كل ماأقفيت ناداني تعال *** وكل ما أقبلت عزّم بالرحيل

[أبا سلطان]

أعضاء هذا المنتدى الرائعين

كل عام وانتم بخير

عنوان الموضوع يوضح العلاقة بيني وبين اليلوناب صديقي في البيت ، حلوتي أعطيكم نبذه محاصره عنه وبعدين أسألكم عن بعض الأشياء اللي احتاج تساعدوني فيها :

النوع : امازوني يلوناب
العمر :8-9 شهور تقريبا
الصحه : ممتازه والحمد لله
الكلام : عنده بعض الكلمات الواضحه جداً ويصفر ويصارخ احيانا
الأكل : متنوع ، يموت في شي اسمه الحب الشمسي ، لكن انا ما أعطيه على مزاجه ، أنوع له في الأكل فواكه طازجة ، زوبريم ، وحبوب فيها شوي حب شمسي

الاستفسارات :

1) الحبيب ( الببغاء ) مافيه احد يقدر يقرب من عنده من أهل البيت الا انا ،عدواني مع غيري ، ليه ؟ شلون أحسن علاقاته معهم ؟
2) مايرضى يطلع على يدي بسهوله ، يتلكع ويستهبل اذا بغيته يجي على يدي ، يتهرب ، وإذا تركته قام يصارخ يناديني ، ودي اذا مديت يدي له وقلت له تعال ، يجي على طول ، شلون ؟
3 ) اذا جلست عنده أنظف القفص او أغير الأكل والماء طلع من القفص ويحاول يطلع على كتفي ، وإذا أعطيته يدي قام يستلكع ويهرب ، ، ماقدرت افهم وش السالفه!!
4) يحب يأكل من يدي ، او فمي خصوصا اذا جلست جنبه وشافني أكل شي ، طيب تعال على يدي !!! مايبغى
5) يطير من يدي الى القفص بس ماقدرت ادربه انه يجي من القفص ليدي ، شلون اتغلب على هالشي ؟

اعتذر عن الاطاله ،وسوء صياغة الموضوع

اللي عنده خبره وعلم لا يبخل علينا

[شرارة]

الحقيقة غدت مثل الخيال **هو عدوي وهو اوفاء خليل

وعليكم السلام
حياك الله.

أ طير مو مروض ممكن تستعمل معاه الترويض المستمر

يعني تحشره في زاويه او على اسأند وتخليه يطلع على يدك تكرر الحركة عشر مرات
بعدين تروح عنه عشر دقايق وترجع تعيدها اذا حاول يهرب او عاند خلك مصر وانشب له اللين يطلع

مع التكرار يتعود اكبر غلط انك مثلا تقوله اطلع ومايطلع وتحاول فيه ويرفض وتروح وتتركه

راح يتعود ويعرف انك راح تتركه خلك عندي معاه بس بهدوء وكلمه بصوت هادي


بنسبه لولالفته مع الاهل

هذي يبيلها وقت اول شي تجوعه او مادامه يحب الحب الشمسي ممكن تحرمه منه وتخلي الاهل ياكلونه بيدهم كل الاهل

عشان يتعود وبعد فتره تخليه يطلع على ايديهم وبعد كذا المسح ع الراس

اهم شي في الموضوع انهم مايخافون منه لانه لو حس انهم خايفين راح يخاف بعد اهو وريعاندك وممكن يهاجمهم

خلك قريب منهم في البدايه ومع الوقت يتعود

والامزونيات نقطة ضعفها الاكل استغل هل نقطة





اتمنى لك التوفيق



.

[أبا سلطان]

لبا قلبك يامتميز

اللي فهمته منك انه لازم يكون على الستاند وهذا افضل ، لان اللي عندي قفص ينفتح من فوق ويصير ستاند بس مايخليك تصيطر على على الطير زي ما تبغى

المشكلة انه يتعود على الأهل هذا شكلها صعبه لأنهم خوافين مرررره ، غير كذا هو أصلا يقلب على لو يكون على يدي او كتفي ويجي احد من الأهل عندي يذبحني عض ، يعني تصير العضعضه فيني مو فيهم

[شرارة]

يبيلك استاند صغير الارضي

اللي يجي ارتفاعه 30 الا 40سم

وتقدر تسويه باستخدام المواسير البلاستك

او تشتري

هذا راح يفيدك كثير

اي مكان بيجلسون فيه الاهل تحطه جنبهم وتفرش تحته جريده او سماط

واجلس جنبه واكله من يدك وشيله وحطه يولف غصب مع الوقت لان هذا اسمه خوف فروخ

يروح مع الوقت اذا تعود

وخذاها قاعده مايخرب الطير الا القفص

وبذات الفرخ وانت انسان تبي تربي يعني تبي طير الليف 100%

الاستاند راح يفيدم ويختصر عليك مشوار طويل في كسب الثقه والولافه




اتمنى لك التوفيق


.

[أبا سلطان]

الله يوفقك ويديم عليك الصحه والعافيه ، ويعطيك حتى يرضيك

ماقصرت بيض الله وجهك

[شرارة]

ووجهك ابيض

حياك الله وجزاك الله خير على هل دعوه
ولك بالمثل
امين وياك والجميع




.