عندي فرخ حمام اوكله ولا يكبر

[تووتـي0510]

السلام عليكم ورحمة الله وبركاته

اخوي عنده حمام العادي وعنده حمام زينه

حمام الزينه زوج منهم مايحضن البيض كل مايبيض اخوي ياخذ بيضه ويحطه تحت حمام حضان

المهم الانثى كان تحتها 4 بيضات فقس هالفرخ اللي عندي وكان عند امه تقريبا 3 او اربع ايام بعده فقسو الباقي واخذه اخوي عشان مايخرب على الفروخ الباقيه وقالي تبين تهتممين فيه والا ارميه يموته

قلت له لا باخذه واهتميت فيه وادفيه واوكله

سيريلاك + رز اخلطه بالخلاط مع ماء دافئ + حبوب طحنتها وخلطتها بماء دافئ + اليوم عطيته حبوب مكسره صغيره ومنقوعه بماء

بس في مشكله مايكبر حجمه صغير

ولسه للحين فيه الشعر الاصفر وماطلعت له ولا ريشه ولا كبر حجمه وتقريبا عمره 10 ايام او اكثر شوي

والفروخ الباقيه اللي اصغر منه بيوم او يومين صارو اكبر منه بثلاث او اربع مرات حتى بدا يطلع تحت جلدهم الريش واهو حجمه ماتغير

شو اسوي معه شو الحل

الاكل فيه شيء خطأ ؟.!

شو اوكله ؟

المشكله اني اوكله باليوم مرتين بس واذا كانت الحويصله مليانه مافضت اخف الاكل عنه او مااعطيه

محتاره اخافه يموت

[رائد ملكاوي]

وعليكم السلام ورحمة الله وبركاته

المشكلة اللي صارت انه انحرم من حليب الحوصلة اللي تفرزه الأنثى والذكر فترة الفقس

فلازم انك مع السيريلاك تضيفي حليب

وما دام عدا 10 ايام ان شاء الله اموره كويسة

لكن احتياطا ذوبي كبسولة اموكسيسيللين او اذا عندك مضادات حيوية بيطرية اعطيه حسب التعليمات

وبالتوفيق ان شاء الله

[تووتـي0510]

شكرا لك على الرد والنصائح

للاسف قبل يومين مات الفرخ كان مايقدر ياكل زين وكان الاكل ينشف في الحويصله ماتفضى كلها

قبل لا يصير فيه هالشي انا عطيته حبوب مطحونه مع بودره الحليب النيدو وخلطتهم بماء دافئ وعطيته

ماادري هل الحليب سبب تماسك الاكل في الحويصله او لا

[رائد ملكاوي]

الله يعوض عليكي يا اختي

وجزاك الله خير الجزاء على عملك

اما كان مريض واما الحبوب المطحونة عملت مثل المعجون واغلقت القناة الواصلة بين الحوصلة والقانصة

وتحتاج لفتحها انك تقومي بعمل غسيل للحوصلة وهاي بحاجة لقلب قوي

الله يوفقك

[الامبراطور...]

ربي يعوضكـ عنه -_- , وان شاء الله الانتاج القادم افضل ~