Betamox

[black blod]

السلام عليكم ورحمة الله وبركاته

ببغائي قبل فترة مرض ونزلت موضوع واستخدمت التايلان والحمدلله اتحسن

وللاسف انتكست حالتو وسار عندو ضيق تنفس وحشرجه واسترجاع للاكل

وديته امس للطبيب قال الاسهال واضح ويمكن عندو نزلة معوية

قلي اوقف التايلان واستخدم betamox
وقرات انه للقطط
ومن امس لليوم زاد خمول الطير ونوم طول الوقت
ابغى اعرف الدواء كويس او للا

ابغى الحق طيري

وشكراً لكم

[black blod]

في افرازات من انفه

[monybat]

هذا المضاد خاص بالقطط

اما علاج الجهاز التنفسي فهو التايلان
الطير انتكس وذلك بسبب عدم اكتمال الفترة في استخدام الدواء
وايضا تقلبات الجو مع اعتقادك انه تحسن وهو في فترة النقاهه
وبالتالي انتكس

ما عليك الا استخدام التايلان وايضا تزويد الطير بالاكل المسلوق واكل العس الخاص بالطيور

وتدفئة الطير جيدا في مثل هذه الحالات
وبالتوفيق

[فيوزي]

اخوي هل الطير متوقف ان الاكل والشرب

تحياتي
ابو سدران

[the_gostman]

اخي الكريم..

كلام أخونا monybat صحيح .. يجب أن تكمل العلاج بالتايلان.لاني بصراحه ما شفت أقوى من هالعلاج لامراض الجهاز التنفسي..

اهم شئ اذا شفت الببغاء توقف عن الاكل يجب ان تغره بأكل المخصص للفراخ.

بالتوفيق
أخوك رمزي

[black blod]

اكله خفيف جداً جداً وحبدأ اوقف عنه الدواء واستخدم التايلان
هوا يلاقي صعوبه في الاكل والشرب
طيب ايش هيا الفترة وكيف اعرف لو صار طيب
الطير هذا غالي عندي جداً ومابغى اخسرو الله يسعدكم ويجزاكم عني كل خير كونو معايا حبه حبه وراح ادعيلكم
فهموني ايش اسوي

واليوم قبل ياكل بيض مسلوق لكن قالولي انو خطر جداً .. ايش ااكلو بالضبط؟!

[black blod]

سوالين

التايلان ينفع مع الاسهال الشديد؟!

ايش الفرق بين النزلة المعوية والمرض التنفسي ؟! وكلهم ينفع معاهم التايلان او لا

البيطري شخصو بانه معاه نزلة معويه بس يقول مافي اعراض بس على كلامي

[فيوزي]

انت شفت الطير تحسن كمل معاه بالعلاج التايلان

زي ما قالو اخواني

واذا الطير اكله خفيفه ويشرب مويه

روح الصيدليه البشريه وقول له جيب مغديه بيبي لايت
وكب شوي فالصحن حق الماء بدل الماء حط بيبي لايت ومن ثم حط العلاج في البيبي لايت وقدمه للطير

خليه يشرب بيبي لايت بدل المويه يكمل التغديه

والتايلان حلو وزي ما قلت وقالو الاخوان الطير تحسن ارجع واستمر معاه
والله يشفيه ويطول فعمره

تحياتي
ابو سدران

[black blod]

الطير اديته تايلان وفتحت له قران طول اللليل

والحمدلله اتحسن بطريقة كبيره ماشاء الله بعد القرآن خاصتاً

وانا خايفه من التحسن المفاجئ

كم يوم اخليه ع التايلان وبعدها كيف اكمل علاجه

والحمدلله وماشاء الله رجع ياكل

بس باقي صوت الحشرجه و العطاس

وجزاكم الله عني كل خير

اخ رمزي و ابو سدران وموني بات

[the_gostman]

ما شاء الله هذه الاخبار الطيبه..

على العموم استمر بعلاج بالتايلان لمدة 5 ايام متواصله.. مع تغير الماء كل 24 ساعه.

وبعد شفاء الببغاء بإمكانك اعطاءه فيتامينات في الماء عشان يرجع نشاطه.. أنصحك بفيتامين أمينو فيت.


بالتوفيق
أخوك رمزي