بخصوص الببغاء - دبل يلو هيد - فيديو

[أبومنيرة]

السلام عليكم

عندي فرخ دبل يلو هيد محجل حجل احمر - ميلاده 5/2012

الان ما شالله عليه اليف ويسمح لي امسح راسه والعب معه وما يعض
وعنده لخبطة كلام مثل الف الصلاة والزغرطه يقولها بشكل مو واضح ( نهائيا ً غير مفهوم ) ويزغرط
وصراخ بشكل غير طبيعي خصوصا لما يتقابل هو وبنتي الصغيره ( عمرها سنه الله يحفظها ) هي تصارخ عليه وهو يصارخ عليها

بس لاحظت من امس عليه صوت غريب مدري جعير ولا عشانه فرخ
بالاضافه مو قادر يمسك الفول السوداني برجل ويوقف على رجله الثانية
احسه يترنح ما يقدر ويطيح الاكل من يده ويرجع يدور عليه ونفس الشي يمسكه وما يقدر يوقف فترة على رجل وحده مع انه قبل كم يوم ما شالله عليه يمسك برجله الاكل وعادي مافيه شي


الصوت هذا هو ياليت الي عنده خبره في الي ذكرته يوضح لي هل هو لانه فرخ ولا عادي هالصوت ولا شو السالفه

http://www.youtube.com/watch?v=Pc-4l0wSHQU


مشكورين

[عاطل بمرتبة شرف]

ماشاء الله

توه صغير المفروض ان انك تغره ان كانه يأكل يصعوبه الحب الشمسي وغيره

[أبومنيرة]

تسلم اخوي

احط له حب مشكل مع فواكه مجففه والحب الشمسي وياكل منهم

للحين مو قابل التفاح او الخيار

بس استغربت انه قبل يومين يمسك الفول السوداني برجله وياكله تمام
لكن من امس بالليل لاحظت انه مثل الي بيطيح وهو ماسكها وكل مره يتعب ويطيحها ما بعد اكلها


وش تنصحوني اغره افضل له كم اسبوع ولا اخليه دامه تعود على الحب الشمسي ؟

[eaglesa38]

عليكم السلام ورحمة الله وبركاته

بالنسبة للصوت هذا طبيعي لانه صوت الفروخ

وبالنسبة للضعف الي تشوفه بالطير له عدة اسباب
اهمها سوء التغذية حيث ان الطير الصغير لا يستطيع اكل الحبوب القاسية
لهذا يتوجب عليك اعطاءه ذرة مثلجة وحمص ( بليله ) وايضا تقدر تشتري خلطة جاهزة فقط تضيف عليها قليل ماء وتغره بالابرة

اهتم بالطير لانه فرخ ولو لا قدر الله حصل سوء تغذية ممكن يمرض الطير
ايضا احميه من التيارات الباردة والحارة


تقبل تحياتي

[أبومنيرة]

شكرا اخوي
eaglesa38

بارك الله فيك

بخصوص الخلطة الجاهزة تبع الغر كم اعطيه اياها ؟ يعني اسبوع او اكثر ؟ وكم مره باليوم ؟


وبخصوص الذره والحمص هل المقصود هذي




واذا هي نفس المقصود وش طريقتها ؟ اطلعها من العلبه مباشره له ولا اصفيها بالماء واغسلها ولا كيف ؟

[بلاك بيري]

بخصوص الصوت لهالمزيون ماشاء الله تبارك الله مافيه مشكله ما هو الا صوت الفروخ الذي ينادي بالغر

بخصوصالحمص او الذره اخرجها من العلبه واغسلها جيدا بالماء الفاتر ونقيها حتى تزيل عنها المواد الحافظه التي قد تكون مره للطير ومن ثم قدمها له على شكل كميات بسيطه

موفق ان شاء الله

[أبومنيرة]

مشكور اخوي بلاك بيري

بارك الله فيك ما قصرت

امس حطيت له ذره وحب شمسي وحبوب منوعه وفواكه مجففه وقلت خله ياكل الي يعجبه

واليوم قلت بخلي نوع واحد فقط عشان كل يوم انوع له وحطيت حبوب مشكلة وحب شمسي فقط


مشكورين ما قصرتوا

[يوفاوي الكويت]

ما شاء الله تبارك الرحمن

الصوت طبيعي جداااااا لانه فرخ

انصحك انك تستغل هالفتره هذي لتدريب الطير علي الطيران من القفص الي يدك

الطير لازم تعسه ( تغره باالابره ) وفيه سيلالاك خاص للطيور انصحك تستخدمه ولا تستخدم سيلالاك الاطفال لانه يسبب الاسهال للطيور

الطريقه سهله جدااا تغر الطير اكثر من مره بالابره وبعدها تبعد شوي وتخليه يشوف الابره وتناديه تعال تعال وراح يتعود مع الايام من يسمع تعال يجيك طيران

بالنسبه للكلام استمر بالي قلت لك عليه وان شاء الله تسمعه يتكلم

واتمني انك استفدت من مقطع طيري وسجلته

بالتوفيق

انا قليل تواجدي بالمنتدي لمشاغل الحياه والعمل

[أبومنيرة]

المشاركة الأصلية كتبت بواسطة يوفاوي الكويت

ما شاء الله تبارك الرحمن

الصوت طبيعي جداااااا لانه فرخ

انصحك انك تستغل هالفتره هذي لتدريب الطير علي الطيران من القفص الي يدك

الطير لازم تعسه ( تغره باالابره ) وفيه سيلالاك خاص للطيور انصحك تستخدمه ولا تستخدم سيلالاك الاطفال لانه يسبب الاسهال للطيور

الطريقه سهله جدااا تغر الطير اكثر من مره بالابره وبعدها تبعد شوي وتخليه يشوف الابره وتناديه تعال تعال وراح يتعود مع الايام من يسمع تعال يجيك طيران

بالنسبه للكلام استمر بالي قلت لك عليه وان شاء الله تسمعه يتكلم

واتمني انك استفدت من مقطع طيري وسجلته

بالتوفيق

انا قليل تواجدي بالمنتدي لمشاغل الحياه والعمل

ما قصرت اخوي يوفاوي
مشكور بارك الله فيك على التوضيح
بخصوص اغره كم ابره مفروض اعطيه باليوم
كميه معينه ولا دامه ياكل اعطيه
ووقت الابر اشيل عنه الحب الشمسي وباقي الاكل واخليه على الابر
والمفروض متى اوقف الابر عنه الحين عمره سته شهور