلني أمد له إيدي ويركب عليها وياريتني ما سويت , شتر إيدي من كل صوب ما قبل يركب لأني قمت اوديها على رجله بس ما عضني على طول إلا لما شاف ما مني فايده وعضني

هذا غير المسح صار ما يقبل أمسح عليه دائماً وأنا أبغاه بطبيعة الحال دوم يرضى

أحسه مزاجي و ينسى اللي أعلمه إياه ..كل ما أتقرب منه وأتعب وياه ولا كأني سويت شي يوم يصير حلو ويوم أبد ما يصير حلو

طبعاً أنا مو من النوع اللي مستعد أقابله 3 ساعات أو ساعتين يعني أنا حاطه على الستاند دائماً هو حر وبرا القفص وماخذ راحته وفي اليوم أجي له بفترات و أحاول أعلمه وطبعاً مثل ما قريت إنه يكون له بفتره محدده أدربه أفضل ..فصرت تقريباً العصر أجي و أدربه وكل ماسوى شي طيب عطيته مكافأه من الأكل اللي يحبه

فأحب نستفيد من خبراتكم بخصوص إن أخليه يركب على إيدي مباشره برضاه
ويخلني أمسح عليه بدون ما يعض

وإلا ضروري أقعد معاه 2-3 ساعات أقابل وجهه عشان تتكون بينا صداقه
عباس عبدالحي غير متصل  
قديم 20-06-2012, 10:01 PM   #2
عبدالعزيز14
موقوف







رد: مناقشه حول الكاسكو تبعي

كم عمر طيرك
علشان توضح لك مسأله ليش ماتكلم
عبدالعزيز14 غير متصل  
قديم 20-06-2012, 10:42 PM   #3
صاحب رأي
هاوي فعال
 
الصورة الرمزية صاحب رأي







رد: مناقشه حول الكاسكو تبعي

مبارك عليك طائرك ومجهودك معاه

طائر الكاسكو شديد الحذر فيجب عليك التمهيد له حتى لا يقلق

كما أنه لايجب عليك مفاجئته بحركات سريعة خاطفة حتى يطمئن

وبعد ذلك أجعل مكوثه على يدك مميز له بحيث مثلا تمنع عنه الفول

السوداني و لا تعطيه إياه إلا وهو على يدك . وكذلك التلقين حاول إنك تغير

الطريقة وتلقنه أنت بنفسك والله يوفقك
__________________
صاحب رأي غير متصل  
قديم 21-06-2012, 10:27 AM   #4
عباس عبدالحي
هاوي جديد







رد: مناقشه حول الكاسكو تبعي

السلام عليكم و رحمة الله وبركاته

مشكورين إخواني على الردود الله يعطيكم العافيه

اقتباس:
كم عمر طيرك
علشان توضح لك مسأله ليش ماتكلم
هلا أخوي

أنا لما شريته ما اهتميت لمسألة العمر كثير بس البائع قال لي عمره 7 شهور تقريباً بس انا ما كنت مقتنع إن عمره 7 شهور لكن أخذته وهذي صور له و عرضته على شخصين يربوا من هالنوع وقالوا لي صغير

لا إله إلا الله
http://store2.up-00.com/June12/Qmk63484.jpg
http://store2.up-00.com/June12/M6G63484.jpg

اقتباس:
مبارك عليك طائرك ومجهودك معاه

طائر الكاسكو شديد الحذر فيجب عليك التمهيد له حتى لا يقلق

كما أنه لايجب عليك مفاجئته بحركات سريعة خاطفة حتى يطمئن

وبعد ذلك أجعل مكوثه على يدك مميز له بحيث مثلا تمنع عنه الفول

السوداني و لا تعطيه إياه إلا وهو على يدك . وكذلك التلقين حاول إنك تغير

الطريقة وتلقنه أنت بنفسك والله يوفقك
الله يبارك بعمرك أخوي ويعطيك العافيه

أعجبتني الفكره جداً وإن شاء الله من اليوم ما راح ياكله إلا على إيدي

وبالنسبه للتلقين إن شاء الله راح ألقنه بنفسي بس كم مدة التكرار أو الوقت

وقواكم الله والمعذره إذا كثرت عليكم بلأسئله
عباس عبدالحي غير متصل  
قديم 21-06-2012, 08:28 PM   #5
biak23
هاوي جديد







رد: مناقشه حول الكاسكو تبعي

لست خبير فببغائي الأول مات قبل كم يوم بعد أن مكث عندي شهر فقط
لكن بالنسبة للعمر طيرك عمره أكثر من سنه والله أعلم
biak23 غير متصل  
قديم 21-06-2012, 09:19 PM   #6
Arashi
هاوي نشيط
 
الصورة الرمزية Arashi







رد: مناقشه حول الكاسكو تبعي

اقتباس:
أحسه مزاجي و ينسى اللي أعلمه إياه ..كل ما أتقرب منه وأتعب وياه ولا كأني سويت شي يوم يصير حلو ويوم أبد ما يصير حلو
كل اللي دربتهم جذي...اول شي يجوني مسالمين ويحبوني وبعد كم يوم يرووني العين الحمره
لكن بعدها تتكون علاقه أفضل من اللقاء الاول...هم أتوقع يكرهون الشخص اللي يجابلهم وايد ويحسونه مزعج لكن لما يعرفون انه يهتم فيهم يحبونه ...في حركه نفعت مع كل الطيور حتى الحمام البري اللي مايتروض: هي انك تحطه على يدك وتجيب منقاره تحت الرقبه (عشان لا يتحرك) وتحضنه خفيف وتمسح على راسه...او اذا كان يعض ممكن تسوي نفس الطريقه لكن بوضع الببغاء على رجليك وانت جالس وتثبت منقاره صوب البطن (عاد البس قميص متين ) حط يد على ظهره واليد الثانيه امسحها على راسه...شوي شوي يتخدر ويكون تحت سيطرتك..حتى بتلاحظه يرفع راسه ويعطيك نظرات بريئه مثل هذا



المسأله بتاخذ وقت من 3-7 ايام...بس لا تعوده عالدلع وايد ترى يصير مدمن وتجيه حاله نفسيه << اسأل مجرب .__.

جرب حتى التجويع...ما تعطيه اكل كم ساعه وعقب تأكله بيدك وبس...كم يوم ويحب يدك مايعضها...وانصح انك ماتروضه بسرعه عشان لا يتعلق فيك بزياده لأن مب زين
Arashi غير متصل  
قديم 22-06-2012, 02:40 PM   #7
بلاك بيري
عضو ماسي
 
الصورة الرمزية بلاك بيري







رد: مناقشه حول الكاسكو تبعي

ما قصروا الأخوان
__________________
بلاك بيري غير متصل  
قديم 22-06-2012, 03:33 PM   #8
عباس عبدالحي
هاوي جديد







رد: مناقشه حول الكاسكو تبعي

اقتباس:
المشاركة الأصلية كتبت بواسطة biak23 مشاهدة المشاركة
لست خبير فببغائي الأول مات قبل كم يوم بعد أن مكث عندي شهر فقط
لكن بالنسبة للعمر طيرك عمره أكثر من سنه والله أعلم
الله يعوض عليك بواحد أحسن منه يارب ..
مشكور على المداخله عزيزي

اقتباس:
المشاركة الأصلية كتبت بواسطة Arashi مشاهدة المشاركة
كل اللي دربتهم جذي...اول شي يجوني مسالمين ويحبوني وبعد كم يوم يرووني العين الحمره
لكن بعدها تتكون علاقه أفضل من اللقاء الاول...هم أتوقع يكرهون الشخص اللي يجابلهم وايد ويحسونه مزعج لكن لما يعرفون انه يهتم فيهم يحبونه ...في حركه نفعت مع كل الطيور حتى الحمام البري اللي مايتروض: هي انك تحطه على يدك وتجيب منقاره تحت الرقبه (عشان لا يتحرك) وتحضنه خفيف وتمسح على راسه...او اذا كان يعض ممكن تسوي نفس الطريقه لكن بوضع الببغاء على رجليك وانت جالس وتثبت منقاره صوب البطن (عاد البس قميص متين ) حط يد على ظهره واليد الثانيه امسحها على راسه...شوي شوي يتخدر ويكون تحت سيطرتك..حتى بتلاحظه يرفع راسه ويعطيك نظرات بريئه مثل هذا



المسأله بتاخذ وقت من 3-7 ايام...بس لا تعوده عالدلع وايد ترى يصير مدمن وتجيه حاله نفسيه << اسأل مجرب .__.

جرب حتى التجويع...ما تعطيه اكل كم ساعه وعقب تأكله بيدك وبس...كم يوم ويحب يدك مايعضها...وانصح انك ماتروضه بسرعه عشان لا يتعلق فيك بزياده لأن مب زين
هههههههه عجبتني النظرات ..تسلم عزيزي على هالمشاركه الطيبه والمفيده

إن شاء الله راح أطبق الطرق اللي قلت لي عليها وأظن الطريقه الأولى تنجح بإذن الله ولا نحتاج لتثبيت على البطن لأني مو ناقص يوصل لبطني كفايه إيدي هههههههههه لأن هو ما يعض فيني إلا لما يمل من لمسي فيه أو إني ألمسه بأماكن جديده ما كنت أمسكها فيه مثل راسه و أطراف جناحه .. الله يعطيك ألف عافيه ويوفقك لكل خير أخوي
اقتباس:
المشاركة الأصلية كتبت بواسطة بلاك بيري مشاهدة المشاركة
ما قصروا الأخوان
يا هلا بيك أخوي نورت ومنكم نستفيد إن شاء الله.


وحبيت أسأل أخواني بخصوص الصعود على اليد أو العصا في طريقه حلوه أخليه يركب على طول؟

لأن يوم عن يوم صار من يشوف العصا يهرب ويتفنن في الهروب منها وصراحه ما أقدر أتحايل عليه إلا بصعوبه يقعد يفتر على عصاته بحيث ما يخليني أقربها جنب رجله و أرفعه وجربت أحط العصا قدام منقاره و صدره بس مافي أي تجاوب .. لما جربت إيدي ما قصر فيها وعطاني المقسوم
عباس عبدالحي غير متصل  
قديم 22-06-2012, 07:19 PM   #9
بلاك بيري
عضو ماسي
 
الصورة الرمزية بلاك بيري







رد: مناقشه حول الكاسكو تبعي

راجع قسم هواه الببغاء في طرق متعدده لتعليم الطير الصعود على اليد

عندك الأستاند
عندك الماء
عندك الطريقه الأجباريه
عندك طريقه العصا
عندك طريقه الكليكر

موفق
__________________
بلاك بيري غير متصل  
قديم 22-06-2012, 08:01 PM   #10
H.B.H
هاوي فعال
 
الصورة الرمزية H.B.H







رد: مناقشه حول الكاسكو تبعي

إذا على التمسح على الراس هذي يبي لها صبر
كان عندي طير يرضى امسح على راسه بخشبة ناعمة بعد 3 شهور أو 4 من جلستي معاه في الشهر 5 كنت أشربه ماي بصبعي شفته فجأة نزل لي راسه علشان أمسح عليه أنا أنصدمت مو مصدقة وضليت معاه بالتدريج لمن جا نهاية الشهر 6 وهو يرضى أمسح على منقاره وراسه ونص الظهر وبس
يعني أنت أصبر عليه بس وبيرضى لك تمسح
__________________
يا حلم.......وين المشكلة لو تحققت
H.B.H غير متصل  
موضوع مغلق

Bookmarks

Tags
مناقشه, الكاسكو, تبعي


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى

 

جميع الأوقات بتوقيت GMT +3. الساعة الآن 05:25 AM.

الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 
 
 

Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو