استشارة بخصوص مناعة الكاسكو (الفرخ)

[صوغة]

السلام عليكم

اخواني عندي فرخ كاسكو من 10 ايام صورته بتوقيعي
والحمدلله صحته زينة وياكل السيرلاك بشهية

واخذته اول ماشريته لطبيب قالي عمره يمكن 4 اشهر وصحته زينه وطلبت منه ادويه فيتامينات ومضاد لتقويه المناعة

وعطاني OMNI-VIT كفيتامين 10نقط في 10 جرام من الماي مره بالاسبوع

وعطاني DOXYVET LIQUID كمضاد لتقوية المناعة 1ملم في ليتر ماء مره بالاسبوع

صورهم



معروفة لكم؟؟
تنصحون فيها ولا تنصحوني ببديل عنها ؟
وشنو ممكن اعطي الفرخ بعد لتقوية المناعة مع العلم اني اعطيه 3 وجبات سيرلاك وقطعة فاكهة باليوم .
وما احطه بغرفة فيها تكيف ابداااااااااااااااااااااا

ولكم جزيل الشكر عني وعن كل مستفيد من موضوعي..

[فارس مجهول]

صوغه ,, الكلام ,اللي قاله الدكتور

سليم ,, والفروخ لازم الواحد ينتبه لها خصوصا في هالمرحله

لأنها حساسه ,, وحاولي بعد ,, تطلعينه في الشمس الاوقات اللي يكون

فيها الجو ,, حلو ,, وماشاء الله كبر ميشو الله يخليه لك يارب ,,

[محمد الجيلاني]

انا من رايي انه السيريلاك لوحده غير كافي واحب اضيف انه لازم انك تعطيه مع السيريلاك بيض مسلوق لانه احسن بروتين للبغاء و تجيب له كمان ذره مسلوقه بعد نزع القشره عنه واطحنهم كلهم مع بعض

[ProOoF]

أختي صوغه ,, الله يبارك لك فيه

لكن أنا بطبعي ضد الأدويه , وأحب كل شيء يكون طبيعي وكل ماكانت مناعه الطير من الطبيعه كل مازادت مقاومته , إلا للضرورة . < هذا أنا وطريقتي

لكن بالنسبه لأدويتك ما أقدر أفيدك عنها لكن بنصحك بشغلتين البيض المسلوق ( لمحتوياته الغنيه خصوصا ً بصفار البيض ) + الذرهـ تباع بعبوات صغيره وجاهزهـ , وإذا الطير مايعرف يقشرها تقدري تشيلي القشره المغفله لحبة الذره وياكلها الطير ,, تساعده بشكل كبير وفوائدها كثيرهـ

وفي منتج أنا أستخدمه من فتره لفتره وممتاز بالنسبه لي وكله فيتامينات أسمه

Multivitains

ويحتوي ع ,,فيتامين A ,D3 ,E ,B1 ,B2 ,B6 , B12 , C , K3 ,
بالإضافه لـ Nicotinic Acid و nicotinaide و folic acid و biotin

بمقدار 3 نقط بكل تعبئه ماء للطير ,

وممكن بدل ماتاخذي القارور كامله , بعض البيطريين يملك هذا الدواء بجالون صغير ويتم تعبيته بأبرهـ كبيره حسب طلبك , وهذا أفضل وأوفر للمربي , لكبر العبوه بالأساس وبينتهي التاريخ ولم يتم إستخدام النصف

وبالتوفيق

[صوغة]

الله يبارك لكم بأعماركم وطيوركم

وتسلموون جميعا على النصائح الغالية

وجعلها بموازين حسناتكم يارب

[عبووووووودي]

مشاللـه آختيـ آفضل شي للفروخـ آلغذآء وآتركي آلفتمينآت وآلكلأم آلفآضي ذآ

ومآنصحك بآلسرلأك مرهـ لنه فيه نسبه سكرـ كثيرهـ


حآولي تخلين آلوجبآت آطعمه مطحونهـ مثل آلسرلأك بيض وفوآكهـ ورزـ، وعيشـ مثل كذآ

هآذي تعطي آلطير منآعه قويهـ

بآلتوفيق

[ابو محمــد]

صوغة الطير صحته ممتازه والادويه مفيده له لكن بعد فتره اتركيها لأن الطير لابد يعتمد ع نفسه ويعيش حياته الطبيعيه وكل شهر تعطينه مره للأحتياط وحاولي تعطينه جميع الفواكه حتى في المستقبل تصير مألوفه له واتركي الطير يمشي برى القفص حتى يستطيع يحرق السكريات والدهنيات في الجسم حتى ما يشحم ويمرض.

[صوغة]

اخواني عبوودي .. ابو محمد

الله يسعدكم ويرضا عليكم
ويطرح البركة بطيوركم ويحفظها لكم

نصائحكم غالية جزاكم على رب العالمين

[كاسكو قطر]

على ماعتقد اذا كان عمره 4شهور لازم يبدا يعتمد على نفسه بدون مساعده احد