ممكن مسآعدة بخصوص الغيني !!

[Abdulazizyussef]

السلام عليكم ورحمة الله وبركاتة - والصلاة والسلام على أشرف الخلق نبينا محمد

أما بعد :-


ياخوان انا عندي ببغا غير أليف غيني لة الأن 3 أيام بالظبط ... رآح أقولكم كيف تعاملي معة ...ولو فية نصايح يآريت تقدمونها لي واكون لكم شآكراً جزيلاً

---------------------------

1- اليوم الأول : جبتة من المحل حطيتة في مكانة في البيت اذا قربت منة يجعر على خفيف
[ كرررر ] إذا تكلمت يزود [ كرررررررررررررررررررررررررررررررررررررررررر ] كانة صوت دباب كككك بس برضو مايقارن بصوت الكاسكو أخف بكثير ( اوكلة من يدي ] ( يعض وبعضها ياكلها وبعضها يرميها ) + روشتة لآني أحسة وصخ وتقريبا يوم خلصنا هدا شوي كانة جاز لة الوضع


2- اليوم الثآني - روشتة برضو وأوكلة من أيدي [ مآيآكل ] وأحيانا يعض ( وأصرخ علية ) لأآآآآآآآآآآآآآآآآآآآآآآء ههههههههه + طلعتة من القفص وثبت في قفص خرف T << بعد معاناة وبديت احك على راسة بالقفازات مايجعر


3- اليوم الي هو الآن بعد كل الي سويت امس من تمسيح ماحس اني مسوي شي ...وبدا يجعر على خفيييف واحيانا يوقف

---------------------------

ومو راضي يوقف على ايدي نهائيا لآخشبة ولاقفازات ولا أي شيء وأحيانا لاجيت امسكة يتمسك بكل مأوتي من قوة بالقفص [ لين مامسكة من راسة وأجرة ] ويفك يدينة

طبعا بس أنا الي اقابلة يعني 24 ساعة

---------------------------

وأيش اشغلة من مقاطع فاليوتيوب

معليش علأطالة ....

[شرارة]

يارجل ثلاث ايام حرام عليك توك قدامك مشوار طويل

الترويض يبيله تكرار يمكن يتروض بعد ثلاث اسابيع الا شهر

بعدين انتبه تخوفه وخلك هادي وحنين واستمر على نفس التصرف

وخطوات الترويض كل يوم بس زي ماقلت لك انتبه تضغط عليه

ويصير يخاف منك واياني وياك واضرب انتبه ترا بيقفل عليك الطير

وماراح يتروض ولا يتكلم بعدين عامله كائنه طفل صغير

ومع الايام راح يتروض واهم شي في الموضوع انك تنجز عملية الترويض

والطير يحبك ومايخاف منك هنا راح تشوف من الطير ابداعات تبهرك
اتمنالك التوفيق
---
--
-

[Abdulazizyussef]

المشاركة الأصلية كتبت بواسطة شرارة

يارجل ثلاث ايام حرام عليك توك قدامك مشوار طويل

الترويض يبيله تكرار يمكن يتروض بعد ثلاث اسابيع الا شهر

بعدين انتبه تخوفه وخلك هادي وحنين واستمر على نفس التصرف

وخطوات الترويض كل يوم بس زي ماقلت لك انتبه تضغط عليه

ويصير يخاف منك واياني وياك واضرب انتبه ترا بيقفل عليك الطير

وماراح يتروض ولا يتكلم بعدين عامله كائنه طفل صغير

ومع الايام راح يتروض واهم شي في الموضوع انك تنجز عملية الترويض

والطير يحبك ومايخاف منك هنا راح تشوف من الطير ابداعات تبهرك
اتمنالك التوفيق
---
--
-

يعطيك العافية أخوي ~ ومشكور عالمعلومآت الحلووة

[monybat]

اخي الفاضل
انت تعتبر بدأت معاه ودام انك بدأت لا توقف لان راح يرفض منك التدريب
انت الان خلك من وقوف اليد واشتغل عليه بالمسح وحاول انه يهدأ لاقصى درجه وبعدها نشوف الوقوف والصعود
حاول تستغنى عن القفازات لانه اي طير حتى لو مدرب تخليه يجعر ويستفز ايضا
الاستحمام لا تكثر منه اهم شي اهتم بالاكل ونظافته
وراح تلقاه يتجاوب معك
غطي القفص بليل بشرشف من جميع الجهات عدا وجه القفص ولو في مكيف ممكن تغطي القفص كله ولاكن الشرشف يكون خفيف مثل حق السرير حق المرتبه
وخطيه الفكره انك تغطي عليه بالليل والصبح انت اللي تفتح عليه كي يتعود عليك ويعرف انك انت اللي تفتحله وتصحيه
وبالتوفيق

[the_gostman]

اخوي ببغائك جديد وكان من المفترض ان لا تبدأ بالترويض ولا حتى بترويش الببغاء الآن..

لان الببغاء يحتاج فتره لا تقل عن اسبوعين حتى يعتاد على المكان الجديد اللي انتقل عليه..

هذه الفتره فقط قم بتغير الأكل والماء وتنظيف القفص بنفسك.. ومع الوقت رح تخف الجعره..

وبعدها تمسح على الببغاء حتى يعتاد على المسح ومن ثم تعلمه الصعود على اليد.

بالتوفيق