يأست.....

[H.B.H]

ا

لسلام عليكم
أنا عرضت من قبل مشكلة طيري أن ريشه مختفي من على صدره وجزء من ظهره وأن الجناح الأيسر مو مكتمل
ألحين حاولت معها بكل الطرق كمل أسبوعين وأنا أعطيه فواكه وسبحته 3 مرات
وللحين بس الزغب ومنابت الريش اللي بين بصدره .....فهل عندكم طريقة ثانية على شان أسرع نمو الريش؟؟؟؟ولا أستمر بطريقتي والباقي على الله؟؟
بعض الأعضاء الله يعطيهم العافية قالوا أدهنه بزيت الصبار
عادي أدهنه بزيت الصبار اللي أحنا نستعمله ؟؟؟ولا لازم يكون طبيعي؟؟
وإذا دهنته هل أتركه لين يروح مع الوقت ؟؟؟ولا أخليه كم يوم وأسبحه؟؟
أدري أن أسألتي كثيرة....بس جاتني حاله إحباط من الطير

إي صح....على كثر ما أسبح طيري بس صاير لي كيسة من القشرة(تقريباً إذا مو غلطانه) من يحرك جناحه ولا ينفض جسمه لازم تتناثر هذي البودرة البيضا....هل هذا طبيعي؟؟

اشتقت لطيري القديم

[محمد بن فهد]

اذا كان ينتف حط الطوق عليه وشوف طريقة الاخت كاسكوية يمكن تفيد معك انا حاليا اجربها خذ صبار وطلع منه الجل واضربه بالخلاط مع الماء ورشه يوميا
شوف الاخوان يفيدونك اكثر مني

[H.B.H]

مشكور أخوي على المرور
بس أجاوب على سؤالك......أهو أول ما جا كان ينتف ريشه
بس أنا زدت الستاندات بالقفص ودايماً أطلعه برا القفص أو للشمس على شان ينشغل عن النتف
بس المشكلة بالريش ...أبي أسرع النمو

[H.B.H]

وينكم يا أهل الخبرة.....نصايحكم

[بلاك بيري]

اهلا بك اختي الفاضله
بخصوص طيرك زيت الصبار افضل حل لأن ريحته وطعمه غير محبببين للطير بالتلي راح يتجنب ريشه قدر الأمكان
بخصوص تغسيل الطير نقول عادي لو نغسله كل اسبوع مرة
بخصوص الي يطلع من ريش الطير نقول انه طبيعي جدا وما يخوف انشاءالله

موفقه بكل خير

[عشقي البلوفرنتد]

السلام عليكم

اذا ما تبي تستخدم طريقه الصبا استخدم هذا العلاج رش الطير كل يومين لا تنسى تروشه كل 4ايام






اتمنى اني افدتك..........

[H.B.H]

مشكورين على المرور وعلى النصايح
بس ما اخذت جاوب واضح لأسئلتي
أدري طفشتكم بس هاللي عندي كا سر خاطري دايماً بردان ولا فيه ريش

[بحر الكلام]

يالغالي نتف الريش الطيور حالتين تكون اما نفسيه ام مرضيه فايروسيه فاذا كانت نفسيه العلاج باذن الله محلول واذا كانت فايروسيه فالمشكله من جلد الطير او الريش النابت والله يشفي لك طيرك

[حلم عاشق]

اختي مساء الخير لك ادهنيه بزيت الصبار العادي مو مشكله مو شرط طبيعي كل الزيوت الي بالسوق طبيعيه مثل ما قالو الاخوان ولو دهنتيه وخليتيه مافي اي مشكله مو شرط تسبحيه كل يوم بالاسبوع مره وحده او مرتين وبعد ما تسبحيه حطي له الزيت وخليه لين وقت التسبيحه الثانيه ..

اذا كان هو الى ينتف ريشه وما نفعت الطريقه الاولى جربي تسوي له طوق وطريقته سهله جدا راح تلقي الطريقه الى تسوي فيها الطوق موجوده فى المنتدى وحاولى تصبري عليه شوي لا تستعجلى اي شي تسويه عشانه تحياتي

[H.B.H]

شكراً حلم عاشق وبحر الكلام على المرور
ونصايحكم........جاري التفعيل