بسرررررعة..الكتينز وأمه

[أمير البحر]

السلام عليكم

في قطة جت لعندنا الحوش شكلها حقت بيوت المهم كانت حامل ومازالت يمكن...نحن لا نربيها ولا شي جت مرا تتزاوج عندنا عشان ف الحوش

في 3 قطط ذكور بعدين شكلو عجبها الوضع وبلطتت ونحن نكرشها عشان لا تولد عشان قبل كذا كانت حامل وكانت تبي تولد عندنا بس

ماخليناها وولدت في مكان ثاني المهم اليوم في العصر اختي تبغى تأكل القطط الا وشافت ف الحوش كتينز واحد صغير جنب الام بس بمسافة

وشافت كمان الدم المهم الام لا تبغى ترضعة وحتى المشيمة والحبل موجودين ما قطعتهم اخذته بعدين حاولت

ارضعه بس ما يقدر... احسها أجهضت عشان امس شكلها اتضاربت وجت لعندنا وهي وسخانا وحالتها حالا...واليوم اجهضت مدري ولدت واحد بس ..

وفي فبطنها حاجة زي الكورة قلت يمكن باقي الكتينز المهم سؤالي هو الكتنز حجمه كذا طبيعي ولا نمو ناقص؟( احسه مرا صغير) ..وفي

طريقة حق ارضاع الكتنز بالاسفنج يخليهم بس يمصو انا قريتها زمان بس مدري كيف الطريقة؟ وذحين كيف اخلي الام تعتني بصغيرها؟

وأهي الصور

[أمير البحر]

هذا انا احاول اقربه بس برضو م يقدر يرضع

[أمير البحر]

[أمير البحر]

بالله بسرررررعة ساعدوني ...ودحين بطنه تدخل وتخرج كانو عندو حزوقة(شرقة)

[فاتـــو]

الصور اللي فوق مش باينه بس بالصورة الاخيره واضح حجمه طبيعي

دفيه كويس وجففه من اي رطوبه وقص الحبل السري عن بعد 3 سم عن بطنه

اذا الام تقبل حطه بحضنها حتى يتحسس الحلمات ويرضع منها - لازم يرضع منها دامها حية ترزق

حطهم في كرتونه وملس عليها حتى تقبل تجلس وترضعه وساعده في البحث عن الحلمه

شوف لو يطلع منها شي غريب من الخلف و تابعها هاليومين


شكرا لاهتمامك ..

[أمير البحر]

حطيته في الصندوق وحطيت الام بس الام مطنشه ولا على بالها..والكتنز حطيته من اول عند حلاماتها بس م يرضع وهي ضغطتها بس م طلع حليب...في طريقة اعرف انو فيها حليب؟..وكمان الكتينز رضعته حليب سعودي مخفف بالمويه..ودحين

الكتنز تجيه زي الحزوقه(شرقه) شكلو عسر هضم عشان فيه لاكتوز؟وكمان لو تعرفي طريقة احسن كيف ارضعه عشان انا ارضعه بحق قطرة

واكسول..قاسي هو وصعب كمان..كان في طريقة حلوه قريتها زمان في المنتدى لارضاع الكتنز بالاسفنجه حق المواعين بس ناسي كيف الطريقة؟

[فاتـــو]

لحظه الصور توها تظهر لي !!!!

القط طويل بشكل مو طبيعي ما انا ماقد شفت قط بهذا الشكل !!

تأكد ان مافي شي يعيق تنفسه

بخصوص الرضاعة اعتقد تقصد هذي



لا مو اسفنجه المواعين احسها خشنه عليه الافضل تشوف اسفنجه وجه حقت المكياج مره مناسبه

قص الاسفنجه بدقه لين تصير بحجم الحلمة و يقدر يدخلها بفمه

وطمني عنه بكرا

[أمير البحر]

شكرا فاتو..بس الكتينز احسه قزم مو طويل المهم دوبي خلصت ارضعه بس في مشكلة انو من جد يزهق بقوة بعد الحليب معنو الحليب

مخفف مويه بس يشهق بقوة....قريت بعلبة الحليب السعودي مكتوب 4g من اللاكتوز يعني هو منو؟ وبعدين المويه م تخففها؟وممكن تؤدي

لا سمح الله للموت؟ والاسفنج يعني اقصه زي الحلمات واخليه يشرب حليب وبعدين اعطيه صح؟

[فاتـــو]

ماعندي فكره عن الشهق اللي تقوله لكن ممكن يكون فيه مشكله صحيه مانعرفها

الحليب ماله دخل حتى لو كان فيه نسبه عاليه من اللاكتوز

شوف انت بعد ماتقص السفنجه عبي قارورة القطرة ودخل جزء من السفنجه "زي بالصورة " وخليها تتشرب حليب

وبعدين حطها بفمه لين يبدأ يمص وتأكد ان الحليب يتجدد في السفنجه يعني مو محبوس بالقارورة هذي نقطه مهمة

[أمير البحر]

خلاص الكتين مات.. انا رضعته الساعة7صباح وبعدها اختي رضعته الساعة11:30صباح ومات الساعة 2:30مساء...قدر الله وما شاء فعل