قوه الفلتره بخصوص الحوض

[Piranha man]

السلام عليكم

ممكن تتذكروا موضوعي انا عملته تقريبا قبل شهرين او 3 عن حوض جديد انا بدي اصممه عشان اربي فيه البيرانا .. طبعا الحمدلله عملته كامل 200*70*60 عملت سمك الزجاج 15 ومتحمل وتمام التمام

طبعا مربي فيه بيرانا صلي تقريبا 3 اسابيع اشتريتها متوسطه الحجم عددها 10 اسماك ...

هسه موضوعنا انو انا مستخدم في الحوض فلترين اسفنج واحد على اليمين وواحد على الشمال كل واحد 1000 لتر بالساعه ... وصراحه حاسس الفلتره بالحوض مش بزياده

هسه سؤالي بقدر اجيب فلتر خارجي مع الفلترين الاسفنجيات بقوه 1500 لتر وبيمشي الحال ؟؟ ولا لازم كمان فلترين خارجين عشان يزبط الوضع صح ..؟؟

وما حد يقلي سامب لاني قديش لفيت على اليوتيوب والمواقع وشفت السامب بس ما عرفت اصممو .... يعني انسو موضوع السامب وخلينا بالفلاتر الاسفنجيه والخارجيه

انتظركم

[Dr Khaled]

حوضك هو سعة525 لتر أي نظام فلترة بقوة 5250
فأكيد أن قوة 1000+1000 = 2000 لن ترقى للنصف أي فلترة ضعيفة و غير صحية و سليمة...

فلتر السامب أضمن لك و هنالك موضوع طرح في القسم من قبلي لأجل فلترة السامب و هو سهل و ليس معقد خلاف هذا

عليك بإستخدام ثلاث فلاتر خارجية من ذات الخمس مراحل.
خلاف هذا لا يصلح أي شيء

[basil-ramahi]

ابو وسام انت متاكد من السعة؟؟؟
انا شايفها 525؟؟؟

[Dr Khaled]

المشاركة الأصلية كتبت بواسطة basil-ramahi

ابو وسام انت متاكد من السعة؟؟؟
انا شايفها 525؟؟؟

شكراً على التصحيح تم التعديل

[Piranha man]

شفت الموضوع دكتور قبل ما اطرح الموضوع وبرضو ما فهمتو ولا رح افهمو لنو ميكانيكات عقلي ضعيفه شوي :d

طيب هسه فلترين خارجين مع الفلاتر يلي عندي .. ما بمشي الحال ؟؟

[basil-ramahi]

الفلاتر الداخلية انساها

بتعمل تيارات
تاخذ حيز من الحوض
بتفسد المظهر الطبيعي

والاهم انها فقط مرحلة واحدة هذا غير الصوت

المهم بتشيل الفلاتر وبتحط 3 خارجي مثل ما حكالك الدكتور

[Piranha man]

طيب يا باسل بما انك بلاردن انت والاخ خالد ... قديش فكركم حقه الفلتر الخارجي ابو ال5 مراحل ؟؟؟ بلاردن ؟؟
بس اكيد مو من جبل عمان لانهم صراحه حرميه ... يعني بقدر اقول بحدود 30 دينار لكل فلتر ؟؟

[Dr Khaled]

المشاركة الأصلية كتبت بواسطة Piranha man

طيب يا باسل بما انك بلاردن انت والاخ خالد ... قديش فكركم حقه الفلتر الخارجي ابو ال5 مراحل ؟؟؟ بلاردن ؟؟
بس اكيد مو من جبل عمان لانهم صراحه حرميه ... يعني بقدر اقول بحدود 30 دينار لكل فلتر ؟؟

لأ حبيبي مشان تفكر بالفلاتر الخارجية بدك تحسب سعر أقل شي شي 60-80 دينار للفلتر الخارجي و مو من جبل عمان ... بقى هل أنت مستعد أم لا و إذا ما بدك بقدر تجي و إشرحلك قصة السامب ع الواقع و عطيك حصة رسم و فنون جميلة كمان هههه

[basil-ramahi]

35-45 دينار 4 مراحل 1200 ليتر بالساعة فقط

اما الفلاتر يلي بدك اياها فحط ببالك المدى تاع ابووسام

او بتروح عندو وان شاء الله بشرحلك كل شي حبة حبة

[Piranha man]

طيب تبع 4 مراحل ما بمشي حالو ههههههههههه لان على حسبت 80 دينار اقل شي يعني القوي بدو 120 دينار يعني ال 3 ب 260 دينار !!!! 260 دينار !!!!!!!!!!!!!!! لا خليني على الداخلي احسن هههههههه كل الحوض ما كلفني 260 دينار !!!!

انا بقول 3 من يلي قال عنهم باسل مع ال2 يلي عندي بمشي الحال ... لانو حاليا الوضع مش كثير سيء يعني كيف مع اضافه 3 فلاتر خارجيه ب 1200 لتر يعني 3600 اتر بالساعه مع الفلاتر يلي عندي 2000 لتر بالساعه بيصير الفلتره 5600 لتر بالساعه يعني زايد عن حاجه الحوض .... اكيد بمشي الحال صح ولا لا

طيب دكتور انت وين متواجد بلكي مرقنا عليك يوم !!!!