الحقوني قبل فوات الاوان

[parro0ts]

بسم الله الرحمن الرحيم




اليوووم
و انا قايمه الصبح لالقي الهاسمتر مب موجود في قفصه ( و كل يوم جي ) بس كل مره احصله اليوم دورت و حست البيت كله و ما حصلته على الساعه 7 او 6 بعدين رحت المدرسه لما رجعت الحين الساعه1 قاعده ادور و ادور ما حصلته بلييييز ابي احصله ابي فخ اي شي ابي ارجعه بليييز اخاف يموت جوع و عطش قولي ليييي

[شقآوه]

لا عادي لا تخافي
حطي له اكل له حقه
او بيض مسلوق

واذا مالقيتيه هو رح يطلع لك بعد يومين

بس عادي لو قعد بدون اكل ومويه مارح يمووت
ان شاء الله تلقينه

تحياتي

[عززووووز]

عن نفسي هامستري كان يحب المواسير اللي في القفص ولمن فكيتها خليتها تحت السرير بعدين شرد

رحت المدرسة رجعت امي قالت لي انها لقيته نايم فيها يعني إذا كان عندك مواسير خليها جنب كرتون فيه نشارة وشوية أكل وهو حيطلع وخلي الدنيا ظلام عشان يتحرك على راحته بس مو ظلام مرة يعني لمبة خافتة ...

وإن شاء الله تلاقيه

[parro0ts]

اشكركم وااايد


و الله ما قصرتو معاي دورت و الشغلاله كل مكان يعني احطه في غرفه معينه لان الباب كان مفتوح او كل البيت احط في كل غرفه ؟؟

[عززووووز]

موشرط في كل البيت بس في غرفة معينة يعني مثلا في الصالة او المكان اللي كان فيه الهامستر..

[عاشقهـ الحيوان]

طيب الحمامات كانت مفتوحه؟؟

شوف حط في كل غرفه اكله الي يحبه مااره

وشف كل صبح قبل ما تروح المدرسه شوف هواا فيه او لا

[parro0ts]

ايه نعم كان الباب مفتووح ماعن الهامستر ما كمل عندي شهر يمكن بس اسبوعين و ما اعرف اكله الي يحبه غير انه يحب الملفوف و قالوا لي انه ضار الحين بيخلص اليوم و للحين ما حصلته ( انا باسوي كل الي اتقولونه بي المشكله اني اكبر وحده و اخواني كلهم اصغر مني فبيجون و يخربون كل شي اسوي و اتعرفين ماشاء الله عليهم ما تم مكان واحد ما خلوه بحاله ) ....

[عاشقهـ الحيوان]

ومن قالك ان الملفوف ضار ؟؟؟

بالعكس مفيد .,,!!!

عطه اياه عشان تلقاه !!!

[نوني..]

ومن قالك ان الملفوف ضار ؟؟؟

بالعكس مفيد .,,!!!

عطه اياه عشان تلقاه !!!

نــو ياحلوهـ الملفوف ( الكرنب ) ضار والبقدونس والكزبره والطماطم وسمعت انو التفاح برضو ضار لهم

بس مو متأكدهـ

[parro0ts]

بصراحه طلع الهعامستر احسن مني اجا هو بروحه يتسلق القفص ههههه ...



بس لاحظت و عرفت من وين يطلع ... من فتحات القفص ! الحين شاسوي كل الاقفاص فيها فتحات ...