طريقه لتربيه الافريقي من واقع تجربه

[شبزي]

السلام عليكم

ارجوا من جميع الاعضاء المشاركه في الموضوع لكي تعم الفائده للاعضاء الجدد ولكي نتبادل الخبرات في ما بيننا :

افضل طريقه للتربيه هل هي
1- الطريقه مسك الببغاء بالقوه والمسح عليه
2- اعطاءه الوقت الكافي وتدريبه بدون استخدام القوه معه
مع الشرح القصير عن طريقه التربيه والوقت المستغرق في التربيه
شاكرين لكم التعاون والتجاوب

[خالد المهيري]

عن تجربه مبتدئ ..

الفتره الاولى حسسه بانك المسيطر في العلاقه بينكم ...
ولكن شوي شوي عليه و ابتعد عن الحركات المفاجئه والقويه .. والصبر الطويل

[شبزي]

لله يعطيك العافيه على المرور
ولكن ممكن التوضيح زياده

[خالد المهيري]

اخوي الكريم .. انا مبتدئ حالي حالك في عالم الطيور ..
ولكن كمجرب صار لي شهرين ..

هذي نصايح عامه :
اللين والصبر ..
الاهتمام الزايد ..
فرض السيطره على الببغاء بهدوء ..
الهدوء وبطئ الحركه مع الببغاء ..

هذي كلها اشياء تعلمتها مع طيري ..
عندك المواضيع المثبته راح تفيدك ان شاء الله وتلقى لك الجواب الشافي

[سكر]

انا استخدمت الطريقتين,,, وكل طريقة لها ضروفها

مثلا استخدام القوة نمارسه مع الطير المتوحش كثير واللي يبغاله شغل وما يعطيك فرصه تروضه.

وهذا من واقع تجربه مع أكثر من ببغاء.

والطريقة الثانية مع الفروخ في الغالب لانك ما تحتاج للقوة.


وبالنسبة للوقت, كلها قصيرة ان شاء الله

بس لو أنا من النوع اللي يخاف مثلاً, أكيد ان الوقت بيطول..

الشاهد ان المسألة تعتمد على صاحب الببغاء نفسه وعلى جرأته وإمكانياته مو على الببغاء مسكين.


تحياتي

[altila]

شباب الصراحه انا عندي كوكو طبعا اهو من نوع الكاسيكو خذته صارلي الحين 9 ايام في البدايه وايد حذر معاه المهم بعد تقريبا اسبوع بدية معاه اعلمه يركب على يدي كل ماقرب منه علشان يركب يهرب في القفص و يمسك الحديد برجوله وفمه المهم فتحتله القفص وجرب بعد حاول يطير بس كان مقلقص كان يطيح ويجعر بقوه رديته القفص المهم وصلت لطريقه اشوفها ماشيه معاه , امسك الطير من ظهره و اخرجه من القفص وحطه على يدي غصبن عليه شفته يتم على يدي دقيقتين ويحاول يطير و يسقط كل عاده لين فقد الامل الحين اشيله من القفص وحط على يدي مايحول يطير و ادربه على التنقل من يد الي الثانيه مشالله قام يستجيب بس المشكله لين اهو في القفص مايركب على يدي لازم امسكه انا احطه على يدي ادعولي تنجح التجربه

[كاسكـــو]

والله انا طريقتي مع الببغاء الوحشي

امسكه واحطه بحضني واقعد امسح عليه نص ساعه مره او مرتين باليوم حسب ماكون فاضي

تعتبر من الطرق اللي فيها صعوبه من تحمل الازعاج والعض من الببغاء

لكن ماكون شديد عليه لا اقعد امسح عليه على راسه وظهره

خلال اسبوع كذا اطلع بنتائج حلوه نوعاً ما ...... تخف الجعره ويصير هادي

لكن عشان اطلع بنتائج ممتازه يعني ببغاء اليف 200 بالميه

والله اخذ لي فتره من شهرين الى 4 شهور على حسب

والنتائج خلال هالشهور

ببغاء اليف مره
ناسي شي اسمه جعره ولاعاد يذكرها
يطلع على اليد بالأمر
يلعب معك ويلحقك
عنده كم كلمه
اليف مع الكل
يصير اجتماعي ويحب الناس

ونصيحتي لأي هاوي مبتدي

اقول له حط ببالك اذا تبي ببغاء على كيف كيفك

اصبر عليه ولاتستعجل الموضوع يبي له كم شهر

وهذي من واقع تجربتي

[خربووش]

انا كان ببغائي اول ماخذته يعض والان الحمد لله صار الييف معي ويفرح لاشافني جاي من العمل وعلى قولت اخوي سكر صح الوحش يبغاله وحش بس طيب شوي

[كاجو]

السلام عليكم

أخواني الببغاء لايمكن في البدايه يرضا يطلع من القفص بسهوله والاهم من ذالك انه وهو داخل القفص يستقوي

يعني يعض ويصارخ ويجعر لاكن لازم تعرف انه اذا كان خارج القفص الوضع يختلف وتكون انت المسيطر ..

أذا جاني ببغاء غير مدرب أطلعه من القفص أشيل الغطاء الي على القفص من فوق والبس قفاز او اجيب

منشفه والف الطير فيها وملاحظه : ماأخلي القفص موجود معاي بنفس الغرفه الي انا فيها مع الببغاء

وألفه بالمشفه وأحطه بحضني وأتكلم معاه بكلمات أكون أرددها دائماً له مثل مرحبا أو السلام عليكم ....

واهم شيء أنه يكون على الاقل له ساعتين ماأكل وأبدأ بالمسح على راسه وأعطائه أكل من يدي وهو

في هذه الحاله راح يتقبل كل شيء لان القفص مايشوفه وبعدين أجلس على النت أو أقرا جرايد وهو معي

بنفس المكان أقل شيء لمدة ساعه أول مره وأكرر العمليه في اليوم مرتين لمدة اسبوع وبعدين شوي

شوي أعلمه الطلوع على اليد وتاخذ العمليه مدة شهر او أكثر على حسب الطائر وتقبله وأهم شيء أنه

يكون مقصوص الجناح أذا هو متوحش لانه أذا ماقصيت جناحه بيصير مطارد بالبيت معه ..هههههههه

وهذي صارت معي مره لين كرهت الطير ..

ومع كل هذا لازم تعرف ا ن بعض الببغاوات لازم تعض أذا كانت جوا القفص ...

سلامي .......

[شبزي]

المشاركة الأصلية كتبت بواسطة خالد المهيري

اخوي الكريم .. انا مبتدئ حالي حالك في عالم الطيور ..
ولكن كمجرب صار لي شهرين ..

هذي نصايح عامه :
اللين والصبر ..
الاهتمام الزايد ..
فرض السيطره على الببغاء بهدوء ..
الهدوء وبطئ الحركه مع الببغاء ..

هذي كلها اشياء تعلمتها مع طيري ..
عندك المواضيع المثبته راح تفيدك ان شاء الله وتلقى لك الجواب الشافي

مشكور على المرور