اشترك في نشرتنا البريدية ليصلك كل جديد

bo3azoooz · 09-06-2008, 01:44 PM

ابي يا شباب احد عنده فكره عن هالنووع من الدياجه والدجاج
ناس قالولي هذيل تايلندي وناس قالولي من انواع سلكي
وناس قالولي من الزاحف بس الي اعرفه انهم اقزام وهذا حده
ما يسير ارفع واطول من جذي .
ياريت الافاده منكم وابي اتعلم واستفيد اكثر بس
تكوون معلومات اكيده لو تكرمتو .

هذا كبير ويفسد

نفسه

هذا بعده صفير على الفساد

~~Doon~~ · 09-06-2008, 03:40 PM

ماشالله حلوين اخوي ونادرين وما انصحك تفرط فيهم

وبالمناسبه

للأسف ما عرفت افيدك

بو عفره · 11-06-2008, 10:39 AM

معلومات اكيده ميه ميه

هذا يسمونه دجاج حبحاب او حبحب وحجمه كذا مايكبر اكثر

وغزير الانتاج للبيض

واذا ماكنت غلطان حبحب صيني بيور

~~ابو ريان~~ · 13-06-2008, 11:54 PM

مرحبا اخوي ويعطيك العافيه على الصور
هذا النوع من انواع(( السحاب)) واسمه العلمي(( الشابواه الياباني))
وأنا عندي منه كثييييييييير بالمشروع
وهو يتميز بقصر الارجل بحيث لاتراها وهو يمشي
وجناحان على الارض أما ذيله فغالبا مايلمس رأسه
وسوف احضر لك الصور من المشروع ان شاء الله
وقد تتغير بعض المسميات على حسب المناطق أو الدول
فهذا اسمه في نجد (( الرياض والقصيم)) بالسعوديه

عاشق البدجيات · 14-06-2008, 02:42 PM

نا في المنطقة الشرقية ( القطيف) يسمونة ( حباحب)

mazda6 · 15-06-2008, 02:04 AM

سلام في مكة المكرمة أسمه الصيني أو المسحب.....