100 صور حمامي 100

[قطرررررررررررري]

بسم الله الرحمن الرحيم


السلام عليكم ورحمة الله وبركاته


اليوم اكتب موضوعي 100 فالمنتدى واخيرا وصلت لهذا الرقم

اكيد في ناس تعدت هذا الرقم بكثير لكن انا حبيت هذا الرقم يكون مميز لمواضيعي

وحبيت هذا الموضوع يكمل مسيرتي في عرض حمامي لكن هذي المره مع اقوى مجموعه

اعرضها فالمنتدى

وان شالله الحمام يعجبكم



بس لحد ينسى ذكر الله


نبتدي المجموعه

اجواز مودينا -- طبعا هذي الاجواز جديده وتوهم مبيضين عندي

هذا الجوز الاول

الذكر كريمي والنثيه حمره



الجوز الثاني عكس الاول

الذكر حمر ونثيه كريميه



طبعا لحد يستغرب ليش مارتبت الالوان لان الجوز الاول جاني قبل بفتره وتوالف الذكر والنثيه وماحبيت افصلهم لكن بعد اول تفريخ لهم بفصل الجوزين وبرتب الاولوان بشكل افضل

----------------------------------------

طبعا الجوز الثاني جوز بنت البلد -- حب الرمان --

هذي الفصيله من الانواع الرخيصه لكن عجبني لون الجوز وحبت انه يكون ضمن مجموعة حمامي



---------------------------------------

وهذا الجوز سوداني اصفر او مايسمى بالراهبه

طبعا اسف الصوره مب واضحه وماعندي الا هذي الصوره لان واحد من ربعي اشترى لفروخ وهي

توها قبل فصلها عن الابوين وماكان عندي صوره جماعيه ثانيه




-------------------------------------


وهذي صورة جوز كيرلي

النثيه الزرقه من انتاج اواخر 2007 من انتاجي والذكر الحمر من انتاج 6-2007 من انتاجي

والجوز والحمدلله توه بايض وان شالله اشوف انتاجه





----------------------------------

وهذا جوز سوالوا

النثيه دبل كرست والذكر عادي







وهذي صوةرة النثيه راقده عالبيض




----------------------------------

اما اللحين للمجموعه المميزه

صور لمجموعة حمام كلهم لونق فيس

وان شالله تعجبكم المجموعه

































---------------------------------


وهذي صور لمجموعه من الانتاج خترتها لكم


هذي صوره لفرخ ايراني صار فيه عيب فاللون لكن العيب حلو للعلم عيب شائع بين الحمام

لكن عجبني وقلت اعرضه لكم

طبعا الطير مكتف بازرق تو بار

وهذا جنب الطير مكتف بازرق


وهذا جنبه الثاني مكتف بابيض ساده


-----------------------------

هذي صوره لفرخ كشكي ابيض ساده



----------------------------


هذي صوره لفرخ كيرلي من الانتاج



--------------------------


هذي صوره لفرخ نفاخ ازرق طبعا الصوره عاديه لكن الغرضمن الصوره انى انتج فرخ ازرق

وجنحانه لونها ازرق ساده بدون تو بار ولا بار عادي ولا يكون ازرق مرشش باسوده

بخلي الجناح ساده طبعا هذا الانتاج صعب شوي لكن هذا اللي توصلة له وان شالله

اول ماكمل الشغله هذي بعرض صور الطير مبدئيا الشغل ممتاز لكن ان شالله النهايه نفس ماتمنى




------------------------

وهذا فرخ كرنقو ابيض ساده توه الفرخ صغير بس حبيت اعرضه

طبعا طالع من جوز مستوى ممتاز معلعل وصروال فل



-----------------------


وهذا فرخ ايراني من الانتاج وان شالله يعجبكم لونه

تحياتي

[نجيدات]

ما شاء الله من كل الانواع
مشكور

[Mr. MeMo]

ميه على ميه للموضوع الميه



اولا ابارك لك على وصولك للرقم 100 من المواضيع المميزه و الرائعه
و التي استفاد منها الكثر جعلها الله في ميزان اعمالك


ثانيا ابارك لك الانتاج الاكثر من رائع ما شاء طيور جميله جدا
الله يطرح بهم البركه

و اتمنى لك التوفيق

[الوديع]

ماشاء الله تبارك الرحمن أخوي [ قطري ] ما أقدر أقول غير أبداع وروعة و الله يحفظهم لك

[قطرررررررررررري]

نجيدات : شكرا على الرد وياليت لو عندي كل الانواع الحمام انواعه كثيره وماعندي حتى ربع انواعه


Mr. MeMo : والله ردك هو 100% مشكور على الرد والكلام الطيب اللي ذكرته وجزاك الله خير


الوديع : مشكور اخوي الوديع على الرد وبصراحه انت ابداع المنتدى بمواضيعك المميزه

وماهو شي غريب عليك لان المميز مايطلع الا من المتميز

[هاوي حمام]

ألف شكر يا قطري

مجموعة رائعة الله يبارك لك فيهم

وعقبال الموضوع الألف

[رعوود]

خالي قطرررررررررررري

اول شي الف مبروك عالرقم الجديد

وعقبالي بوصل 300

^.^

وثاني شي

والله مو عارف من وين ابدا

ماقول غير ما شاء الله

والله يباركلك فيهم كلهم

ويزيدك

واقبنا على اضطلاع

<< ترا متعوب عليها ^.^

وبانتظار جديدك

[ehap_ali2005]

ما اقدر غير ان اقول ما اروعك يا قطرى والف مبروك ومليون تحيه

[عالم الكوكتيل]

ماشاء الله تبارك الرحمن



الله يخليهم لك


وعقبال توصل 1000 موضوع دبل الميه عشر مرات



الله يعطيك العافيه وماتقصر على الصوره الجمله

[suki]

مبرووووووووووووك على المية موضوع وثاني شي صراة حمامك حلو ورائع وبالنسبة للايراني يعتبر نادر لانه كان عندي جوز بلجيكي وطلع الزغلول نص لون امه ونص لون ابوه والناس قامت تقولي ندفع اللي تبيه بس تبيعه اخوي افرح انه ولد كذا لانه نعمة من ربي