موت الهامستر .. وبقاء الأطفال

[Love 2 Zoo]

السلام عليكم ورحمه الله وبركاته

اليوم نفقت أم الهامسترات وبقي الأطفال

شفتها أمس مغرقة نفسها بالماء وجالسة بالقوة تتحرك ..

حاولت أحركها ع العجلة ما تتحرك .. ( الحمد لله )

المهم بقى الصغار . كيف أقدر أشربهم .. ممكن بأصغر إبره غرر ..

أنتظر ردودكم ..

[العيون الزرق]

وعليكم السسلام
طيب كم عمر الصغار؟

[Love 2 Zoo]

عمرهم بالضبط 14 يوم
أكلتم شوي خس . أكلوا عادي .. بس هل في مشكلة عليهم منه
وأنصحوني بطريقة شربهم .. وشكرا ع تجاوبك العيون الزرق

[medo_osama]

والله مابعرف حصلت عندى بس كانت الارانب ورضعتهم بالحقنه من غير الابره وارجو ان يساعدك الاعضاء الاخرون
تقبل مرورى

[Abo_fahed]

تم نقل الموضوع الى قسم سؤال وجواب

اتمنى من الخبراء افادة صاحب الموضوع

[محبه الحيوانات]

خل اكلهم حبوب منوعه قريبه من عندهم ومشربه قريبه هم هاذا عمر يقدرو ياكلوو

[صوغة]

وعليكم السلام

شوفي اختي بعمر 14 يعني اسبوعين

فتحت عيونهم ويركضون ويبحثون عن الاكل ان شاءالله تقدرين تساعديين بالتعويض عن الام

وزعي عليهم الاكل حطيه بين يديهم واحد واحد قطع خيار صغيرة ورق سبانخ خس مقطع جزر قطع تفاح صغيره كل يوم قدمي لهم نوعين نوع الصباح ونوع المسااء عشان يعوضون نقص الحليب

وحتى الحبوب المشكلة حاولي توزعينه بحيث اتحطينه بين يديهم كل صغيير حطي بين يديه بيشمه وبيمسكه

صغار همسترتي بعمر ال17 يووم ... ماشاءالله شفت امهم اتجمع الاكل من يدي وترووح تنزله بين الصغااار

اذا هم بالكووخ نزلته بالكووخ

اذا هم جالسيين بالانبوب البلاستيكي نزلته بالانبوب

سبحان الله وين مايتجمعووون تنزل لهم الاكل من جيوبها

فصرت اساعدها اوزع معها احاول احطه عند فم الصغير يتشمممه ويمسكه

فسوي مثلها من نفسهم بياكلون بس قربيه بااي طريقه لهم عشان ينتبهون

وبالنسبة للماي نزليه خليه معلق وقرريب من طول الصغاار

وجربي تمررينه عليهم بالدور من فم لفم حتى لو يخافون ويهربوون لازم اتحسسينهم انه مااي لو يبون بيشربون لو مايبون ماخسرتي يتعلموون

واساسا اسبوع والمفروض يستغنون عن الام يعني بعمر ال3 اسابيع

ان شاءالله تخطوا مرحلة الخطر

والله يعووضج عن الام

موفقة

[بائع الهامستر]

اول شي الحمدلله على كل حال

الله ياخذ والله يعطي

اخذ منك الام وعوضك بالصغار

وبعمر 14 يوم يعني يقدرون ياكلون من انفسهم

انصحك انك تعطيهم خس وخيار لانها مليئه بالسوائل والماء تحديدا

وان شاءالله يعوضهم عن شرب الماء والحليب

وبالنسبه للماء ، اذا المشربة قريبه منهم ويقدرون يوصلون لها ، الوضع كويس ان شاءالله

لان الهامسترات الصغيره من نفسها راح تعرف تشرب من المشربه

بس المهم تكون قريبه منهم ويقدرون يوصلون لها

وبالنسبه للحبوب والاكل الجاف ، اتوقع ان الهامسترات ما زالت صغيره ويبي لها كم يوم عشان تبدا تاكلهم

لكن حط لك شوية اكل جاف من حبوب وغيره وان شاءالله يا كلونهم

انا مريت بنفس موقفك بس كان عمر الصغار 16 يوم بالضبط

والحمدلله عاشوا كلهم ولا مات منهم احد

وان شاءالله هامستراتك الصغار تعيش كلهم وتعوضك عن الام

[الحايلي]

يبحان الله

[Love 2 Zoo]

مشكورين ع تجآوبكم .. مآقصرتوا ..

الأخ medo_osama
شرفني مروركـ .. .
-------------------------------------
Abo_fahed

أعتذر .
-------------------------------------
الأخت محبه الحيوانات

شآكرلك ملعوماتك ومرورك .
-------------------------------------
الأخت صوغة (أنا أخ)
معلوماتك فادتني كثير مشكورة . بخصوص الموية نزلتها لأقل حد وكثرت النشارة .
آمين
-------------------------------------
الأخ بائع الهامستر
لك ودي ما قصرت ويعطيك العافية .. ( الحمد لله ) .
-------------------------------------
الأخ الحايلي
متشرف بردك
تحياتي للجميع ما قصرتوا ويعطيكم ألف عافية ..
دمتم بود ...