ماهية ردة فعلك في حال عضك الببغاء ؟؟

[^خالد^]

السلام عليكم جميعاً


احب احيكم علي روحكم الطيبة وعلي تفاعلكم الطيب والمساعدة

اول ما شريت الكاسكو الي عندي ماكنت ملم بأي شي عن الطيور وكيف التعامل معه

وكان الطير يخاف مني واذا قربت يدي يحاول يعضني ولكن يطلع علي يدي احيانأ لحد ما اخذت معلومات قيمة منكم والان سرت احك راسه وامسح عليه والحمدلله في تحسن

مره من المرات جت يدي عشان امسح راسه ويا هذيك العضة الي عضني حسيت مخي طلع من راسي واعطيك ذاك الصوت تقل صوت واحد مصفوق برشاش وتجي المره تركظ تحسب الببغاء افترسني مو بس عضني

وهاتك يا صياح علي الببغاء هوه اتفجع من الصياح وبعدين اتفجع يوم صحت عليه ولكن بعدها سار يخاف مني فترة اسبوع تقريباً من الموقف لحد ما رجعت العلاقة الطيبة معاه

نبغي نشوف تجاربكم وردة فعلك اذا عضك عضة محترررمة ايش تسوي ؟؟؟

[ابو التواريخ]

إذا كانت عضة ضعيفة أو متوسطة أخليه على كيفه وإذا كانت عضة محترمة أسحب يدي بهدوء

[يوفاوي الكويت]

حلو الموضوع بصراحه

انا قبل كم يوم اخذت عضه قووووووووووويه اصبعي انقص والله بس ما سويت شي ولا صرخت ولا شي

متعود علي العضات

وفوق هذا ما سحبت ايدي بقوه لما عضني علي شان ما يتعود علي العض

[gazef16]

موضوع حلوو انا توني شاري افريقي قبل اسبوع وخاايف مني يرتعد المهم مسوي انا بطل طلعته برا الشبك ومديت يدي عليه ويعضني ذيك العضه الي سحبت ايدي بقووله الا الببغاء طارر وطااح على شبك الكناري على بعد مترين ههههههههههههه وبعدها لي 5 ايام ماجيته .

[the-gray]

هلا اخوي شكلك مبتدى
يالله تكبر وتنسى
بالنسبه لي متعود على العض يعني شىء عادي و الدليل يدي

بعد فترة الطير يتعود عليك وما يعض وإذا عض خفيف

وما تشوف شر

[ابوعبدالمجيد]

مره ولد خالتي عضه الطير ومسكه من رقبته والطير عاضه لمين قرب الببغاء يموت استسلم وفك العضه

وبعدها صاروا اصحاب ههههههههههههههههههههههه

[fawzi]

هههههههه العض عادي لابد منه في التدريب بس الامور كلها عاديه انا مرات كثيره تعضني الطيور بس عادي بعض الاحيان تكون قويه وماتحمل بس امسك نفسي لانه الافريقي ذكي اذا عرف انه العضه راح تعور ممكن يتعود انه يغض وهذه دفاع عن النفس

[reds]

هههااااهاااااييي بسيطه يا حبيبي الغالي ... خوش موضوع ترى انا قاعد اكتب بثلاث اصابع بس !! تدري ليش ؟؟
لان ما بقالي غيرهم .. شد حيلك وخلك عرد .. وتحمل !! ومبارك عليك باجي الشهر

[كاسكوي صميم]

الحمد لله ولا عضة جاتني من اي ببغاء عندي الى الآن ببغاوين كاسكو

والسر اني اول ما اجيبه اخليهم فتره داخل القفص ويصير التدريب كلو جوا القفص لمدة شهر تقريبا

بعدين ابدا كل اسبوع اطلعهم الى ان تتوطد العلاقة في قلوبهم معي

ويصيروا فل الفل

الحمد لله ولا اي عضة

مع العلم لدي واحد هولندي وكان لدي واحد مصيود

وكلهم اطلعهم كل يوم من القفص بدون اي عض

الحمد لله ان شاء الله انكـ تتقبل مروري الطويل شوي

[كاسكـــو]

انا رحلتي مع الببغاوات سنوات طويله

يعني انا متعود خلاص صار عندي مناعه ههههههههههه

لدرجه اذا عضني عادي اعطيه أصبعي من جديد يعض لحد مايطيح اللي براسه

وتقدر تقول تعودت على درجه شده الالم وصارت عاديه عندي