اباآ مساعدهـ عـــن الحرباء ..~

[~ عسوولهــ ~]

هلااا



السمووحه عــ.. الغياب بس كنت مشغووووله



انا نويت اييب حربا بس تكون صغيره عشان علاقتنا تكون طويله و اباها تتلون بكل الالوان

































آسفه لأنه بعض الصور صغيره



شو ياكل ولا عنده اكل خاص ؟؟

و شو الاشيا الي لازم ما ياكلها ؟؟

وين يعيش ( حوض , قفص ؟؟

كيف نفرق بين الذكر و الانثى ؟؟

كيف نعرف العمر ؟؟

هل يحتاج لقاحات و تطعيمات ؟؟


ابا اسعار الحرابي الملونه فـــ.. الامارات

و المحلات الي تبيعها


مب تقرون و ترحلون ترى صدق محتاجه مساعده




و على فكره ان كاتبه الموضوع فــ منتدى ثاني و محد رد علي يعني مب منقول



~

[|| PyTHoN ||]

شو ياكل ولا عنده اكل خاص ؟؟

ياكل حشرات و ممكن حشرات مجففه

و شو الاشيا الي لازم ما ياكلها ؟؟

فحم - ألماس - خشب < خخخخخخ
اممم تجنب الحشرات الي مرشوشه بمبيد و بس

وين يعيش ( حوض , قفص ؟؟

ممكن الأثنين لكن أهم شي المحافظه على درجة الحراره

كيف نفرق بين الذكر و الانثى ؟؟

من الريل من ورا
الذكر يكون فيه مثل شي زياده بنص الريل من ورا
اما النثيه مافيها شي الريل سيده من ورا

كيف نعرف العمر ؟؟

ما اعرف ولله
أساساً صعب تخمين العمر للزواحف &&

هل يحتاج لقاحات و تطعيمات ؟؟

امممم لا مو لازم

[*حامي الحيوان*]

شو ياكل ولا عنده اكل خاص ؟؟
يأكل الحشراات الحية وممكن تعطينه حشراات مجففة ولاكن قليل ما يأكلها

و شو الاشيا الي لازم ما ياكلها ؟؟
الحشراات المرشوشة بمواد كيميائية وكثرة الخضروات ألخ

وين يعيش ( حوض , قفص ؟؟
ممكن يعيش بالاثنين وأنا شخصيا أفضل أن يكون قفص شبكي

كيف نفرق بين الذكر و الانثى ؟؟
على حسب النوع ولاكن بالعموم نفرق بينهم من ناحية اللون
فا الذكر ألوانه أزهى وأجمل وأيضا عرف الذكر أكبر من الانثى

كيف نعرف العمر ؟؟
صعب تحديد العمر

هل يحتاج لقاحات و تطعيمات ؟؟
لا ما يحتااج

[مهووس الحيوانات]

شو ياكل ولا عنده اكل خاص ؟؟

مثل ماقالوا الاخوان ياكل حشرات حية أو ميتة

و شو الاشيا الي لازم ما ياكلها ؟؟

أي شي وصخ أو فيه مواد كيماوية
و أي حشرة مرشوشة بمبيد أو سامة أو لاسعة
و أي شي غير عضوي

وين يعيش ( حوض , قفص ؟؟

كلها تنفع المهم مكان بحجم مناسب و المحتويات الأساسية تكون موجودة ، و درجة الحرارة ماتكون زايدة أو ناقصة عن اللازم و نفس الشي الرطوبة

بس القفص أفضل

كيف نفرق بين الذكر و الانثى ؟؟

تختلف حسب النوع لكن عمومًا المنتشر هو المحجبة و مثل ماقالوا الاخوان الذكر في رجوله الخلفية اصبع صغير زايد ، و عرفه أطول (تاجه) ، و ألوانه أقوى

والمحجبة هي مثل الي في الصورة الثانية و الرابعة من الصور الي حاطتها
ولو شريتي نوع مختلف حطيلنا صورته و ان شالله أساعدك في معرفة جنسه

كيف نعرف العمر ؟؟

مثل ماقالوا هي صعبة
بس نقدر نكون مو دقيقين
يعني نقسمها إلى ( صغير - وسط - كبير )
لأنها تفرق بينهم في التربية و كمية الأكل و بعض الاشياء

الصغيرة يكون عرفها صغيير و احيانا شبه معدوم خاصة في حديثة الفقس ، و حجمها طبعا صغير مثل الاصبع

الوسط عرفه متوسط لا معدوم ولا طويل (مثل الي في الصورة الرابعة تقريبًا)
و حجمها متوسط يعني طولها مع ذيلها مثل الكف او أطول بشوي

و الكبيرة عرفها طويل و خاصة الذكر ، و حجمها كبير ، و طولها بدون الذيل مثل الكف

هل يحتاج لقاحات و تطعيمات ؟؟

لا ماتحتاج لقاحات ولا تطعيمات ولا ترويش ولا يتر بوكس

ابا اسعار الحرابي الملونه

عندكم بالامارات مدري بس شفت عضو عنده نوع غير المحجبة نسيت من هو << اجل وش الفايدة

لكن المحجبة عندنا هنا في السعودية تقريبًا 350 ريال يعني 350 درهم تقريبًا نفس الشي


و أي سؤال لاتترددين في طرحه

و عارف اني كررت أجوبة الاخوة بس التأكيد حلو

[~ عسوولهــ ~]

مشكورين ع المرور بس انا افكر اني احطه بحوض لأني احسه احسن



و من وين اييبله الحشرات الحيه



ما عندنا فالبيت حشرات الا الصراصير الي تيي من البواليع و الخنفسانات الي

عندها فك حاد !!


مشكووووورين ع الردوود الحلوه << بدون مجاملات



~

[مهووس الحيوانات]

لا لاتعطينها صراصير المجاري

ولا تعطينها ابو فك كبير ممكن يعض الحربا و يئذيها و المسكينة مالها أسلوب دفاع

=-=

و على فكرة خذي حربا وسط أحسن لا تاخذين صغيرة لأنها تحتاج عناية أكبر و تاكل أكثر

[*حامي الحيوان*]

براحتك الحووض ينفع ليش لا

وبالنسبة للحشراات

ممكن تحصلينها بمحلات الحيوانات

وممكن تطعمينهم الخناافس الصغيرة

عموما أنتي لا تستعجلين لا تشترين الحربااء

ألاا ليما توفرين لها الاكل



بالتوفيق,,,

[~ عسوولهــ ~]

اها ما اعطيه يعني



و الحوض احسه اريح و اكبر



شو اجهز له ؟؟


و كيف اعرف انه وسط



و اذا ما كل الاكل الي اشتريت له



و الوسط يبين الجنس ؟؟



مشكووورين ع المروور



~

[~ عسوولهــ ~]

اها ما اعطيه يعني


و الفك مب كبير وايد



ان شاء الله اصور الخنفسانه و ارويكم << تستهبلين


و الحوض احسه اريح و اكبر



شو اجهز له ؟؟


و كيف اعرف انه وسط



و اذا ما كل الاكل الي اشتريت له



و الوسط يبين الجنس ؟؟



مشكووورين ع المروور



~

[العقرب الامبراطوري]

اختي تربية الحرباء مو سهلة
انتي لا تتخلين انها اليفة
في مرات احتمال تعضك

ايضا اختي الاسئلة لا تكفي !!!
شوفي فيديوهات في اليوتيوب
اكتبي
How to care for chameleons

ايضا اختي لو كانت الحرباء صغيرة تقدرين تربيها بحوض اما لو كانت كبيرة الافضل تربيها بقفص و القفص يكون
طويل من ناحية طول و ليس العرض ( عامودي )

بالنسبة للاكل لازم تربين حشرات :P
في ديدان تقدرين بعد تربيها و تشترينها من السوق
و موجودة في الامارات و انا مشتري منها

و ترى الحرباء تحتاج ضوء خاص UV Light
و موجود بعد في الامارات راسلني على الخاص علشان اقولك وينه بالضبط !

و لا تنسنين انها تشرب الناء بالتقطير يوميا !