ارجو المساعدة

[عاشقة الكاسيكو]

السلام عليكم ورحمه الله وبركاته ..

شخباركم اخواني و خواتي انشالله بخير ..

انا عندي زوج كوكتيل و فرخهم

الحين صار عمر الفرخ شهر تقريبا .. ولكن ريشه ماكتمل

الحين شلون افطمه ..؟

وشلون اعوده على الفواكه و الخضروات ..؟

تحياتي لكم

[أتعبني غلاها]

ما شاء الله تبارك الله

افصلي الفرخ عن الزوج و اكليه يدوياا

خبز مبلول بيدك بسكوت مبلول سيريلاك بيدك

و حطي له قطعة تفاح في القفص و حبوب البادجي

و هو يجلس يلعب فيها و يبداء يتعلم

بس برضو لازم تغرينه

تحياتي

[ولد لممـلكة]

وعلــيكم السلــآم ورحمة الله وبركــآته
هلـآ آختي الفطـآم يكون على شوي شوي
آبدي معاه بآنك توقفين الغر وتبدين تطعمينه بيدك [ خبز بآـآلحليب آو خبز مبلول مآـآء ]
وبعـدين حطي صحن وحطي فيه حبوب الكروآـآن المعروفه والاحسن كبدآـآية تحطين حبوب البآدجي لانو سهلة التقشير وخليه يجوع فترة قصيرة وبهالفترة هو رآح يدور اي شي
يآكــله وهو بتجه بنفسه لصحن وحآول يجرب استمري معاه كيذا مرآ مرتين ثلـآثه ورآح يتعود
وكل مرة طولي ولا تغريه وحطي في الرضية القفص خبز صآمولي وخس واي نوع من الفوآكه المفيده للكروان

ونصــيحتي لا تفطمينه من بدري
بمآ آنو فرخ غر غريه اشياء مفيده له مثل التفاح والبيض بالبقسماط عشان تصير صحته ممتآزه ^ ^
لانو لو فطم راح يصير ماياكل كتير من هالاكلات

[عاشقة الكاسيكو]

هذا مو فرخ غر .. امه وابوه يأكلونه

بس هو قاعد يتعلم انه ياكل من اكلهم الطبيعي

[ولد لممـلكة]

اذا هو مو غــر خلـآص رآح يتعلم من نفســة انه يفطم ^ ^
بس حرام مآتغريه لانوو يمكن مآيتوآلف دامه مع امه وبوه

[أتعبني غلاها]

اذا الطير اهله ياكلونه يعني غر

و اذا هو قاعد يتدرب ياكل من اكلهم

حاولي تفصليه و تدربيه و تعطيه توست او صامولي و فواكه و خضار

تحياتي

[عاشقة الكاسيكو]

لا هو كل معاي بس من ناحيه الاكل امه و ابوه يأكلونه ..

بس بدأ يتشيطن

[عاشقة الكاسيكو]

الحين شفته قاعد أمام الصحن قاعد ياكل بروحه ...


اخليه او اشيله عن الصحن ؟؟

سمعت اصوات انه يكسر الحب عادي

[أتعبني غلاها]

ربي يحفظه لكي

الطير في بداية فطم

افصليه عن اهله و حطيه في قفص ثاني

و حطي له الاكل المخصص للكروان ( البذور - تفاح - خبز ( صامولي ) - بيض بالبقسماط )

و حاولي تلعبي معاه و تعلميه الكلام

و ربي يحفظه لكي يا رب

تحياتي