اشترك في نشرتنا البريدية ليصلك كل جديد

BAAZ · 21-07-2005, 01:55 PM

السلام عليكم ورحمه الله وبركاته

رياضة الصيد با الصقور هي رياضه قديمه جدا وتعتبر من تراث الاجداد الباقي الى يومنا هذا وتورث لجيل بعد جيل ...
صاحب السمو الشيخ : زايد بن سلطان ال نهيان وعلى يده الشاهين (( رحمه الله ))

صاحب السمو الشيخ : جاسم بن حمد آل ثاني

راح ان شاء الله افيدكم ببعض المعلومات عن تدريب الصقور ..
تدريب الصقور :

تدريب الصقور تحتاج الى خبره جيده وصبر ودقه في المعامله ... حتى يصبح الطائر مهذب ويطيع أوامر صاحبه , الحر والشاهين هم من افضل الصقور التي يفضلها أهل الخليج ..

الحر ..

الشاهين ..

ويحتاج وقت يقارب 30 – 40 يوم حتى تتدرب وتتعود على صاحبها وتبدأ تسمع كلامه وتلبي أوامره ..

1. أول مايبدأ به علشان يستأنس الطائر الجارح هو أنه يغمض عين الطائر حتى ماينزعج من شكل الإنسان ..

2. يبدأ المدرب يأكل الطائر اللحم الطري وهو ينادي عليه ويلمسه بيده بحنان ولطف >>> تقريبا مثل معامله الطفل بحنان وعطف ..ويظل هكذا يحس بمدربه ويسمعه بس مايشوفه .. فتدريجيا راح يهدئ الطائر ويخف ازعاجه , ويطمئن لصاحبه ..

3. لما يتأكد المدرب أنه الصقر ماعاد يخاف يبدا يشيل البرقع من عينه بين فتره وفتره ..>>>> مب مره وحده يشيل البرقع ..

4. يبدا يطلع الصقر يقعده مع الناس حتى يتعود علي سماع الأصوات,, بس على المدرب انه يحترس بالأيام الأولى .. وتقريبا مده اسبوعين ياخذ لين مايتعود على الأصوات ويبتدي يتعود على صوت مدربه فيلتفت عليه كلما ناداه ..فعى المدرب انه يأكله لحم طري ويشبعه بعد التدريب اليومي ..

5. وعلى المدرب لنه يعلم الطير انه مايخاف من اللي جاي نحوه وهو انه الطير يشوف اللي جاي نحوه ماسك لحم بيده فيتعود ان اللي جاي صوبه يبي يأكله فعقب هذا راح يطمئن و مايخاف من اللي جاي نحوه .

6. الحين يقدر المدرب انه يمرن الطير على المسافات القصيره , وهو ان الصقار يربط الطير بخيط طويل من رجله وياخذه لمكان عادي يقدر يدربه فيه , وياخذ الصقار أحد زملاءه معاه حتى يساعده ..
يحط الصقار الصقر على يد زميله ويروح صاحب الصقر بعيد بمسافه مثلا خمسين متر .
ويبدأ ينادي الصقر بالأسم اللي أختاره له بصوت عالي ويكرر النداء عده مرات ثم يقوم بالتلواح , لما يلتفت الصقر حق صوت صاحبه ينزع الزميل البرقع ويتركه فيطير الصقر ناحيه صاحبه اللي يقوم بمناداته... وتكرر هذي العمليه عده مرات قبل عمليه التدريب الأخيره ..

7. وأخيرا التدريب الأخير .. يقوم الصقار بالنداء على الطير من مسافه بعيده , فياخذ الصقار الصقر لمكان بعيد عن المدينه فيقوم بنفس الحركه اللي كان يسويها من قبل يعطي الصقر لزميله بس هذي المره يبتعد لمسافه ابعد كيلو متر تقريبا وينادي على الصقرومن ثم التلواح , لما يلتفت للصوت ينزع الزميل البرقع فينطلق الصقر نحو صاحبه ...

ملاحظه : عند اطعام الصقر يجب انه يتاكد صاحبه ان القر أكل بعض الريش لان الريش يساعد على الهضم وتنظيف المعده فبعد عده ساعات يتخلص الصقر منه ..

وبهذا الشكل يكون الصقر انها تدريبه ...

وهذي بعض الصور لطريقه التلواح

وهذي بعض الصور لسمو الشيخ : جاسم بن حمد آل ثاني .. أثناء رحلته

abbaswcw · 21-07-2005, 08:50 PM

و الله اخوييي مشكور على هذا الموضوع و الى الامام لقد حببتني في ان اربي صقر و ادرب
و شــــــــــــــــــــــكراً و الى الامام اخو ــــــــــــــــــــــــــــــــــــــــــــــــي

NONO · 21-07-2005, 10:48 PM

ماشاء الله موضوع رائع ياأخت باز
ومزود بصور الشيخ زايد ال نهيان وعلى يده الشاهين (( رحمه الله ))
وابن والدنا حمد بن خليفه آل ثاني الله يحفظهم ويرعاهم لدولتنا قطر الحبيبه

موضوع مرتب وطريقه حلوه لو كان موجود مثل هذا الموضوع لكان استفدت وااايد لانه الصقر الي عندنا مات كان واايد أليف معانا توفي بسبب محلول يعطونه لصقر علشان يرجع(يزوع) ويطلع كل الشحوم الي في بطنه أول مره عطيناها طلع الشحوم الي في بطنها والمره الثانيه ماكان مكتوب انه يعيش لان الدواء الي يعطونه اياه لازم يرجع الي ماكله واذا مارجع بيموت , فياب اخوي صقر ثاني بس كان واايد شري ولايعرف شي فأخوي ماحصل وقت يدربه لانه لاهي بالشغل ,فقررنا نبيعه ونباع.

cats · 22-07-2005, 02:03 PM

مشكورة اختي baaz على هذا الموضوع الحلو

BAAZ · 22-07-2005, 04:14 PM

اشكركم على المرور والرد الطيب أخواني ..

abbaswcw : اتمنى انك تربي صقر لان تربيتها روعه . واهتم فيه اذا بتشتري ..

nono: ايه اعرف هذا الدوا بس هاي يستخدم اذا كانت حاله الصقر سيئه وماياكل وبمقدار محدد يكون ولازم بعد أكله يرجع..
فعلشان مايصيد الصقر سوء الأكل المفروض انكم تنتبهون لاكله مثل ماقلت من قبل انه لازم ياكل بعض الريش علشان ينظف معدته وتتاكدون بعدين انه طلعه ,,

cats: اشكرج عزيزتي على الكلام الحلو

جزاكم الله خير