الجرو بيعرج ورجله ضعيفة

[*نهى*]

السلام عليكم

لو سمحتوا
الجرو 3 شهور الا اسبوع تقريبا
من وقت م بقى شهرين حصله مواقف غريبة
يعني مرة بيلعب فجري مسافة صغيرة اوي
وراح مصوت من رجله وشوية وهدي ومشي بيعرج ورافع ايده
وبعد فترة اتحسن

وحصلت بعدها بس بيفصل بين كل مرة والتانية مده بيكون اتحسن فيها

ومن 3ايام كان بيلعب بس اتحمس اوي للعب وجري (مسافة صغيرة في البيت)
وقعد ينط وهو بيجري وفجأه صوّت جامد مع انه كان كويس وشوية وهدي
ومن ساعتها وهو بيمشي زي مشية الحصان لما وهو ماشي بيطلع راسه فوق وينزلها (يهزها فوق وتحت) بس منزل ايده مش رافعها
ولما بياكل ويملى بطنه بيتقل على ايده والموضوع بيبان اكتر

انا عايزة اتأكد منكوا قبل مكشف عليه هو ده حاجة خطيرة ولا ضعف عادي هياخد عليه دوا وهيروح؟ اصله صعبان عليا اوي
ونسيت اقولكوا كمان انه من وهو شهرين واقل كمان رجليه اوقات بتترعش وهو واقف وبالاخص لما يقف على رجليه الخلفية بس
طمنوني جزاكم الله كل خير

وكمان بقالها يومين هادية اكتر من الاول وبتنام كتير غير عادتها خالص
وبتلعب بس قليل وملهاش مزاج
والاكل طبيعي
بس البول تقيل ولونه اصفر وريحته متغيرة
وقل شوية عن الاول يعني في الاول كانت كذا مرة وشفاف
وفيه التهاب بسيط حوالين مكان البول