سلحفاة جايه من الهند

[المخلب]

السلام عليكم

سلحفاة هنديه
فيه واحد من عمالنا جاي من الهند
وهو عايش بمنطقه برمائيه
قالي توصي على شيء قلت هات سلحفاة والا تمساح والا وحيد قرن اهم شيء تجيب شيء هندي

وماقصرت صراحه جاب لي سلحفاة بس الحين ماعرفت أربيها
أقصد يعني ماعرف وش تحتاج
خصوصاً أني دخلت بمواضيع سابقه وشفت الاخوان يقولون لازم لمبه ولازم حوض ولازم حجر معين


ف مادري هالسلحفاة تحتاج أي نوع من اللمبات
وأفكر أجيب لها حجر من البحر لكن الهندي يقول أنها تعيش بمويه حلوه

صراحه فيها مميزات حلوه
اول شيء أنها ماتخاف
اذكر أشتريت سلحفاة كل ماقربت لها دخلت
بس هاذي أبيها تدخل ماتدخل ابد

انا جربت حطيتها بالمسبح
صارت تطفو وتحرك ايدينها كنها تقول انقذني وخفت تغرق وطلعتها

جربت حطيتها بحوض صغير مع مويه متوسطه صارت جالسه وساكته
بس مادري هي مستانسه والا علشان مافيه مويه كثيره


ياليت اللي يعرف لها يعلمني
يعني أحطها بقفص والا بحوض والا وش السالفه


هاذي صورة السلحفاة وهي برى المويه




وهاذي صورة السلحفاة وهي ساكته

[العقرب الامبراطوري]

و عليكم السلام و رحمة الله و بركاته
السلاحف البحرية لا تربى في البيوت
الافضل ان ترجعها للبحر بعد ان تتاكد انها تستطيع الاعتماد على نفسها

[خالد414]

فعلاً هذه سلحفاة بحريه ولا تعيش بالاسر الا بمستلزمات خاصه

[المخلب]

أشكركم على المشاركه
بس السلحفاة كيف بحريه وهي لازم مويه حلوه
اتوقع حقت نهررر

بس أنا صراحه أرتحت لها وأبي أخليها تستانس
ياليت تذكرون أيش المعدات اللازمه

[العقرب الامبراطوري]

اخي هي مو توقعات قلنا لك بحرية و انت سالت و احنا جوابنا اذا تتوقع اذا انت تتوقع المعدات
لا احد يربي سلحفاة بحرية في بيته و الله بحاسبك على هذا الشيء

[|| PyTHoN ||]

ما يصير ياخي
أصلاً دورت طرق تربيتها هم ما لقيت &&"

مالك الا نفس المراكز العلميه ، بس بالنسبه لك ما تقدر
الحل الوحيد إنك تشتري قطعة أرض بالبحر ، و تسكر المكان
و تربيها فيه

غيره ما تقدر

هههههههههههههههههه

لو تحب السلاحف ممكن تربي الي يعيشون بماي حلو
أما ماي بحر فلا ، كان خليته ياخذلك سحالي او حيايه &&"
شي ممكن يتربى ~

عالعموم تقدر توديها أي حديقة حيوان أو مراكز علميه اتوقع
عندكم يكونون صوب البحر و هالسوالف ما اعرف عنهم انا
او انك تهدها بالبحر ، لا تموت عندك و عليك الذنب

و موفق اخوي ~

[المخلب]

مو مسالة توقعات او غيره
بس لو بحريه وجلست لو يوم واحد بمويه حلوه بتموت
انا صار لي اسبوع تاركها بمويه حلوه وحطيت معاها سمك وأشوفها مستانسه وجالسه تتغذى على السمك

ونفس الشخص اللي جابها لي قالي هاذي ماتعيش الا بمويه حلوه


|| PyTHoN ||

اشكرك اخوي على مشاركتك
بس حلوه تشتري لك قطعة ارض على بحرر ههههههههههه
انا بحاول أربيها لو ماتربت بشوفها لها طريقه

[العقرب الامبراطوري]

اخوي سلحفاتك بحرية

[المخلب]

طيب ياخوان لو بحريه خلونا تنتاقش وافيدونا من معلوماتكم
الحين السلحفاة هاذي بحريه وليش عايشه معاي بمويه حلوه يعني معجبها الوضع ؟


ولو بحريه وأضطريت أغير لها كل كم يوم من موية البحر على سبيل المثال
هل فيه مشكله

يعني ماتوقع سلحفاة زي هاذي صعبة تعيش بالاسر
اذا نظرنا لحيوانات أصعب وأكثر تعقيد بالحياة وموجوده بحديقة الحيوان بشتى أنواع العالم

اذا بنظركم صعب تربيتها طيب أفيدونا على الاقل

ونفرض على سبيل المثال أني هاوي هالشغله
ليش التحطيم وثلاث أرباعكم يقول أرميها بالبحر

أنا مستعد أدفع عليها أي مبلغ بس أهم شيء تعيش مستانسه

منظرها بالحوض وهي تسبح يطير العقل صراحه

[عُبَيدُ الله]

صحيح أخوي , السلحفاة بحرية على حد علمي .. ولكن تربيتها ممكنة وإلي قال غير ذلك هو مخطئ .

بإمكانك تربيها وتعتني فيها وإبحث في المواقع الأجنبية فهي غنية بالمعلومات ولو أردت أن تربي ديناصور =) , بعكس مواقعنا العربية .. فهي فقيرة للغاية.