كم سؤال عن تزاوج الكروان و التفريخ ؟

[شموخ ~]

السلام عليكم و رحمة الله و بركاته

انا عندي زوج كروان .. و هو زوج منتج شريته جاهز
قبل فترة جابو بيضة غير ملقحه ولا فقست واللحين عدى شهرين يمكن على انتاج هذي البيضه او اكثر
وهذي الفترة يمكن لهم اسبوع اشوف الذكر يلقح الانثى ..
يعني اكثر من مرة ..

وانا ماعندي خبرة بهذا المجال لكن عندي كم سؤال ؟

1- تقريبا كم مرة لازم الذكر يلقح الانثى .. ؟
2- هل ازيد نشارة الخشب بصندوق التفريخ .. ولا اخليها هي نفسها اللي موجودة في الانتاج القديم ؟
وكيف اعرف اذا الكمية مناسبة او لا .. ؟
3-هذي الفترة لقيت ريش بالصندوق هل هذا يدل على قرب نزول البيض او لا ؟
4- كم المدة التقريبيه بين التلقيح و نزول البيض ؟
5- كم المدة التقريبيه لفقس البيضه ؟
6- هل لازم احط لهم بيض ولا اخليهم على الحبوب اللي متعودين عليها ؟

واذا عندكم اي معلومات اضافية لاتحرموني منها ..
و مشكورين

[سما الكناري]

المشاركة الأصلية كتبت بواسطة شموخ ~

السلام عليكم و رحمة الله و بركاته

انا عندي زوج كروان .. و هو زوج منتج شريته جاهز
قبل فترة جابو بيضة غير ملقحه ولا فقست واللحين عدى شهرين يمكن على انتاج هذي البيضه او اكثر
وهذي الفترة يمكن لهم اسبوع اشوف الذكر يلقح الانثى ..
يعني اكثر من مرة ..

وانا ماعندي خبرة بهذا المجال لكن عندي كم سؤال ؟

الله يبارك لك ويارب تشوف انتاجهم قريب

1- تقريبا كم مرة لازم الذكر يلقح الانثى .. ؟

من مرتين الى ثلاث مرات كفاية في هالفترة حاول ماتزعجهم وخصوصا وهو يلقح !!

2- هل ازيد نشارة الخشب بصندوق التفريخ .. ولا اخليها هي نفسها اللي موجودة في الانتاج القديم ؟

لا غيرها فك البياضه وسكر فتحت القفص الين تخلصمن التنظيف لا تغسلها بمويه لا افتح غطا البياضه وكب اللي فيها في القمامه وخذلك شيء تحك به الحواف حقت البياضه من جوا وتأكد انها نظفت لأنك لازم تحذر من الفاش وغالبا يجي في النشارة .. وحط فيها نشارة جديده ونظيفه .وارجع ركبها

وكيف اعرف اذا الكمية مناسبة او لا .. ؟

الكميه املئ كفك ثلاث مرات او مرتين ونص ..وتعرف انه مناسب بأنه مايبان الخشب حق البياضه

3-هذي الفترة لقيت ريش بالصندوق هل هذا يدل على قرب نزول البيض او لا ؟

احتمال والاحتمال الثاني ان هرموناتها اضطربت ان كانت حامل

4- كم المدة التقريبيه بين التلقيح و نزول البيض ؟

تقريبا اسبوع

5- كم المدة التقريبيه لفقس البيضه ؟

من تضع الانثى اول بيضه اكتب تاريخها واحسب بعدها واحد وعشرين يوم في اليوم الواحد وعشرين تفقس اول بيضه باضتها
6- هل لازم احط لهم بيض ولا اخليهم على الحبوب اللي متعودين عليها ؟
كل يوم مع الحبوب خضار وفواكه يوم خس ويوم جرجير ويوم بقدونس مع التفاح واحيانا كمثرى وبرتقال وغيرة وثلاث مرات في الاسبوع بيض مسلوق وبقسماط ونقطتين زيت زيتون على البيض ومرة في الاسبوع قمح مسلوق وغير المويه كل يوم ومرة في الاسبوع حط لهم في المويه منقوع ثوم وليمون

واذا عندكم اي معلومات اضافية لاتحرموني منها ..
و مشكورين

عليك بالصبر الطيور عامة يبيلهم صبر وابعدهم عن التيارات الهوائيه سواء باردة او حارة لأن الكروانات عندها الجهاز التنفسي حساس ولا تحط لهم مويه للأستحمام الا في الصيف
اهتم بالنظافه مرة كل ثلاث ايام نظف اللي تحتهم
والامان ثم الامان ثم الامان الكروان خواف قبل لاتدخل عليهم صفر وقبل لاتفتح عليهم الباب بعد
واذا باضت لا تحرك القفص ابدا لأنها راح تهجر البيض اذا تحرك او لمسته كثير ..
والله يوفقك

[شموخ ~]

جزاك الله خير

[الأسد الملك]

ماشاء الله الاخ سما كناري ماقصر

لكن عندي بعض الملاحظات ..

4- كم المدة التقريبيه بين التلقيح و نزول البيض ؟

مافيه وقت معين واهم شي الصبر يمكن تطول المده لأسابيع


بالنسبه لرد الاخ سما كناري

كل يوم مع الحبوب خضار وفواكه يوم خس ويوم جرجير ويوم بقدونس مع التفاح واحيانا كمثرى وبرتقال وغيرة وثلاث مرات في الاسبوع بيض مسلوق وبقسماط ونقطتين زيت زيتون على البيض ومرة في الاسبوع قمح مسلوق وغير المويه كل يوم ومرة في الاسبوع حط لهم في المويه منقوع ثوم وليمون

كثرة الفواكهـ قد تسبب لهم اسهال ابعد عنها ولا تحطلهم افضل ..

وتغيير الماء كل يومين او ثلاثه وعلى حسب مشربتك الي حاطه لهم

ولا تكثر من اعطاهم البيض مره بالاسبوع حين فقس البيض اعطهم كل ثلاث او اربع ايام

والباقي ماازيد على كلام " سما كناري " كفا ووفا

واهم شي الهدوء وعدم ازعاج الطيور والصبر

بالتوفيق

[عاشق الكوكتيييل]

1 تقريبا كم مرة لازم الذكر يلقح الانثى .. واعتقد ان الذكر يلقح الانثى من 3مرات الى8 مرات.

2- هل ازيد نشارة الخشب بصندوق التفريخ .. ولا اخليها هي نفسها اللي موجودة في الانتاج القديم ؟لا الاحسن انك تغيرها.

وكيف اعرف اذا الكمية مناسبة او لا .. ؟خل نفس الكمية اللي انت قبل مخلي مثلها في الانتاج الاولي.

3-هذي الفترة لقيت ريش بالصندوق هل هذا يدل على قرب نزول البيض او لا ؟نعم بس يبغي لك تصبر شوي .

4- كم المدة التقريبيه بين التلقيح و نزول البيض ؟أخوي التلقيح ما يدل على ان الانثى تبيض بس يدل علي ان الزوج اللي عندك متوالف.

5- كم المدة التقريبيه لفقس البيضه ؟من 18يوم الى21 يوم

6- هل لازم احط لهم بيض ولا اخليهم على الحبوب اللي متعودين عليها ؟هاد الشي راجع لك أخوي اللين تبغي تغير الاكل ولا تبغي تنوع ليهم في الاكل بس الافضل انك تخلي ليهم نوع الاكل اللي يحبون ياكلونة

و تمنى اني افدتك

[شموخ ~]

الأسد الملك

واهم شي الهدوء وعدم ازعاج الطيور والصبر

طيب ينفع اعزلهم بالسطوح ولا يموتون مع الشمس !!؟

عاشق الكوكتيل
جزاك الله خير

[امير ابو نمر]

--------------------------------------------------------------------------------

السلام على الجميع
انا عندي فقسة بيضه من اربع بيضات لهلحين بس الي عاوز اسالو يا اخواني (بعد قديش من التفقيس لازم انقل لفراخ من العش وبعد قديش افطمهم) ارجو الرد السريع وبكون ممنونكوم

[الطائــر الغامــض]

المشاركة الأصلية كتبت بواسطة امير ابو نمر

--------------------------------------------------------------------------------

السلام على الجميع
انا عندي فقسة بيضه من اربع بيضات لهلحين بس الي عاوز اسالو يا اخواني (بعد قديش من التفقيس لازم انقل لفراخ من العش وبعد قديش افطمهم) ارجو الرد السريع وبكون ممنونكوم

تاخذه في عمر أسبوعين لثلاثة أسابيع ...

وتفطمه في عمر شهرين تقريبا ...

[شموخ ~]

ّّّّّّّّّّ
الفروخ ممكن تخليها عند اهلها لين تفطم ولا نطلع من العش ..-صندوق التفريخ - ~~
وممكن لو بتربيها تطلعها قبل ..~
وبالنسبة للفطام مو انت تفطمها .. هي تفطم لحالها من يوم ماتشوفها تاكل حبوب و تشرب موية و تطير يعني فطمت خلاص ..~

~~~ بس محد جاوبني اذا كان موقعها بالسطح تمام ؟ ولا ما احطهم

[عاشقة الظلام]

اذا كانت السطوح مظلله ويوجد بها الظلال الكافية والجو المناسب فهيه مناسبة بس اذا شمس وجو حار نصيحة لاتنقلها وخلها في غرفة هادئة في البيت.وتسالمي عليها من الموت.